سەرۆکی لیستی یەکگرتووی ئیسلامی لە پارێزگای سلێمانی رایگەیاند، چوار لە ئەندامانی تیمی بانگەشەی هەڵبژاردنەکەی بۆ ماوەی کاژێرێک لە بازگەی تاسڵوجە دەستگیر کران

لە هەڵبژاردنەکانی هەرێمی کوردستان، دوو جۆر دەنگدەر هەن، بەشێکیان دەنگدەری گشتین و لە رۆژی دەنگدانی گشتی دەنگدەدەن، بەشێکیشیان دەنگدەری تایبەتن کە بریتییە لە هێزە ئەمنییەکان و نەخۆش و کارمەندانی تەندروستی و ئەوانەی لە گرتووخانەکان و هەندێکی دیکەش، بەڵام ئەوانەی لە وێستگەی کەسایەتییەکان (VIP)دەنگدەدەن، لە رۆژی دەنگدانی گشتی دەنگدەدەن.

وەزارەتی بەرگریی سووریا لە زاری سەرچاوەیەکی باڵای سەربازیی ئەو وڵاتە رایگەیاند: "کاژێر 1:35ـی بەرەبەیانی ئەمڕۆ ئیسرائیلی دووژمن لە ئاراستەی گۆلانەوە هێرشێکی ئاسمانیی کردە سەر یەکێک لە پێگە سەربازییەکانمان لەسەر سنووری نێوان سووریا و لوبنان و لەنزیک کفیر یابوس لە دەوروبەری دیمەشق، بەهۆی ئەو هێرشەوە پێنج سەربازمان شەهید بوون و یەکێکی دیکەشمان برینداربوو."

گرووپە چەکدارەکانی شیعە، کە خۆیان بە مقاوەمەی ئیسلامی لە عێراق دەناسێنن رایانگەیاند، بەیانیی ئەمڕۆ هەینی، لە رێگەی درۆن و مووشەکی جۆری ئەرقەبەوە سێ هێرشیان کردووەتە سەر ژمارەیەک شوێن، یەکێکیان بەپێی راگەیێندراوەکەیان بۆ سەر پێگەیەکی سەربازیی ئیسرائیل بووە، دەشڵێن هێرشەکانیان بەردەوام دەبن و زیاد دەکەن.

ئەندامێکی لیژنەی دارایی پەرلەمانی عێراق رایگەیاند، بانکی ناوەندی سیاسەتی کەمکردنەوەی فرۆشی دۆلار و دراوە بیانییەکانی لەپێناو رێگەگرتن بۆ بەقاچاخبردنی دۆلار و خۆلادان لە سزاکان گرتووتەبەر و ئەگەری هەیە فرۆشی نەختی نەمێنێت.

مەرجەعی باڵای شیعەکانی عێراق داوای راگرتنی هێرشەکانی ئیسرائیل بۆ سەر لوبنان دەکات و داوا لە "باوەڕدارانیش" دەکات ئازاری لوبنانییەکان کەمبکەنەوە و پێداویستییەکانیان دابین بکەن.

وەزارەتی تەندروستیی عێراق رایگەیاند، ئەم ساڵ 178 تووشبوو بە نەخۆشی تای خوێنبەربوون تۆمارکراون، 26یان گیانیانلەدەستداوە، لە سێ پارێزگای هەرێمی کوردستانیش 14 تووشبوو تۆمارکراون، بەڵام هیچیان گیانیان لەدەست نەداوە.

بەهۆی نەدانەوەی قەرزەکانی، دامەزراوەیەکی وەزارەتی دارایی عێراق بڕیاری دەستبەسەرداگرتنی موڵک و ماڵی گواستراوە و نەگواستراوەی بانکێکی ئیسلامیی دەرکرد و، داوای جێبەجێکردنی بڕیارەکە دەکات. دەشڵێت، بانکەکە زیاتر لە 12 ملیار دینار قەرزدارە

نوێنەری کۆمەڵەی پەنابەرە گەڕاوەکان لە یۆنان رایگەیاند، بەیانیی ئەمڕۆ بەلەمێکی کۆچبەران لە خۆرئاوای دوورگەی سامۆسی یۆنان نقوومبووە و لە 33 سەرنشین تەنیا پێنجیان رزگارکراون و پۆلیسی کەناراوییەکانی ئەو وڵاتە بەدوای بێسەروشوێنەکاندا دەگەڕێت.

بڕیارە رۆژی چوارشەممە دادگەی فیدراڵیی عێراق بۆ تاوتوێکردنی سکاڵایەک تایبەت بە مووچەی فەرمانبەرانی هەرێمی کوردستان کۆببێتەوە. سکاڵاکە لەلایەن مامۆستایەکی زانکۆی کۆیەوە پێشکێش کراوە

وەزارەتی تەندروستیی عێراق لە سەرەتای مانگی داهاتووەوە نرخی نوێی رسووماتی خزمەتگوزارییەکانی تەندروستی لە نەخۆشخانە و بنکە تەندروستییەکانی جێبەجێ دەکات، نرخی بلیت دەکرێت بە هەزار دینار و شەوێکی مانەوەش دەبێتە 10 هەزار دینار. بەڕێوەبەرێکی گشتیی وەزارەتی تەندروستیش دەڵێت، "بۆ باشترکردنی ئاستی خزمەتگوزارییەکانە."

بەڕێوەبەری راگەیاندنی کاروباری مین لە وەزارەتی ژینگەی عێراق رایگەیاند، رووبەری 4000 مەتر چوارگۆشەیان لەو مین و تەقەمەنییانە پاککردووەتەوە، کە دەکەونە سەر رێڕەوی بۆرییەکانی نەوت یان نزیکیان. دەشڵێت، 400 بۆ 450 کیلۆمەتر لە عێراق ماوە لە مین پاکبکرێتەوە

وەزارەتی دارایی و ئابووریی هەرێمی کوردستان داوای راکێشانی ئەو پارەیە لە لقی هەولێری بانکی ناوەندیی عێراق دەکات، کە ئەمڕۆ خرایە سەر هەژمارەکەی، بۆ تەواوکاریی مووچەی مانگەکانی حەوت و هەشت

بەربژێرێکی سەربەخۆی کریستیان لە پارێزگای سلێمانی لە بەرژەوەندیی بەربژێری لیستی بابلیون کە رەیان کلدانی سەرۆکایەتی دەکات کشایەوە، بەربژیرەکەی لیستی بابلیۆن دەڵێت، "کشانەوەی بەربژێرەکە بۆ پەرتنەکردنی دەنگی کریستیانەکانی سلێمانییە."

تەندروستیی غەززە دەڵێت، بەهۆی کەمیی سووتەمەنی و کەرەستەی یەدەگی پێویستەوە لە 10 رۆژی داهاتوودا سەرجەم موەلیدەکانی نەخۆشخانە و بنکە تەندروستییەکان لەکار دەکەون و مەترسی لەسەر ژیانی سەدان نەخۆش هەیە

مقاوەمەی ئیسلامی لە عێراق رایگەیاند، بەیانیی ئەمڕۆ بە درۆن و مووشەک ژمارەیەک شوێنیان لەنێو ئێسرائیل کردووەتە ئامانج، هەڕەشەی بەردەوامبوونی هێرشەکانیشی دەکات

سەرۆکی تیمی میدیایی کۆمسیۆنی باڵای سەربەخۆی هەڵبژاردنەکان لە عێراق رایگەیاند، هەندێک لە بەربژێران پێشینەی تاوانیان هەبووە و دوورخراونەتەوە. دەشڵێت، "نابێت بانگەشەی هەڵبژاردن لە شوێنە ئایینییەکان نزیک بکرێتەوە."

بەرپرسی نووسینگەی کەرکووکی دەستەی ناوچە کوردستانییەکان دەڵێت، هەرێمی کوردستان شەش تێبینیی سەرەکیی لەسەر سەرژمێریی گشتیی دانیشتووان هەیە، کە پەیوەندییان بە ناوچە کوردستانییەکانەوە هەیە. دەشڵێت، نزیکەی 300 هەزار کورد ناوچەکانی خۆیان بەجێهێشتووە و لەدوای 16ی ئۆکتۆبەری 2017شەوە نزیکەی 300 هەزار عەرەب و تورکمانی شیعە براونەتە کەرکووک

وەزارەتی خوێندنی باڵا دەڵێت، 11 مامۆستای زانکۆی سلێمانی چوونە نێو ریزبەندیی 2%ی توێژەرانی جیهان؛ ئەو پێوەرانەش دیاری دەکات کە مامۆستایانی پێخراونەتە نێو لیستەکە

گوتەبێژی وەزارەتی کشتوکاڵی عێراق دەڵێت، 12 هەزار ئامێری ئاوپرژێن لە نەمسا دەکڕن و 40%ی پارەکەی لە جووتیاران وەرناگیرێت. ئاماژە بەوەش دەکات، جووتیارانی هەرێمی کوردستان لەو ئامێرانە سوودمەند نابن

ئەبو ئالا وەلائی، ئەمینداری گشتیی کەتیبەکانی سەیدولشوهەدای عێراق لە پەیامێکدا کە دوای رووداوی تەقاندنەوەی ئامێرەکانی پەیجەر و وۆکی تۆکی لە لوبنان بۆ حەسەن نەسڕوڵڵا، ئەمینداری گشتیی حیزبوڵڵای لوبنان ناردووە، دەڵێت: "تەواو راستت گوت کاتێک رۆژێک لە رۆژان هەواڵی ئەوەت پێدام عێراق گەورەترین کۆگەی هێز و شادەماری مقاوەمەیە، ئەوەی لەدەورووبەرتان روودەدات لە دڵی ئێمەیە پێش دڵی ئێوە، بۆیە ئامادەین و لەسەر هێڵی دەستپێکردنین، چاوەڕوێی ئاماژەی ئێوە دەکەین بۆ ئەوەی دەروازەی چاوەڕوانی لەبەردەم رووبارێک لە پیاوان بکرێتەوە، بۆ ئەوەی سنووری لوبنان و سەنگەرەکانی شەپۆلێکی مرۆیی عێراقیی قەرەباڵخ بەخۆوە ببینێت."

بریکارنامەکە زیاتر لە 100 دەسەڵاتی عومەری سەید عەلی بۆ دانا ئەحمەد مەجید گواستووەتەوە.

ئۆتۆمبێلەکە بەرەبەیانی ئەمڕۆ هەینی لە نزیک فڕۆکەخانەی دیمەشق لە سووریا کراوەتە ئامانج، دەگوترێت فەرماندەیەکی باڵای حیزبوڵڵای عێراق بە ناوی ئەبو حەیدەر خەفاجی تێدا بووە.

گوتەبێژی دەستەی وەبەرهێنانی هەرێمی کوردستان رایگەیاند، یەکەم کارگەی دروستکردنی مۆبایل لە رۆژهەڵاتی نێوەڕاست لە هەولێر دامەزراوە و دەستی بە بەرهەمهێنانی مۆبایل کردووە، بڕیارە ئەم مانگە یەکەم نموونەی مۆبایلی زیرەک بخاتە بازاڕەکانەوە.

بۆ رۆژی شەممەش 21ـی ئەیلوولی 2024، کەشناسیی هەرێمی کوردستان روونیکردووەتەوە: "ئاسمان لە نێوان نیمچەهەور و پەڵەهەوردا دەبێت، پلەی گەرما بە گشتى کەمێک بەرز دەبێتەوە، تەنیا لە سنوورى ناوچەکانى پارێزگاى دهۆک نزیک دەبێتەوە لە تۆمارکراوەکانى ئەمڕۆ هەینی."

وەزیری گواستنەوەی عێراق رایگەیاند ژوورێکی ئۆپەراسیۆنی تایبەت بە پڕۆسەی هێنانەوەی عومرەکانی هەرێمی کوردستان لە سعودیە پێکهێنراوە و رۆژانە چوار گەشت بۆ ئەو مەبەستە دەبێت و تاوەکو رۆژی سێشەممە هەموویان دەگەڕێندرێنەوە.

گوتەبێژی وەزارەتی ناوخۆی عێراق رایگەیاند، کارەکانی پاسەوانی سنوور لە پارێزگای سلێمانی بۆ کردنەوەی رێگەکانی سنوور بەردەوامە و جگە لە دانانی قوللەی چاودێری، کامێرای گەرمبینیش بۆ چاودێریکردنی سنوورەکان لەگەڵ ئێران دادەنرێن.

جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق، ئەمڕۆ پێنجشەممە، 19ـی ئەیلوولی 2024، بە تۆڕی میدیایی رووداوی راگەیاند: "تاوەکو ئێستا هیچ وادەیەک لەلایەن ئەنجوومەنی کۆمیسیارانەوە بۆ دەستپێکردنی بانگەشەی هەڵبژاردنی خولی شەشەمی پەرلەمانی کوردستان دیارینەکراوە، ئەو کاتانەی باسدەکرێن فەرمی نین، بەڵام هەفتەی داهاتوو لە کۆبوونەوەیەکدا ئەنجوومەنی کۆمیسیاران لیستی بەربژێران پەسند دەکات و وادەی بانگەشەش دیاریدەکات.

وەزیری تەندروستیی لوبنان دوایین ئاماری تەقینەوەکانی 17 و 18ـی ئەم مانگەی ئامێرەکانی پەیوەندیکردنی بێتەلی لە وڵاتەکەی ئاشکراکرد کە تاوەکو کاژێر نزیکەی 3:00ـی پاشنیوەڕۆی ئەمڕۆ 37 کەس گیانیان لەدەستداوە و 2,931 کەسیش برینداربوون، دەشڵێت تەندروستیی برینداربووانی تەقینەوەکەی چوارشەممە قورستر بوو.

بەڕێوەبەرایەتیی گشتیی فڕۆکەوانی مەدەنیی لوبنان داوا لە کۆمپانیاکانی فڕۆکەوانی کرد گواستنەوەی ئامێرەکانی پەیجەر و وۆکی تۆکیی تایبەت بە پەیوەندیکردنی لە سەرنشینانی فڕۆکەکان، قەدەخە بکرێت.

ئەنجوومەنی باڵای دادوەریی عێراق رایگەیاند، بە تاوانی هێرشکردنە سەر هێزە ئەمنییەکان، سزای لەسێدارەدان بۆ سێ چەکداری داعش دەرچووە.

وەلید دلفی، گوتەبێژی کۆمپانیای هێڵی ئاسمانیی عێراق ئەمڕۆ پێنجشەممە، 19ـی ئەیلوولی 2024، بە تۆڕی میدیایی رووداوی راگەیاند، بڕیارە لە ئەمڕۆوە دەست بە گەڕاندنەوەی ئەو عومرەکارانە بکرێت و بەپێی ئەو بەرنامەیەی دایانناوە، "تاوەکو کۆتایی ئەم مانگە سەرجەم ئەو عومرەکارانە بە ژمارەیەک کاروان دەگەڕێندرێنەوە."

ئەنجوومەنی باڵای دادوەریی عێراق رایگەیاند، مانگی رابردوو زیاتر لە 16 هەزار 600 گرێبەستی هاوسەرگیری کراون و زیاتر لە 5 هەزار و 400 جیابوونەوەش هەبووە. لە 8 مانگی رابردووشدا زیاتر لە 200 هەزار هاوسەرگیری و 48 هەزار جیابوونەوە تۆمار کراون.

بەرەی تورکمانی وەکو یەکەم لایەن نیگەرانیی خۆی لە دانانی قایمقامێکی تورکمان کە شیعەیە بۆ قەزای خورماتوو لە پارێزگای سەڵاحەدین نیشاندا و رایگەیاند، بەبێ هاوئاهەنگی کراوە و دەبێت بڕیارەکان بەبێ پەراوێزخستنی هیچ لایەنێک دەربکرێن.

.

بەڕێوەبەری نەوت و کانزاکانی پارێزگای هەڵەبجە رایگەیاند رۆژی پێنجشەممە لە ناحیەکانی تەوێڵە و بیارە دەستبەدابەشکردنی نەوتی ماڵان دەکەن، نرخەکەشی 100 هەزار دینارە بۆ 200 لیتر.

دوای تەقینەوەکانی لوبنان، عێراق لە رێگەی وەزارەتی تەندروستیی و دەستەی حەشدی شەعبییەوە 55 تۆن یارمەتیی پزیشکی و مرۆی بۆ ئەو وڵاتە نارد بڕیارە و 15 تۆنی دیکەش بنێرن.

ئێستا گەیشت

بەڕێوەبەری گشتیی حەج و عومرەی هەرێمی کوردستان رایگەیاند، بۆ چارەسەرکردنی کێشەی ئەو عومرەکارانەی بەهۆی نەبوونی فڕۆکەوە لە سعودیە گیریان خواردووە لەسەر هێڵن، بەڵام "ئەنجامی دڵخۆشکەریان" دەستنەکەوتووە،

بەڕێوەبەری کەشناسی و بوومەلەرزەزانیی سلێمانی رایگەیاند، پێشبینی دەکرێت کۆتایی ئەم هەفتەیە یان سەرەتای هەفتەی داهاتوو شەپۆلێکی بارانبارین و هەورەبرووسکە چەند ناوچەی هەرێمی کوردستان بگرێتەوە.

بەپێی توێژینەوەیەکی دەستەی کەشناسیی عێراق، پلەی گەرمای 60 ساڵ لەمەوبەر نزیکە لە تۆمارکراوەکانی ئەم ساڵ، بەڵام بەراورد بە 30 ساڵ لەمەوپێش پلەکانی گەرما دابەزیوە. گوتەبێژی ئەو دەستەیە دەڵێت: "لە توێژینەوەکەدا تێکڕای پلەکانی گەرما لە ساڵەکان وەرگیراوە."

بڕیاربوو لەسەرەتای ئەم هەفتەیەوە هاتووچۆی گەشتیاری لە دەروازەی کێلێ لە سنووری ئیدارەی راپەڕین بۆ سێ کاژێر درێژبکرێتەوە، بەڵام بەرپرسانی ئێران رازی نەبوون و بڕیارەکە جێبەجێ نەکرا، بەڕێوەبەری گومرگی دەروازەکە دەڵێت: "بڕیارەکە لە سوودی گەشتیاران بوو."

دادگەی فیدراڵیی عێراق لە روونکردنەوەیەکدا پشتیوانی لە پڕۆژەیاسای هەمواری یاسای باری کەسی دەکات و دەڵێت، "دەستوور رێگەی بە گەلی عێراق داوە لە رێکخستنی کاروباری کەسییان بەپێی ئایین یان مەزهەب یان بیروباوەڕ بێت و نابێت ئەو مافە سنووردار یان قەدەخە بکرێت."

.

راوێژکارێکی سەرۆکوەزیرانی عێراق پارتێکی سیاسی بەناوی (یەکێتیی رۆڵەکانی عێراق) دادەمەزرێنێت.

لەسەرەتای ئەم ساڵەوە 6 هەزار کەس چارەسەریی وازهێنانیان لە مادەی هۆشبەر لە عێراق وەرگرتووە.

دادگەی فیدراڵیی عێراق سکاڵای پەرلەمانتارێکی دژی هەمواری یاسای باری کەسی رەتکردەوە. ئەندامێکی هاوپەیمانیی 188ـیش دەڵێت، "دژ بە هەمواری یاساکە دەوەستینەوە."

ئەنجوومەنی پارێزگای سەڵاحەدین دەستی بە گۆڕانکاری لە سەرۆکی یەکە کارگێڕییەکانی پارێزگاکەدا کرد و لە کۆبوونەوەی ئەمڕۆیدا پزیشکێکی تورکمانی شیعەی بە قایمقامی قەزای خورماتوو هەڵبژارد

سەرۆکی تیمی میدیایی کۆمیسیۆنی باڵای سەربەخۆی هەڵبژاردنەکانی عێراق رایگەیاند، هیچ ئاریشەیەک لەبەردەم هەڵبژاردنی خولی شەشەمی پەرلەمانی کوردستاندا نییە، دواکەوتنی بانگەشەش پەیوەندیی بە وردبینیی لیستی بەربژێرانەوە هەیە، کە کۆتایی ئەم هەفتەیە تەواو دەبێت

بەڕێوەبەری بەرگریی شارستانیی قەزای ئاکرێی سەر بە پارێزگای دهۆک رایگەیاند، تەرمی ئەو گەنجە 17 ساڵانەیان دۆزیوەتەوە کە چوار رۆژ لەمەوبەر لە زێی گەورە خنکابوو

چوار رۆژە کێشەی گەڕانەوەی 2000 عومرەکاری کورد لە سعودیە چارەسەر نەبووە. کێشەکە بەهۆی نەبوونی فڕۆکەی هێڵی ئاسمانیی عێراقە؛ بەرپرسێکی کۆمەڵەی کۆمپانیاکانی حەج و عومرە لە هەرێمی کوردستان دەڵێت، "ئەگەر کێشەکە چارەسەر نەکرێت، دەتوانین بە رێگەی وشکانی بیانگەڕێنینەوە."

لێزمەباران لە دیوی ئاسیای ئیستەنبووڵ باری و پێشبینی دەکرێت پاشنیوەڕۆی ئەمڕۆ تەواوی ئیستەنبووڵ بگرێتەوە. فەرمانگەی کارەساتە سرووشتییەکان و دۆخی لەناکاو (ئافاد) هۆشداری لافاو دەدات.

رێبەری رەوتی نیشتمانیی شیعە، بڕیاری دوورخستنەوەی گرووپێکی دیکەی نێو رەوتەکەی دا، کە بریتین لەو کەسانەی باوەڕیان بە "دژایەتیکردنی هێزەکانی ئەمریکا" هەیە و بە "میلیشیای بۆگەن" ناویبردوون؛ دەشڵێت، "دەزگا ئەمنییەکانیان لێ ئاگادار بکەنەوە."

دوو بەربژێر لە دوو لیستی ئیسلامی بۆ هەڵبژاردنی پەرلەمانی کوردستان پەچە دەکەن (نیقاب) و دەڵێن، بەو شێوەیە بانگەشەی هەڵبژاردن دەکەن.

دەستەی چاککردن و پاراستنی ژینگە رایگەیاند، دیوانی ئەنجوومەنی وەزیرانی هەرێمی کوردستان داوای لە وەزارەتی دارایی کردووە کاری پێویست بۆ هەڵگرتنی گومرگ لەسەر هاوردەکردنی ئۆتۆمبێلی کارەبایی بکرێت؛ ئەنجوومەنی وەزیرانیش داوای بەخشینی رسوماتی ئۆتۆمۆبیلی كاره‌بایی و هایبرید و تابلۆی ئاراستەی وەزارەتی ناوخۆ کردووە

یەکێک لە نوێنەرانی مامۆستایانی وانەبێژ رایگەیاند، شەوی رابردوو وەزارەتی پەروەردەی هەرێمی کوردستان وردبینیی لە لیستی مامۆستایانی وانەبێژ تەواوکردووە و بڕیارە هەفتەی داهاتوو بۆ دامەزراندنیان رەوانەی ئەنجوومەنی وەزیران بکرێت.

دەستەی گشتیی شوێنەوار و کەلەپووری وەزارەتی رۆشنبیریی عێراق رایگەیاند، دەبێت پارێزگاری لە شوێنەوارەکانی عێراق بکرێت، کە بەشێکیان مەترسیی لەنێوچوونیان لەسەرە، لەوانەش کەنیسەی قوسەیر لە پارێزگای کەربەلا کە 1700 ساڵ لەمەوبەر دروستکراوە

عەباس عەزیز، بەڕێوەبەری گومرکی دەروازەی کێلێ لە سنووری ئیدارەی راپەڕینی پارێزگای سلێمانی، بە تۆڕی میدیایی رووداوی راگەیاند، بەپێی ئەو بڕیارەی پێیانگەیشتووە، لە سبەی شەممەوە، رۆژی 14ـی ئەیلوولی 2024 هاتووچۆی گەشتیاری لە دەروازەکە لە هەردوو دیوەوە تاوەکو کاژێر 4:00ـی پاشنیوەڕۆ درێژدەکرێتەوە.

لە سەردانەکەیدا بۆ عێراق، مەسعود پزیشکیان، سەرۆککۆماری ئێران و محەممەد شیاع سوودانی، سەرۆکوەزیرانی عێراق دوو تابلۆیان وەکو دیاری گۆڕییەوە، یەکەمیان پەیامێکی عێراقە لەبارەی برایەتی و هاوتاییەوە، دیارییەکەی پزیشکیانیش گوتەیەکی عەلی خامنەیی، رێبەری باڵای کۆماری ئیسلامیی ئێرانە؛ لەڕووی تێچوونەوە تابلۆکەی عێراق لەوەی ئێران گرانترە.

دەستەی حەشدی شەعبی دەستگیرکردنی کەسێکی راگەیاند کە گوایە پێشتر موفتیی کەرتی وەلیدی پارێزگای نەینەوا بووە و لەلایەن دادگەکانی عێراقەوە داواکراو بووە.

وەزیری کار و کاروباری کۆمەڵایەتیی هەرێمی کوردستان فەرمانیی وەزاریی بۆ درێژکردنەوەی لێخۆشبوون لە 100٪ـی قەرزی کەڵەکەبووی سەر خاوەنکارانی تایبەت بە بەشداری لە دەستەبەری کۆمەڵایەتی تاوەکو کۆتایی مانگی ئۆکتۆبەر دەرکرد، جێگری بەڕێوەبەری گشتی کار و دەستەبەری کۆمەڵایەتیش دەڵێت: "ژمارەیەکی زۆر لە خاوەنکاران سوودمەند دەبن".

بەڕێوەبەرایەتی گشتی ئەوقافی هەولێر رێنمایی نوێی بۆ دانانی پرسە لە مزگەوتەکانی شاری هەولێر و دەورووبەری بڵاوکردەوە، بەڕێوەبەری گشتیی ئەو بەڕێوەبەرایەتییە دەڵێت، "بەشی زۆری رێنماییەکانی کۆنن و جێبەجێدەکرێن، بەشێکیشیان نوێن".

ئەنجوومەنی باڵای دادوەریی عێراق رایگەیاند، وەزارەتی گەیاندنی عێراق دەسەڵاتی بڕیاردانی داخستنی ئاژانس و ماڵپەڕەکانی هەواڵی نییە و ئەو بڕیارە لەلایەن دەستەی راگەیاندن و گەیاندنەوە دەردەکرێت، پەرلەمانتارێکیش دەڵێت، "داخستنی ماڵپەڕ و دەزگاکانی راگەیاندن دەبێت بەپێی رێکارە یاساییەکان بێت، نەک بڕیاری کەسێک."

کەریم سەید، گوتەبێژی وەزارەتی پەروەردەی عێراق، سێشەممە، 10-9-2024، بە رووداوی راگەیاند، کتێبی پەروەدەی ئەخڵاقی ئەم ساڵ چاپکراوە، لە ژمارەیەک پۆلەوە دەستپێدەکرێت و دواتر گشتگیر دەکرێت و سەرجەم پۆلەکان دەگرێتەوە، سەرەتا بۆ ئەم ساڵی خوێندن لە پۆلی یەکی سەرەتایی و یەکی ناوەندی دەخوێندرێت، ئەو کتێبە نوێیە لە سەرجەم قوتابخانەکانی حکومی و ناحکومیش دەخوێندرێت."

بەڕێوەبەرایەتییەکە رایگەیاندووە لە رۆژی سێشەممە، 10ـی ئەیلوولی 2024ـەوە بە هاوئاهەنگی لەگەڵ بەشی زێدەڕۆیی لە سەرۆکایەتی شارەوانی سلێمانی لێپێچینەوە لەو لایەنانە دەستپێدەکات.

کۆمپانیای دانەگازی ئیماراتی کە لە کێڵگەی کۆرمۆری گازی لە چەمچەماڵ وەبەرهێنان لە گازی سرووشتیدا دەکات، لە راگەێیندراوێکدا ئەمڕۆ سێشەممە، 10ـی ئەیلوولی 2024، رایگەیاند: "کۆمپانیای دانەگاز دەیەوێت پێتانڕابگەیەنێت کە کۆمپانیای پێڕڵ پترۆلیۆمی سنووردار دەستی بە رێککارەکانی نێوبژیوانیی لە دژی کۆمپانیای"ئینەرفلێکس"ـی بەڵێندەری ئەندازەیی و کرێن و بونیادنانی تایبەت بە پڕۆژەی زیادکردنی بەرهەمەهێنانی گاز لە کیڵگەی کۆرمۆر دەستپێکردووە."

سەرچاوەیەکی ئاگادار لە وەزارەتی دارایی هەرێمی کوردستان بە تۆڕی میدیایی رووداوی گوت: "لیستی مووچەی مانگی ئاب لەلایەن وەزارەت و فەرمانگەکانەوە ئامادەکراوە و بۆ وەزارەتی دارایی نێردراوە، بڕیارە دوای وردبینیی لە لیستەکان تاوەکو رۆژی پێنجشەممە بۆ وەزارەتی دارایی عێراق بنێردرێت و دواتر پارەی مووچەی ئەو مانگە خەرج بکرێت."

ئاراس جەبار، شارەزای کەشناسی ئەمڕۆ سێشەممە، 10ـی ئەیلوولی 2024، بە تۆڕی میدیایی رووداوی گوت: "ئەمڕۆ هەرێمی کوردستان کاریگەر دەبێت بە شەپۆلێكی گەرما کە روو لە ناوچەکە دەکات و عێراق و سووریاش دەگرێتەوە، بەهۆیەوە ئەمڕۆ بەرزترین پلەی گەرما لەو مانگەدا تۆماردەکرێت و لە ناوچەکانی گەرمیان و خانەقین دەگاتە 46 پلەی سیلیزی و لە سەنتەری شارەکان 40 پلە و بەزرتر دەبێت، بەڵام لە حاجی ئۆمەران لە پارێزگای هەولێر نزمترین تۆماردەکات کە 32 پلە دەبێت."

لە کۆبوونەوەی رۆژی 24ـی ئابی ئەم ساڵیدا، ئەنجوومەنی پارێزگای کەرکووک بڕیاری هەموارکردنەوەی پەیڕەوی ناوخۆی دا، لێژنەیەکی حەوت کەسی بۆ ئەو مەبەستە پێکهێندراوە، دوو ئەندامی یەکێتی نیشتمانی کوردستان و ئەندامێکی پارتی دیموکراتی کوردستان، ئەندامێکی تورکمان و دوو ئەندامی پێکهاتەی عەرەب و ئەندامێکی کۆتای کریستیانەکانی تێدایە، بەڵام بەهۆی بایکۆتی تورکمان و پارتی و بەشێک لە عەرەبەکان، بەشێک لە کورسییەکانی لێژنەکە بە بەتاڵی ماوەتەوە.

بەپێی ئامار و ژمارەکانی بازاڕی عێراق بۆ کاخەزە داراییەکان، مانگی رابردوو بازاڕەکە 20 دانیشتنی ئاڵوگۆڕی بۆ کڕین و فرۆشتنی پشکەکانی کۆمپانیاکانی پشکداری رێکخستووە، لەو پشکەکانی 76 کۆمپانیای پشکدار ئاڵوگۆڕ کراون. کە 67 ملیار و 306 ملیۆن و 464 هەزار و 400 پشک ئاڵوگۆڕکراوە.

وەزارەتی گواستنەوەی عێراق رایگەیاند مانگی رابردوو لەرێگەی فڕۆکەکانی هێڵی ئاسمانیی عێراقەوە زیاتر لە 2300 گەشتی ئاسمانی کراون و نزیکەی 400 هەزار گەشتیار گواستراونەتەوە و گەشتیان کردووە. ئەمەش زۆرترین ژمارەی گەشتە لە دوای سەرهەڵدانی کۆڕۆناوە لە مانگێکدا بەو هێڵە بکرێت.

دادگەی فیدڕاڵی سەرەتای مانگی تشرینی دووەمی ئەم ساڵی بۆ تاوتوێکردنی سکاڵای بەشێک لە عەرەب و تورکمانەکانی پارێزگای کەرکووک لەبارەی کۆبوونەوەی 10ـی ئابی ئەنجوومەن و لێککەوتەکانی دیاریکرد.

بەپێی راپۆرتی خەرجی و داهاتەکانی حەوت مانگی یەکەمی ساڵی 2024، عێراق زیاتر لە 73 تریلیۆن دینار خەرجی و 77 تریلیۆن داهاتی هەبووە. هەروەها 6 تریلیۆن و 570 ملیار دیناریشی بۆ هەرێمی کوردستان ناردووە.

دەستەی دەستپاکیی عێراق رایگەیاند، پێنج بڕیاری سزای تووندی بۆ بەڕێوەبەری بانکێکی حکومی دەرچووە، دوای ئەوەی ساخ بووەتەوە بە ناوی کەسانێک پارەی بۆ کڕینی ئۆتۆمبێل لە بانک راكێشاوە، بەبێ ئەوەی ئەو کەسانە ئاگادار بن.

بزووتنەوەی گۆڕانی هەنگاوی یەکەمی هەڵبژاردنە نێوخۆییەکانی دەستپێکرد و ئەمڕۆ سەرۆک و جێگر و سکرتێری جڤاتی گشتی هەڵبژێردران.

ژمارەیەک سەرۆک هۆزی پارێزگای سەڵاحەدین لە ئاسانسواری دیوانی پارێزگاکە گیریان خوارد، بەرگری شارستانی بەهانایانەوە چوو و رزگاری کردن.

ئەنجوومەنی باڵای گەنجانی عێراق کاراکردنی فۆڕمی پێشکێشکردن بۆ وەرگرتن لە یانەکانی رۆبۆت و ژیریی دەستکردی راگەیاند. راوێژکارێکی سەرۆکوەزیرانی عێراق دەڵێت، پڕۆژەکە لە داهاتوودا دانیشتووانی هەرێمی کوردستانیش دەگرێتەوە و قەرزێک کە دەگاتە 100 ملیۆن دینار دەدرێتە ئەو کەسانەی پرۆژەیان دەبێت

رێكخەری راسپاردە نێودەوڵەتییەكانی حکومەتی هەرێمی کوردستان رایگەیاند، رۆژی 10ی ئەم مانگە لە دبلنی پایتەختی ئێرلەندا، کۆبوونەوەیەکی تایبەت بە جینۆسایدکردنی کوردی ئێزدی بەڕێوەدەچێت و نوێنەری حکومەتی هەرێمی کوردستانیش ئامادە دەبێت

وەزارەتی خوێندنی باڵای عێراق لیستی ناوی ئەو کەسانەی بڵاوکردەوە کە بۆ خوێندن لە زانکۆیەکی تورکیا لە چوارچێوەی زەمالەی خوێندنی ئەو وڵاتە دەرچووە، لیستی ناوی ئەو کەسانەشی رەتکراونەتەوە بڵاوکردەوە کە 48 کەس دەبن

بەپێی زانیارییەکانی رووداو، یەکێک لە تەوەرەکانی گفتوگۆی شاندی وەزاریی ئابووریی عێراق کە ئەمڕۆ یەکشەممە، 8ـی ئەیلوولی 2024 لەگەڵ حکومەتی هەرێمی کوردستان کراوە و بڕیارە سەرجەم دۆسییە هەڵپەسێردراوەکانی ئابووری و دارایی یەکلایی بکرێنەوە، دۆسیەی کۆمپانیاکانی ئاڵوگۆڕی دراو و بڕیاری داخستنیانە بەپێی بڕیاری بانکی ناوەندی.

.

بەڕێوەبەری گشتیی خزمەتگوزاریی کەسوکاری شەهیدان لە وەزارەتی کاروباری شەهیدان و ئەنفالکراوان رایگەیاند، لە چەند رۆژی داهاتوودا شاندێکی هەرێمی کوردستان بۆ هاوتاکردنی مووچەی زیندانییانی سیاسیی کوردستان لەگەڵ عێراق سەردانی بەغدا دەکەن. دەشڵێت، "زیاتر لە 25 هەزار زیندانیی سیاسیی سوودمەند دەبن."

سەرۆکی سەندیکای گواستنەوە و گەیاندنی هەولێر رایگەیاند، وەزارەتی گواستنەوە سەرقاڵی ئامادەکارییە بۆ جێەجێکردنی پڕۆژەی تەکسی میتەر. دەشڵێت، "لە هەموو پارێزگاکانی کوردستان کرێی گواستنەوە یەک نرخ دەبێت."

گوتەبێژی فەرماندەی گشتیی هێزە چەکدارەکانی عێراق رایگەیاند، وڵاتەکەی لە سیستمی بەرگریی ئاسمانی و دانانی رادار پێشکەوتنی باشی بەدەستهێناوە

سەندیکای رۆژنامەنووسانی کوردستان سەرکۆنەی چوونە سەر دەزگای رووناکبیری و راگەیاندنی چاودێر لەلایەن هێزێکی کۆماندۆ لە شاری سلێمانی دەکات و دەڵێت: "نیشانەی پێشێلکردنی یاسا و پڕەنسیپەکانی یاسای راگەیاندن و ئازادی رادەربڕینە".

وەزیری بازرگانی و پیشەسازیی هەرێمی کوردستان رایگەیاند، سەرەتای هەفتەی داهاتوو گوژمەیەک لە شایستە داراییەکانی جووتیارانی هەرێمی کوردستان لەلایەن حکومەتی عێراقەوە دەنێردرێت.

وەزارەتی تەندروستیی عێراق ناوی نزیکەی 30 هەزار دەرچووی بڵاوکردەوە کە دادەمەزرێندرێن و بەشێکیان دەرچووانی زانکۆ و پەیمانگەکانی هەرێمی کوردستانن.

ئەنجوومەنی کۆمیسیارانی کۆمیسیۆنی باڵای سەربەخۆی هەڵبژاردنەکانی عێراق رایگەیاند دوای تاوتوێکردنی یاداشتی نووسینگەی سەرۆکی فەرمانگەی هەڵبژاردن و سەرۆکی لیژنەی ناوەندیی هەڵبژاردنەکانی هەرێمی کوردستان ژمارە (ل. م/27)ـی ساڵی 2024، دوێنێ چوارشەممە، 4ـی ئەیلوولی 2024، بڕیاری دا بە دوورخستنەوەی جەعفەر عوسمان عەبدوڵڵا رەشید، بەربژێری ژمارە 44ـی لیستی بزووتنەوەی گۆڕان لە پارێزگای سلێمانی.

موهەند نەعیم، لە گوتەرەکەیدا پارێزگاکانی بەسرا و میسان و زیقار و موسەنای بە پارێزگاکانی دزین و تاڵانی ناوبردبوو، نەجەف و کەربەلاشی بە هەرێمی خۆکوتین و ئەنباریشی بە هەرێمی شوانەکان ناوهێنابوو.

بەڕێوەبەرایەتی نەهێشتنی مادە هۆشبەرەکانی سەر بە بەڕێوەبەرایەتی گشتیی ئاسایشی هەولێر لە راگەیێندراوێکدا ئاشکرایکرد: "لە بەردەوامی هەوڵەکانمان لە رووبەڕووبوونەوە و نەهێشتنی مادە هۆشبەرەکاندا، لە پڕۆسەیەکی بەدواداچوون و کۆکردنەوەی زانیاریی ورد لەلایەن تیمەکانی بەدواداچوونی بەڕێوەبەرایەتییەکەمانەوە کە چەند رۆژێکی خایاند و دوای وەرگرتنی رەزامەندیی دادوەری لێکۆڵینەوەی ئاسایش، رۆژی چوارشەممە، 4ـی ئەیلوولی 2024، لە چالاکییەکدا توانرا باندێکی مەترسیداری بازرگانیکردن بە مادەی هۆشبەر دەستگیربکرێن کە پێکهاتبوون لە چوار تۆمەتباری بیانی."

ئەیمەن داود، جێگری سەرۆکی ئەنجوومەنی بەڕێوەبردنی سندووقی گێڕانەوەی پارەکانی عێراق، لە راگەیێندراوێکدا ئاشکرایکرد: "سندووقەکەمان نووسراوی بۆ وەزارەتی دارایی کردووە بەمەبەستی دەستبەسەرداگرتنی دوو خانووبەرە کە بەناوی میزەر حەمید مەحموود برای عەبدولحەمید مەحموود، سکرتێری سەرۆکی پێشووی رژێمی رووخاوە."

بانکی ناوەندیی عێراق رایگەیاند، 70٪ـی بازرگانیی عێراق و هاوردەی شمەکەکانی لەگەڵ چوار وڵاتە و 13 بانکی عێراقی رێکارەکانی مامەڵەکردنیان بە دراوی ئەو وڵاتانە دەستپێکردووە و پەسندکراون، دەشڵێت رێژەی 95٪ـی حەواڵەی دەرەکی لەنێو سەکۆی حەواڵەی دەرەکی نەماوە و راستەوخۆ لەنێوان بانکەکانی عێراق و بانکەکانی نێوەندگیردا دەکرێت.

بەپێی زانیارییەکانی رووداو، کە چەند گوندنشینێکی ناوچەی شارباژێر بۆ رووداویان پشتڕاستکردووەتەوە، کاژیر 1:30ـی پاشنیوەڕۆی رۆژی پێنجشەممە، 5ـی ئەیلوولی 2024، درۆنێک کە گومان دەکرێت تورکی بێت ئۆتۆمبێلێک لە جۆری پیکابی بۆردوومان کردووە، کە سێ کەسی تێدا بووە و هەرسێکیان کوژراون.

دوای ئاگادارکردنەوەیان لەلایەن ئاسایشی سلێمانییەوە، بەشێک لە پەنابەرانی رۆژهەڵاتی کوردستان، کەمپی زرگوێزیان جێهێشت و روویان لە کەمپێکی ناوچەی سوورداشی سەر بە قەزای دووکان کرد.

لە زانکۆی کوردستان لە هەولێر راهێنان بە هەزار گەنجی سەرجەم پارێزگاکانی هەرێمی کوردستان و عێراق لەبارەی ژمارەیەک بابەتی ژینگەیی و گۆڕانکارییەکانی کەشوهەوا دەکرێت.

ئەنجوومەنی باڵای خزمەتی گشتیی عێراق، رەزامەندیی لەسەر دامەزراندنی نزیکەی 30 هەزار کەس لە دەرچووانی زانکۆ، کۆلێژ و پەیمانگە پزیشکی و تەندروستی و پەرستارییەکان دەرکرد، ئەوانەی یاسای پلەبدەنیی پزیشکی دەیانگرێتەوە، پەرلەمانتارێکیش دەڵێت "بەشێک لەوانە، دەرچووانی هەرێمی کوردستانن."

چوارچێوەی هاوئاهەنگی بۆ دۆسیەی "گوێگرتن لە پەیوەندیی تەلەفۆنی"ـی بەشێک لە بەرپرسانی عێراق کۆبووەوە. سەرۆکوەزیرانی عێراقیش رایگەیاند، پشتیوانیی دادگە دەکات لە لێکۆڵینەوەکانی لەو دۆسیەیەدا و لەگەڵ سزادانی ئەو کەسانەیە، کە تێوەگلاون.

.

وەزارەتی خوێندنی باڵا و توێژینەوەی زانستیی هەرێمی کوردستان، مەرجەکانی بەگرێبەستکردنی وانەبێژان بڵاودەکاتەوە و رادەیگەیێنێت، تەنیا ئەو کەسانە دەگرێتەوە کە لە 2019-2020 و 2023-2024 وانەبێژ بوون.

سەرۆکی دەستەی دەستپاکی گومانی خۆی لە هێشتنەوەی بەشێک لە تۆمەتبارانی دۆسیەی "دزیی سەدە" نیشاندەدات و دەپرسێت "بۆچی دوو ساڵە راگیراون و دادگایی ناکرێن؟" هاوکات دزییەکی دیکەش بە قەبارەی 18 ملیار دۆلار ئاشکرا دەکات.

گوتەبێژی پۆلیسی کەرکووک رایگەیاند، ئێوارەی ئەمڕۆ بەهۆی تەقینەوەی بۆمبێکی چێندراوی داعش بە ئۆتۆمبێلێکی سەربازیی سوپای عێراق بەرپرسی هەواڵگریی فیرقەی هەشتی فەرماندەیی ئۆپەراسیۆنەکانی کەرکووک کوژراو و ئەفسەرێک و سەربازێکیش بریندار بوون.

دادگەی باڵای فیدراڵی تانەی یەکێک لەو سێ پارتەی رەتکردەوە، کە مانگی رابردوو بەتۆمەتی پەیوەندییان بە پارتی کرێکارانی کوردستانەوە لەلایەن دەستەی دادوەریی هەڵبژاردنەکانی عێراقەوە هەڵوەشێندرانەوە. دادگەکە دەڵێت "بڕیاری قەدەخەکردنەکە دروستە."

.

بانکی ناوەندیی عێراق بڕیاری داخستنی زیاتر لە 400 کۆمپانیای ئاڵوگۆڕی دراو لە هەرێمی کوردستان و لقەکانیان دەدات

کۆمپانیای بەرهەمەکانی نەوتی عێراق لە هەشت مانگی یەکەمی 2024دا بایی زیاتر لە 3 تریلیۆن و 300 ملیار دینار بەرهەمی نەوتیی لەڕێگەی ئەلیکترۆنییەوە فرۆشتووە. گوتەبێژی کۆمپانیاکە دەڵێت، "پڕۆژەکە بەردەوام دەبێت تاوەکو سەرجەمی فرۆشی بەرهەمە نەوتییەکان بە رێگەی ئەلیکترۆنی دەبێت."

دارا سێکانیانی، ئەندامی لیژنەی یاسایی پەرلەمانی عێراق بە رووداوی گوت، ئەو پرۆژە یاسایە "لەوانەیە کە زۆر گرنگە، چونکە لەسەردەمی دەسەڵاتی بەعسدا و بە ژمارەیەک بڕیار، دەست بەسەر ژمارەیەکی زۆر زەوی و خانووی نەتەوە جیاوازەکاندا گیرا، لەنێویاندا کورد. ئەو موڵکەی دەستی بەسەردا گیرا لە هەموو پارێزگاکانی عێراقە، بەتایبەت لە کەرکووک، نەینەوا، دیالە و سەڵاحەدین. بۆیە گێڕانەوەیان زۆر گرنگە."

فوتوشی ماتسوموتو، باڵیۆزی ژاپۆن لە عێراق لە هەژماری خۆی لە تۆڕی کۆمەڵایەتیی ئێکس لەبارەی پێدانی ڤیزە بۆ سەردانیکردنی وڵاتەکەی بە هاونیشتمانیانی هەرێمی کوردستان و هاووڵاتیانی عێراق رایگەیاند: "بۆچی عێراقیی زیاتر سەردانی ژاپۆن ناکەن؟ ژمارەی گەشتیارانی بیانی بۆ ژاپۆن لە کانوونی دووەم تاوەکو حوزەیرانی ئەم ساڵ گەیشتووەتە 17 ملیۆن و 780 هەزار کەس."

مانگی رابردوو پەرلەمانی عێراق تەنیا پێنج کۆبوونەوەی هەبووە و تێکڕای ئامادەبوونیش لە هەر کام لەو کۆبوونەوانەدا 178 پەرلەمانتار بووە، واتە لە هەر کۆبوونەوەیەکەدا 151 پەرلەمانتار ئامادە نەبوون.

پەرلەمانی عێراق ئەمڕۆ بۆ خوێندنەوەی یەکەم و دووەم و پەسندکردنی ژمارەیەک پڕۆژەیاسا کۆدەبێتەوە؛ یەکێکیان خوێندنەوەی دووەمی پێشنیازەیاسای هەمواری دووەمی یاسای باری کەسیی عێراقە، کە مشتومڕهەڵگرە.

بەرپرسی دێسکى مافى مرۆڤى رێکخراوى سی پى تیى ئەمریکی رایگەیاند، شەوی دووشەممە فڕۆکە جەنگییەکانی تورکیا 24 جار بۆردوومانی ژمارەیەک ناوچەی سێ پارێزگای هەرێمی کوردستانیان کرد و زیانی گیانی نەبووە.

دوای نزیکەی 20 ساڵ، ئەمڕۆ کەناڵی "ئەلحوڕە عێراق"، یەکێک لەو کەناڵانەی لەلایەن حکومەتی ئەمریکاوە دامەزرا، راگیرا و دوای راوەستانی کارەکانی تێکەڵ بە کەناڵی حوڕە کرا. کارمەندانیشی نێردرانە ماڵەوە کە نزیکەی 160 کەسن.

بەپێی سەرچاوەیەکی بەرپرس لە قایمقامییەتی قەزای ناوەندیی هەولێر، بە پاساوی سەرپێچی لە بەکارهێنانی کەرەستەکانی تایبەت بە نەشتەرگەری، هۆڵی نەشتەرگەرییەکانی نەخۆشخانەی پار لە هەولێر داخرا.

.

ئەنجوومەنی دادوەری و حکومەتی عێراق روونکردنەوەیان لەبارەی دۆسیەی گوێگرتن لە پەیوەندییە تەلەفۆنییەکانی بەرپرسانی باڵای عێراق بڵاوکردەوە. بەپێی زانیارییەکانی رووداو، لێکۆڵینەوە لە دۆسیەکە کەسانی تێوەگلاوی بۆ 10 کەس بەرزکردوەتەوە.

بەپێی ئەو بەرپرسەی دادپزیشکیی عێراق، لەو شەش مانگەدا 327 ئافرەت رووبەڕووی دەستدرێژی و تووندوتیژیی سێکسی بوونەتەوە، هەروەها 94 پیاویش. قوربانییان تەمەنیان جیاوازە.

رۆژی یەکشەممە، 1ـی ئەیلوولی 2024، دادگەی تێهەڵچوونەوەی پارێزگای نەجەف، بڕیاری یەک ساڵ زیندانیکردنی بەسەر زەید تاڵقانی، سەرۆکی سەنتەری رافیدەین بۆ دیالۆگ کە هاوکات سەرۆکی پارتی شەمسە سەپاند، دوای ئەوەی هاووڵاتییەک بە ناوی غەیس رەعەد محەممەد، جێگری سەرۆکی ئەنجوومەنی پارێزگای نەجەف سکاڵای لەسەر تۆمارکرد.

حەیان عەبدولغەنی، لە قسەکانی ئاماژەی بۆ یەدەگی گاز لە عێراق کرد: "128 تریلیۆن پێ سێجایە، بە وەبەرهێنان لە کێڵگەکانی گاز لە رۆئاوای عێراق ئەو بڕە بۆ زیاتر لە 200 تریلیۆن پێ سێجا زیاد دەکات، ئەو کات عێراق دەگاتە ئاستی خۆبژێوی و گازیش هەناردە دەکات."

بەڕێوەبەری راگەیاندنی وەزارەتی پلاندنان دەڵێت، قۆناخی ژمارەدانان و گەمارۆسازی کە قۆناخێکی سەرەکیی پڕۆسەی سەرژمێریی گشتیی دانیشتووانە، لە نێوەڕاستی ئەم مانگە لە هەرێمی کوردستان دەستپێدەکات. ئاماژە بەوەش دەکات، "ئەمڕۆ راهێنان بۆ زیاتر لە 8 هەزار بەڕێوەبەر و جێگرانیان بۆ بەڕێوەبردنی قۆناخەکە دەستپێدەکات."

وەزارەتی دارایی و ئابووریی هەرێمی کوردستان سوود و سزای دواکەوتنی پێدانی باج و کرێی ساڵانەی موڵکەکانی میریی تاوەکو کۆتایی مانگی داهاتوو درێژکردەوە

گوتەبێژی کۆمیسیۆنی باڵای سەربەخۆی هەڵبژاردنەکانی عێراق دەڵێت، ئاگاداری دەستپێکردنی بانگەشەی پێشوەختەی بەشێک لە لایەن و بەربژێرەکانی هەڵبژاردنی خولی شەشەمی پەرلەمانی کوردستانن. ئاماژە بەوەش دەکات، "لیژنە سەرپێچییەکان تۆمار دەکات."

گوتەبێژی وەزارەتی پەروەردەی عێراق دەڵێت، لە ساڵی خوێندنی 2024 - 2025دا وانەیەکی نوێ بەناوی "پەروەردەی ئەخلاقی" دەخرێتە نێو پرۆگرامی خوێندنەوە. دەشڵێت، "هەنگاوێکی باشە و سەرەتا لە دوو قۆناخ دەخوێندرێت و دواتر لە قۆناخەکانی دیکەش دەخوێندرێت."

پێشبینی دەکرێت لە هەفتەی داهاتووەوە پلەی گەرما لە هەرێمی کوردستان و عێراق دابەزێت. بەڕێوەبەری کەشناسیی سلێمانی دەڵێت، هەرێمی کوردستان لە رووی کەشوهەواوە دەکەوێتە نێو وەرزی پاییز.

سەرۆکی پارتی سەروەریی سوننەکان داوای ئاشکراکردنی چارەنووسی "هەزاران" هاووڵاتی بێسەروشوێنی سوننە لە حەوت پارێزگا دەکات؛ داوا لە پەرلەمانی عێراقیش دەکات پڕۆژەیاسای نەهێشتنی بێسەروشوێنکردن پەسند بکات.

عەتەبەی حوسێنییە، کاروباری مەزارگەی ئیمامی حوسێن لە کەربەلا و دامەزراوەکانی پەیوەست پێوەی بەرێوەدەبات، راگەیێندراوێکی لەبارەی قسەکانی عەبدولئەمیر قورەیشی، بەڕێوەبەری سەنتەری کەربەلا بۆ توێژینەوە و لێکۆڵینەوە، یەکێک لە دامەزراوەکانی عەتەبەی حوسێنییە، بڵاوکردەوە.

بەرپرسێکی سوپای عێراق کە بە مەرجی ناونەهێنانی زانیارییەکانی بە رووداو داوە رایگەیاند: "ماوەی هەفتەیەک دەبێت دزینی ئەو چەک و فیشەکانە لەلایەن وەزارەتی بەرگرییەوە ئاشکراکراوە، لیژنەیەک بۆ لێکۆڵینەوە پێکهێندراوە، ژمارەیەک ئەفسەریش راگیراون، دزییەکە لە فیرقەی پێنجی سوپای عێراق کراوە، جگە لە چەک بڕێکی زۆری گاز و شتی دیکەشی تێدایە، لەنێویاندا پارەی سەربازەکانی سرییەکەش."

لە کۆبوونەوەی رۆژی پێنجشەممە، 29ـی ئابی 2024دا، حکومەتی عێراق بڕیاری تەرخانکردنی بڕی یەک تریلیۆن و 463 ملیار دینار بۆ هاوردەکردنی سووتەمەنی، 619 ملیار و 680 ملیۆن دینار بۆ هاوردەکردنی وزەی کارەبای بۆ بودجەی وەزارەتی کارەبا دا.

پەرلەمانی عێراق لیژنەیەکی بۆ سەرپەرشتیکردن و بەدواداچوونی پڕۆژەکانی پارێزگای دیالە پێکهێنا و داوا لە پارێزگار و پارێزگای دیالە دەکات ئاسانکاریی بۆ بکەن. ئەندامێکی لیژنەکەش دەڵێت: کارەکانیان بۆ چاودێریکردنی چۆنێتی جێبەجێکردنی پڕۆژەکان دەبێت.

ئەو پەرلەمانتارە ئەمڕۆ پێنجشەممە، 29-08-2024 بە رووداوی گوت: "بەپێی ناوەڕۆکی نووسراوێکی ئەو دەستەیە کە لە 31ـی تەممووز بۆی ناردووین، جەخت لەوە دەکاتەوە ئەو کەسانە رێکارەکانی لێپرسینەوە و دادپەروەردەی دەیانگرێتەوە و نابێت پلەی تایبەت، پۆستەکانی بەڕێوەبەری گشتی و بەڕێوەبەری هۆبەیان هەبێت."

.

ئەنجوومەنی باڵای دادوەریی عێراق دەنگۆی گوێگرتن لە پەیوەندییەکانی سەرۆکی ئەنجوومەنەکە رەتدەکاتەوە. رووداو زانیاری لەبارەی تۆڕەکە و ئەو کەسانەی گوێ لە پەیوەندییە تەلەفۆنییەکانیان گیراوە یان هەوڵی بۆ دراوە بڵاودەکاتەوە. ئەوانەش بەو تۆمەتە دەستگیرکراون ژمارەیان 6 کەسە. جێگری سەرۆکی لیژنەی ئاسایش و بەرگریی پەرلەمانی عێراق دەڵێت، "کارەکە بۆ پارە وەرگرتن کراوە".

'موقاوەمەی ئیسلامی لە عێراق' دەڵێت، بەیانیی ئەمڕۆ بە درۆن وێستگەیەکی کارەبای لە شاری حەیفای ئیسرائیل کردووەتە ئامانج و هەڕەشەی بەردەوامیی هێرشەکانیشی دەکات.

کەسایەتییەکی ئایینیی شیعە هەڕەشەی هەموارکردنەوەی یاسای سزادانی عێراقی و یاسای دادگەی باڵای فیدراڵی دەکات و دەڵێت، ئەوان زۆرینەن و دەبێت کاروبارەکان لە عێراق بۆ زانایان بگەڕێنەوە. ئەندامێکی هاوپەیمانیی 188ـی دژ بە هەمواری یاسای باری کەسیش دەڵێت، "دەستووری عێراق گەرەنتی ئازادییەکانی داوە".

خانووەیەک کە وەکو میوانخانە بۆ زیارەتکارانی مەزارگەی ئیمام عەلی لە شاری نەجەف بەکاردەهێنرا، رووخا و، 'پێنج میوانی بیانی لە مردن رزگارکران.'

سەرۆکایەتیی شارەوانیی سلێمانی رێگەپێدانی بۆ دروستکردنی خانوو، نۆژەنکردنەوە و دەستکاریکردنی خانوو بۆ دانیشتووان و خاوەن زەوی و خانووەکانی 28 گوندی سنووری پارێزگاکە کردەوە و لە هەفتەی داهاتووەوە داواکارییەکان وەردەگیرێت.

باڵیۆزی کۆماری ئیسلامیی ئێران لە عێراق رایگەیاند، مەسعود پزیشکیان، سەرۆکی ئێران مانگی داهاتوو یەکەم سەردانی بۆ دەرەوە دەکات و یەکەم وڵاتیش عێراق دەبێت سەردانی بکات.

دوای کەمتر لە 24 کاژێر لە رفاندنی لەلایەن ژمارەیەک چەکدارەوە، شۆفێرێکی دانیشتووی قەزای کفری لە نزیک شارۆچکەی عوزێمی سەر بە پارێزگای دیالە رزگارکرا. رفێنەرانی داوای 40 دەفتەر دۆلاریان لە کەسوکارەکەی کردبوو.

وەزارەتی کۆچ و کۆچبەرانی عێراق گەڕاندنەوەی 311 ئاوارەی لە کەمپی بەحرکەی سەر بە هەولێر بۆ پارێزگاکانی نەینەوا و ئەنبار راگەیاند. بەرپرسێکی ئەو وەزارەتەش دەڵێت "هاوئاهەنگیی باشمان لەگەڵ حکومەتی هەرێمی کوردستان بۆ گەڕانەوەی سەرجەم ئاوارەکان هەیە."

شانەی راگەیاندنی ئەمنیی عێراق دۆزینەوەی دوو توونێلی داعشی لە دوو ناوچەی جیاوازی رۆژئاوای نەینەوای راگەیاند، کە کۆگەی چەک و تەقەمەنی بوون.

سوێد بڕیاریدا سەلوان مۆمیکا، ئەو کۆچبەرە عێراقییەی چەند جارێک قورئانی لەو وڵاتە سووتاند دادگەیی بکات، تۆمەتەکەش رقەبەرایەتی و بڵاوکردنەوەی دەمارگیرییە لە دژی موسوڵمانان. مۆمیکاش دەڵێت :" ناترسم، من نەوەی ئاشوور پانیباڵم."

بڕیارە رۆژی هەینی خۆپێشاندان لەلایەن ژمارەیەک لە چالاکڤان، رێکخراو و پارتی سیاسیی لە بەغدا بەڕێوەبچێت. یەکێک لە رێکخەرانی خۆپێشاندانەکە دەڵێت، "بۆ ئاشکراکردنی چارەنووسی ئەو کەسانەیە، کە لە عێراقدا بێسەروشوێنکراون."

فازل غەڕاوی ئاماژەی بۆ ئەوەش کرد، یارییەکە زیاتر لەنێو گەنجانی خوار تەمەن 25 ساڵ دەکرێت کە رێژەی 60٪ـی عێراق پێکدەهێنن و ئەوانە بە "نەوەی پەبجی" دەناسرێن. گوتیشی، "بەشێکی زۆری ژنانیش ئەو یارییە دەکەن، بەتایبەت ئەوانەی ژنی ماڵەوەن، هەروەها منداڵانی خوار تەمەنی شەش ساڵیش یارییەکە دەکەن."

ئەمڕۆ بانکی ناوەندیی عێراق دووەم کەمترین بڕی دۆلاری کاشی لەماوەی ئەم مانگەدا خستە بازاڕەوە کە 6 ملیۆن دۆلار و 600 هەزار دۆلارە.

گوتەبێژی کۆمیسیۆنی باڵای سەربەخۆی هەڵبژاردنەکانی عێراق رەتیدەکاتەوە بەربژێران یان حیزب و لیستەکان بزانن دەنگدەران لە هەڵبژاردنی پەرلەمانی کوردستاندا دەنگیان بە چ بەربژێر و لیستێک داوە.

.

بەڕێوەبەرایەتیی پاسپۆرتی سلێمانی دوو کاژێر دەوامی فەرمانبەرانی کەمدەکاتەوە و دەڵێت، تاوەکو کاژێر 2:00ـی پاشنیوەڕۆ دەوام دەکەن. بەڕێوەبەری راگەیاندنی بەڕێوەبەرایەتییەکەش دەڵێت: "هاووڵاتییان کەمتر لە جاران سەردانی بەڕێوەبەرایەتییەکەمان دەکەن."

پەرلەمانتار مستەفا سەنەد، کە ئامادەی دادگەییکردنەکەی ئەمڕۆ سێشەممە،27ـی ئابی 2024 بوو، رایگەیاند: "دادگە فەرمانی دەستگیرکردنی بۆ نوور زوهێر دەرکرد و تاوەکو کاژێر 9:00ـی ئەمڕۆی بۆ ئەو کەسانە دیاریکرد کە بوون بە کەفیلی بۆ ئەوەی بیهێننە بەردەم دادگەکە، بۆیە دواتر مۆڵەتی تاوەکو 9ـی مانگی ئەیلوولی داهاتووی درا بۆ ئەوی بهێندرێتە بەردەم دادگەکە."

ئیبراهیم محەممەد، گوتەبێژی بەرگریی شارستانیی گەرمیان بە رووداوی راگەیاند: لەبارەی هۆکارەکانی کەوتنەوەی ئاگرەکە لیژنەیەکی لێکۆڵینەوە پێکهێنراوە و دەستبەکار بووە، "بەڵام بەپێی لێکۆڵینەوە سەرەتاییەکانی ئێمە بەشێک لە شۆفێران بوتڵی غازی چێشتلێنان (پیکنیک)یان داگیرساندووە، لەگەڵ ئەوەدا پێدەچێت یەکێک لە تانکەرەکان کە نەفتایان پێبووە، لێی چووبێت و بەهۆیەوە ئاگر کەوتبێتەوە."

وەزارەتی خوێندنی باڵا و توێژینەوەی زانستیی عێراق دەستپێکردنی پێشکێشکردن لەرێگەی کەناڵی راستەوخۆ بۆ خوێندنی ساڵی 2024-2025 لە بەشێک لە زانکۆکانی حکومەت راگەیاند کە رۆژی 8ـی مانگی ئەیلوول کۆتایی دێت.

ئەمڕۆ سێشەممە، محەممەد شیاع سوودانی، سەرۆکوەزیرانی عێراق سەردانی هەریەک لە میسر و تونس دەکات و لە سەردانەکەیدا شاندێکی باڵای عێراق هاوەڵیی دەکات.

دەستەی راگەیاندن و گەیاندنی عێراق ئامارەکانی تایبەت بە بەکارهێنانی تۆڕەکانی پەیوەندی و سۆشیاڵمیدیای لە 5ـی ئەم مانگەوە لە چوار شوێنی عێراق کە مەزارە پیرۆزەکانی تێدایە راگەیاند. زیاتر لە 150 ملیۆن بەکارهێنەری شەش تۆڕی کۆمەڵایەتی تۆمارکراون، واتسئەپ زۆرترین بەکارهێنەر و تێلیگرام کەمترین بەکارهێنەری هەبووە.

بڕیارە 5 و 7ـی مانگی داهاتوو و پێش دەستپێکردنی بانگەشەی هەڵبژاردن بۆ خولی شەشەمی پەرلەمانی کوردستان، بزووتنەوەی گۆڕان رێکخەری گشتی و ئەندامانی خانەی راپەڕاندن و دەستەی بەڕێوەبەری جڤاتی گشتی هەڵبژێرێت.

وەزیری خوێندنی باڵا و توێژینەوەی زانستیی عێراق فەرمانی وەزاریی بۆ دامەزراندنی زیاتر لە چوار هەزار و 120 کەس لە هەڵگرانی بڕوانامەی ماستەر واژۆکرد.

گوتەبێژی بەرگریی شارستانیی گەرمیان بە رووداوی گوت، بەهۆی رووداوی ئاگرکەوتنەوە لە گۆڕەپانی راگرتنی تانکەرەکانی گواستنەوەی سووتەمەنی لە دەروازەی سنووریی پەروێزخان کەسێک گیانی لەدەستداوە. ئیدارەی سەربەخۆی گەرمیانیش دەڵێت، 14 تانکەر سووتاون، کەسێک گیانی لەدەستداوە و حەوتی دیکەش بریندارن.

دەستەی دەستپاکیی عێراق رایگەیاند، مانگی رابردوو 36 فەرمانی دەستگیرکردن و هێنانە بەردەم دادگەی بۆ 31 بەرپرسی پلەباڵا و تایبەت دەرکردووە، "بڕی زیاتر لە 112 ملیار دینارمان لە پارەی دەوڵەت گەڕاندووەتەوە یان نەمانهێشتووە بەفیڕۆبچێت".

وەلید نیعمە، سەرۆکی سەندیکای کرێکارانی عێراق بە تۆڕی میدیایی رووداوی راگەیاند: بەپێی پلانێکی تۆکمە لیژنەیەک لەسەر راسپاردەی سەرۆکوەزیرانی عێراق کار بۆ گەڕانەوەی ئەو زیارەتکارانە دەکات کە بۆ رێوڕەسمەکانی چلەی شەهیدکردنی ئیمام حوسێن هاتوونەتە عێراق. "دەبێت لە ساڵانی رابردوو وردتر کار لەسەر گەڕاندنەوەیان بۆ وڵاتەکانیان بکرێت، بەتایبەت ئەوانەی خەڵکی وڵاتانی رۆژهەڵاتی ئاسیان وەکو پاکستان و بەنگلادیش، چونکە ئەوانە بەشێکی زۆریان ناگەڕێنەوە بۆ وڵاتەکانی خۆیان و لە عێراق کاردەکەن، چونکە کرێیەکی باشتر لە وڵاتانی خۆیان دەستکەوێت."

سێشەممەی ئەم هەفتەیە دادگەییکردنی نوور زوهێر، تۆمەتباری سەرەکیی "دزیی سەدە" کە نزیکەی 4 تریلیۆن دیناری تێدا دزرا بەڕێوەدەچێت، بەڵام هێشتا روون نییە خۆی ئامادە دەبێت یان نا. رووداو زانیارییەکانی راپۆرتێکی دەستەی گشتیی باجەکان بڵاودەکاتەوە کە تەواوی دۆسیەکە و وردەکاریی کۆمپانیاکان و تۆمەتبارە سەرەکییەکانی تێدایە. پەرلەمانتارێک دەڵێت، "ئەو پارەیەی دزراوە لە 8 تریلیۆن دینار زیاتر دەبێت."

بریکاری وەزارەتی کار و کاروباری کۆمەڵایەتیی هەرێمی کوردستان رایگەیاند، زیاتر لە مانگێک دەبێت ناوی زیاتر لە 13 هەزار خاوەن پێداویستیی تایبەتیان بۆ بەغدا ناردووە بۆ ئەوەی مانگانە مووچەیان بۆ دابینبکرێت. دەشڵێت "لیستەکە دوای بینینی لیژنەی پزیشکی و وردبینی، نێردراوە."

ئەوس ئیبراهیم کە تاکە ئەندامی کوردی ئەنجوومەنی پارێزگای دیالەیە، دەڵێت: "کورد 25٪ـی پۆستەکانی پارێزگاکەی بەردەکەوێت."

جێگری سەرۆکی پەرلەمانی عێراق رایگەیاند، لیژنەیەکی لێکۆڵینەوە بۆ بابەتی "جیاوازی لە بڕی پارەکانی خشتەکانی بودجەی ساڵی 2024" پێکهێنراوە، جگە لە گواستنەوەی دوو تریلیۆن دینار لە وەزارەتەکانەوە بۆ پارێزگاکان.

وەزارەتی کۆچ و کۆچبەرانی عێراق گەڕانەوەی 800 ئاوارەی دیکەی لە هەولێرەوە بۆ پارێزگای نەینەوا راگەیاند، گوتەبێژی وەزارەتەکەش دەڵێت، لە گەڕاندنەوەی ئاوارەکان لە کەمپەکانی هەرێمی کوردستان بەردەوام دەبن و ئەمساڵ سەرجەم کەمپەکان دادەخرێن.

وەزارەتی پەروەردەی حكومەتی ھەرێمی كوردستان رایگەیاند، بۆ ساڵی خوێندنی 2024-2025، تەنیا 60 خوێندکار لە پەیمانگەی پیشەیی قەزای کفری وەردەگیرێن و مەرجەکانی وەرگرتنیش بڵاودەکاتەوە.

لە پاشنیوەڕۆی ئەمڕۆوە ئاگرێک لە چیای زۆزک لە ئیدارەی سەربەخۆی سۆران کەوتووەتەوە، دەیان ئەندامی تیمەکانی بەرگریی شارستانی و هاونیشتمانیان خەریکی کوژاندنەوەی ئاگرەکەن.

ئەنجوومەنی دادوەریی عێراق ئامارەکانی تایبەت بە جیابوونەوە و پێکهێنانی ژیانی هاوژینیی لە مانگی تەمموزی ئەمساڵدا بێ پارێزگاکانی هەرێمی کوردستان راگەیاند. بەپێی ئامارەکە، لەو مانگەدا 6 هەزار 344 هاوژین جیابوونەتەوە.

پەرلەمانتارێکی عێراق لە دادگەی فیدراڵی تانەی لەو کۆبوونەوەیەی پەرلەمان دا، کە خوێندنەوەی یەکەمی بۆ هەمواری یاسای باری کەسی تێدا کرا، پارێزەری ئەو پەرلەمانتارە دەڵێت: "لە کۆبوونەوەکەدا ژمارەی یاسایی پەرلەمانتاران ئامادە نەبوون. سکاڵاکەش لە بنەڕەتدا دژی هەموارەکەیە."

لە 24 کاژێری رابردوودا لە 15 گەرمترین ناوچە و شاری جیهان، 12یان لە عێراق بوون. گوتەبێژی دەستەی کەشناسیی عێراق دەڵێت، هەفتەی داهاتوو پلەی گەرما دادەبەزێت.

بەهۆی نووسینێکی"نەشیاو"، هەراسانکردن و هەڕەشەکردن لە ژمارەیەک بەرپرس و پەرلەمانتار، سەرۆکوەزیرانی عێراق فەرمانی کرد بەرپرسێکی نووسینگەکەی دەست لەکار بکێشێتەوە و لیژنەیەکی لێکۆڵینەوەشی بۆ ئەو بابەتە پێکهێنا.

گوتەبێژی وەزارەتی تەندروستیی عێراق رایگەیاند، هیچ تووشبوویەکی ئاوڵەی مەیموون لە عێراق تۆمارنەکراوە و ئەو دەنگۆیانەشی باس لە تۆمارکردنی تووشبوویەک لە یەکێک لە نەخۆشخانەیەکی بەغدا دەکەن، رەتدەکاتەوە.

شەوی رابردوو لە سێ رووداوی هاتووچۆدا لە سنووری شاری کۆیە دوو کەس گیانیان لەدەستدا و چوار کەسی دیکە برینداربوون، ئەوانەی گیانیان لەدەستداوە ماتۆڕسوار بوون.

دادگەی فیدراڵیی عێراق دوو داواکاریی بەشێک لە تورکمان و عەرەبەکانی پارێزگای کەرکووک بۆ راگرتنی بەپەلەی رێکارەکانی کۆبوونەوەی 10ـی ئەم مانگەی ئەنجوومەنی پارێزگای کەرکووک رەتدەکاتەوە و دەڵێت، راگرتنەکە واتە پێشوەختە بڕیاردان لەبارەی سکاڵاکەوە.

.

دادگەی فیدراڵی بۆ تاوتوێکردنی سکاڵای ژمارە 14ـی دژ بە قەدەخەکردنی خواردنەوە کحولییەکان کۆدەبێتەوە، کە لەدژی سەرۆکی پەرلەمانی عێراق تۆمارکراوە.

ئەمینداری گشتیی یەکگرتووی ئیسلامی دەڵێت، دەبێت حکومەتی هەرێمی کوردستان و حکومەتی فیدراڵی بەرپرسیارانە کار بۆ جێبەجێکردنی بڕیاری دادگەی فیدراڵی تایبەت بە مووچەی مووچەخۆران بکەن، دەشڵێت "ئەگەر کۆسپ بۆ جێبەجێکردنی بڕیارەکە دروستبکرێت، سکاڵا لەسەر سەرپێچیکار تۆماردەکەینەوە."

لە سکاڵانامەکەدا کە لەدژی حکومەتی هەرێمی کوردستان تۆمارکراوە، نێردەکە چوار داواکاریی لە دادگەکە کردووە، کە پەیوەستن بە گومرک و هاوردەکردنی کەرەستەکانیان لە دەرەوەی عێراق.

میلیشیایەکی عێراق رایگەیاند، لە شەوی دووشەممەوە تاوەکو تەواوبوونی رێوڕەسمەکانی چلەی ئیمامی حوسێن هێرشەکانیان رادەگرن، هەڕەشەی هێرشەکردنە سەر ئیسرائیل و بنکەکانی هێزەکانی ئەمریکا لە عێراق و سووریا و کەنداویش لە دوای چلەوە دەکات.

د. عەباس فازڵ، گوتەبێژی رابیتەی بانکەکانی ئیسلامیی عێراق، بە تۆڕی میدیایی رووداوی راگەیاند: "بڕیارە لە ماوەی نزیکی داهاتوودا شاندێکی عێراق کە بانکی ناوەندی و دەستەی وەبەرهێنان و ژمارەیەک دامەزراوە و بەرپرسەکانی تێدایە، سەردانی ئەمریکا دەکەن، یەکێک لە بابەتە سەرەکییەکان تاوتوێکردنی هەڵگرتنی سزاکانی ئەمریکایە بەسەر بەشێک لە بانکەکانی عێراق و پێنەدانی دۆلار پێیان دەبێت."

حەج و عومرەی هەرێمی کوردستان داوا لەو کەسانە دەکات، کە بەنیازی عومرەن، لە رێگەی ئەو کۆمپانیایانەوە گەشتی عومرە بکەن کە لەلایەن ئەوانەوە مۆڵەتیان پێدراوە.

وەزارەتی تەندروستیی هەرێمی کوردستان گشتاندنێکی بە زانیاریی و نیشانەکان و هۆکارەکان و رێککارەکانی خۆپارێزی و مامەڵەکردن لەگەڵ تووشبووانی نەخۆشیی ئاوڵەی مەیموون بڵاوکردەوە.

وەزارەتی دارایی و ئابووری هەرێمی کوردستان رایگەیاند، شاندی چاودێریی دارایی عێراق کە لە هەرێمی کوردستانن بۆ وردبینی لە خەرجی و داهاتی سێ مانگی دووەمی ئەم ساڵ هاتوون.

لەسەر سکاڵای بەرپرسی دەستەی وەبەرهێنانی کەرکووک، دادگەی لێکۆڵینەوەی شارەکە فەرمانی هێنانە پێش دادگەی بۆ برایەکی راکان جبووری، پارێزگاری پێشووی کەرکووک بەوەکالەت و ئامۆزایەکی دەرکرد، بەپێی بڕیارەکە ئەگەر لەماوەی سێ رۆژدا ئامادەی بەردەم دادگە نەبن فەرمانی دەستگیرکردنیان بۆ دەردەکرێت.

نوێنەرێکی هەڵەبجە لە پەرلەمانی عێراق رایگەیاند، لەسەر داوای سەرۆککۆماری عێراق دوای چلەی کوژرانی ئیمامی حوسێن پڕۆژەیاسای پارێزگاکردنی هەڵەبجە دەخرێتە کارنامەی کۆبوونەوەیەکی پەرلەمان و پەسند دەکرێت، دەشڵێت: "رێگرییەکانی پێشوو نەماون و لایەنە شیعەکان دەنگی پێدەدەن".

حەمەی حەمەسەعید دوای کوشتنی کۆڵبەرێکی کورد لە سنووری هەورامان، رەخنە لە پاسەوانی سنوور دەگرێت و دەڵێت، کاری پاسەوانی سنوور پاراستنی خەڵکە، نەک کوشتنی خەڵک.

کۆمیسیۆنی باڵای سەربەخۆی هەڵبژاردنەکانی عێراق ژمارەی بنکەکانی دەنگدانی لە پارێزگاکانی هەرێمی کوردستان بۆ هەڵبژاردنی پەرلەمانی کوردستان پەسندکرد، کە ژمارەیان هەزار و 431 بنکە دەبێت و 165یان بنکەی دەنگدانی تایبەتن.

رێکخراوى چاودێریی مافەکانی مرۆڤ (هیومەن رایتس وۆچ) رایگەیاند، هەمواری یاسای باری کەسی رێگە بە مەرجەعەکانی ئایینی دەدات لەجیاتی یاساکانی دەوڵەت کاروباری هاوسەرگیری و میرات لە دژی مافەکانی بنەڕەتی رێکخبەن. دەشڵێت، "هەموارەکە شوێنەواری کارەساتبار لەسەر مافەکانی کچان و ژنان بەجێدەهێڵێت و رێگە بە هاوسەرگیریی منداڵی خوار تەمەن 9 ساڵ دەدات".

سەنتەری دۆکیومێنتکردنی پێشێلکارییەکان لە باشووری سووریا رایگەیاند، لەسەرتای ئەم ساڵەوە تورکیا و هێزە چەکدارەکانی نزیکی لە سووریا، 366 کەسیان رفاندووە و بۆ ئازادکردنیان داوای پارە دەکرێت و رێگە بە کەسوکاریشیان نادرێت سەردانیان بکەن.

لە دانیشتنی ئەمڕۆیدا، دادگەی فیدراڵی شەش سکاڵای رەتکردەوە، کە لە دژی پێنج بەرپرسی باڵا لەبارەی خشتەکانی بودجەی ساڵی 2024 تۆمار کرابوون، سەرجەم سکاڵاکانیشی بە یەک پاساو رەتکردەوە

ئەمیندارێتی ئەنجوومەنی وەزیرانی عێراق 22 پشکنەری گشتیی پێشوو بەسەر 19 وەزارەت و دامەزراوەی دیکەی عێراقدا دابەش دەکات. ئەندامێکی لیژنەی دەستپاکیی پەرلەمانی عێراق دەڵێت، "نووسینگەکانی ئەو پشکنەرانە هۆکارێک بوون بۆ زیادکردنی گەندەڵی و بارگرانی بوون بەسەر حکومەتەوە."

وەزارەتی دەرەوەی عێراق هەڵسوڕێنەری باڵیۆزخانەی بەریتانیا بانگهێشت دەکات و یاداشتێکی ناڕەزایەتیی پێدەدات

پۆلیسی نیشتمانیی کۆریای باشوور دەڵێت، لەساڵی 2019ـوە نزیکەی 5 ملیۆن بۆمبی فرمێسکڕێژی هەناردەی دەرەوە کردووە و عێراق بە زیاتر لە یەک ملیۆن و 200 هەزار بۆمب، سەرەکیترین هاوردەکاری ئەو بۆمبانە بووە.

کوڕە گەورەکەی ئیسماعیل هەنییە، سەرۆکی بزووتنەوەی حەماسی فەلەستینی دەڵێت، باوکی بە مووشکێکی پەیوەست بە مۆبایلەکەیەوە کوژراوە. دەشڵێت، بڕیاری تیرۆرکردنی باوکی سێ مانگ لەمەوبەر دراوە

دیوانی چاودێریی دارایی عێراق لیژنەیەکی 15 کەسیی بۆ وردبینی لە داهاتەکانی هەرێمی کوردستان پێکدەهێنێت، پەرلەمانتارێک دەڵێت: تێبینیی لەسەر کەمیی ئەو داهاتە نانەوتییانە هەیە، کە هەرێمی کوردستان بۆ بەغدای دەنێرێت.

ئەلینا رۆمانۆوسکی، باڵیۆزی ئەمریکا لە عێراق، لە بڵاوکراوەیەکدا لە تۆڕی کۆمەڵایەتیی ئێکس دەڵێت: "لە ساڵی 2018ـەوە ویلایەتە یەکگرتووەکانی ئەمریکا زیاتر لە 500 ملیۆن دۆلاری بۆ پشتیوانیکردن لە ئێزدییەکان و رزگاربووانی دەستی داعش پێشکێشکردووە، ئەوەش بۆ بەهێزکردنی فرەیی ئاینی و رەچەڵەک لە عێراق، هەوڵێکیشە بۆ یارمەتیدانی ئەو کۆمەڵگانە بۆ باشبوونەوە و خۆبونیادنانەوە."

رۆژی هەینی، 16-08-2024 بەڕێوبەرایەتییەکە، لە راگەیێندراوێکدا گوتی: "بە رێنمایی و سەرپەرشتیی سابت عەباسی، وەزیری بەرگری و لە ئۆپەڕاسیۆنێکی تایبەتدا، تیمەکانمان یەکێک لە ئافرەتانی داعشیان لە پارێزگای نەینەوا دەستگیرکرد، کە فەرمانی دەستگیرکردنی بەپێی مادەی چواری تیرۆر هەیە."

سکاڵاکان لەلایەن پێنج پەرلەمانتار و پارێزگاری میسانەوە تۆمارکراون، یەکێک لە پەرلەمانتارەکان دەڵێت: "خشتەکان هیچ روونکردنەوەیەکیان تێدا نەبوو، هیچ وردەکارییەکیان لەبارەوە نەگوترابوو و رێگەی گفتوگۆکردنیش نەدرا و بەخێرایی پەسندکرا."

نەبوونی کارگەی ریسایکلین یەکێکی دیکەیە لەو کێشانەی لە شارەکەدا هەیە، بڕیاربوو چەند کۆمپانیایەک ئەو کارە بکەن، بەڵام تاوەکو ئێستا نەکراوە، سەرۆکی شارەوانیی کەرکووک دەڵێت: "بۆ خاوێنکردنەوەی شارەکە لە زبڵ و خاشاک پێویستمان بە هاوکاری و پشتیوانی پارێزگا و دامەزراوەکان دەبێت، راستە لە رۆژی شەممەوە رەنگە ئامێر و کرێکاری زیاتر کاربکەن، بەڵام لە کۆتاییدا کێشەی سەرەکی نەبوونی تەرخانکراوی دارایی پێویستە بۆ خاوێنکردنەوەی تەواوی شارەکە." گوتیشی ئەو مۆڵەتەی لەلایەن پارێزگارەوە دراوە بۆ خاوێنکردنەوەی شارەکە بۆ کۆمپانیاکانە کە ئەگەر کارەکان باش نەکەن، ئەوان مۆڵەتەکانیان لێوەردەگیرێتەوە و دەدرێتە بە کۆمپانیای دیکە.

وەزیری نەوتی عێراق دەڵێت: "هیچ زەحمەتی یان کێشەیەکی هونەری لە پڕۆسەی پەرەپێدانی کێڵگە و شوێنەکاندا لە چوارچێوەی گەڕی پێنجەمی تەواوکاری و شەشەمی مۆڵەتەکانی نەوتدا نییە، سەرجەم ئەو زانیارییانەی کۆمپانیاکان پێویستیان پێیەتی بەردەستە و توێژینەوەی تایبەت بۆ ئەو بابەتە کراوە

ئێوارەی دوێنێ چوارشەممە، 15ـی ئابی 2024، شاندێکی عێراق بە سەرۆکایەتی فوئاد حوسێن، وەزیری دەرەوە، گەیشتە ئەنقەرە. هەریەک لە رێبەر ئەحمەد، وەزیری ناوخۆی هەرێمی کوردستان، فالح فەیاز، سەرۆکی دەستەی حەشدی شەعبی لە شاندەکەدان.

فەریق شوان موزهر، کوڕی دکتۆر موزهر عەلی ئەمین رواندوزییە، کە یەکێک بوو لە پزیشکە بەناوبانگەکانی عێراق، پسپۆڕی نەشتەرگەریی جوانکاری و خاوەنی پێشووی نەخۆشخانەی جادریە بووە و لە نەخۆشخانە سەربازی و مەدەنییەکانی عێراق کاری کردووە.

عەمید میقداد میری، گوتەبێژی وەزارەتی ناوخۆی عێراق، رۆژی پێنجشەممە، 15-08-2024، لە راگەیێندراوێکدا رایگەیاند: "پڕوپاگەندەی ناحەزانە بڵاودەکرێنەوە، لەوانە گوایە کەسانێک لە ناوچەکاندا و بەدرێژایی ئەو رێگەیەی دەگاتە پارێزگای کەربەلا هەن و خۆیان وادەناسێنن سەر بە کۆلێژەکانی پزیشکین و بۆ پێشکێشکردنی خزمەتگوزازیی پزیشکی بەبێبەرامبەر راسپێردراون، ئەوەش لەرێگەی پێوانەکردنی رێژەی شەکرە بە ژمارەیەک ئامێر کە مەبەست لەو پشکنینانە بڵاوکردنەوەی نەخۆشی ئەیدزە لەنێو سەردانیکاران."

مارک سترۆ، کۆنسووڵی گشتیی پێشووی ئەمریکا کە کۆتایی بە ئەرکەکەی هاتووە، پەیامێکی ماڵئاوایی بڵاوکردەوە: "پەیوەندیی نێوان ویلایەتە یەکگرتووەکانی ئەمریکا و خەڵکی هەرێمی کوردستان بۆ دەیان ساڵ لەمەوبەر دەگەڕێتەوە، پەیوەندییەک کە قوربانیدانی هاوبەش پێکیهێناوە و بە بەها هاوبەشەکان بەهێزکراوە."

.

.

.

.

وەزارەتی دارایی و ئابووریی هەرێمی کوردستان لە وەڵامی نووسراوێکی ئەنجوومەنی وەزیران دەڵێت، لارییان نییە لەسەر خەرجکردنی نزیکەی 9 ملیار دینار بۆ زیاتر لە 20 هەزار زیندانی و گیراوی سیاسی، کە بەهۆی قەیرانی داراییەوە زیاتر لە 10 ساڵە مووچە و مینحەیان وەرنەگرتووە

سەرۆکوەزیرانی عێراق جەختی لەسەر تەواوکاری لەنێوان هەرێمی کوردستان و پارێزگاکانی دیکەی عێراق کرد بۆ پەرەپێدانی پیشەسازی و دەڵێت، بە هاوبەشی لەگەڵ کەرتی تایبەت، بازاڕی گەورە دەکەنەوە.

دامەزراوەیەکی توێژینەوە و راوێژی ئابووری رایگەیاند، پارەی دانراو لە بانکەکانی عێراق گەیشتووەتە نزیکەی 130 تریلیۆن دینار، لە کاتێکدا ساڵی رابردوو نزیکەی 100 تریلیۆن دینار بووە

پەخشی نێوخۆیی سێ کەناڵ لە ئامێرەکانی پەخشکردنی نێوخۆیی رادەگیرێت، دووانیان کەناڵی یەکگرتووی ئیسلامیی کوردستان و کەناڵێکیشیان سەر بە کۆمپانیای نالیایە.

شاندێکی پایەبەرزی عێراق بە سەرۆکایەتیی وەزیری دەرەوە گەیشتە ئەنقەرەی پایتەختی تورکیا بۆ تاوتوێکردنی ژمارەیەک دۆسیە و، بڕیارە لەگەڵ ژمارەیەک لە بەرپرسانی تورکیا کۆببنەوە.

بەپێی ئاماری رێکخراوێکی ئەمریکی لەماوەی زیاتر لە 33 ساڵدا بەهۆی هێرشەکانی تورکیا و ئێرانەوە 845 کەسی سڤیل لە هەرێمی کوردستان بوونەتە قوربانی، کە 425ـیان گیانیان لەدەستداوە، زۆرترین قوربانییەکانیش بەهۆی هێرشەکانی تورکیاوە بووە.

بەبێ ئامادەبوونی خۆی و لەسەر داوای پارێزەرەکەی، دادگاییکردنی کەسی سەرەکیی دۆسیەی "دزیی سەدە" بۆ رۆژی 27ـی ئەم مانگە دواخرا، پەرلەمانتارێکیش کە ئامادەی دادگە بوو، دەڵێت "چاوەڕوانین و ئومێد دەکەین لە پرسی دادگاییکردنی تۆمەتباران، بێئومێدی لە دەروونی خەڵک نەچێندرێت."

بانکی ناوەندیی عێراق ئەو بەڵگەنامە و پێداویستییانە دیاریدەکات کە پێویستە کۆمپانیاکانی پارەدانی ئەلیکترۆنی و کۆمپانیاکانی ئاڵوگۆڕی دراو لەو بیانییانەی وەربگرن کاتێک لە عێراقەوە پارە حەواڵە دەکەن. راوێژکارێکی بانکە تایبەتەکانی عێراقیش دەڵێت، "بۆ دڵنیایی زیاترە لە حەواڵەکردنی پارە."

پارێزگاری کەربەلا بەبۆنەی بەڕێوەچوونی رێوڕەسمەکانی چلەی کوژرانی ئیمامی حوسێن، بۆ ماوەی هەفتەیەک پشووی راگەیاند. گوتەبێژی پارێزگای کەربەلاش پێشبینی دەکات 25 ملیۆن کەس سەردانی کەربەلا بکەن، کە هەشت ملیۆنیان لە دەرەوەی عێراقەوە دێن

عێراق دەسەڵاتی پێدانی ڤیزای بێ بەرامبەر بۆ هاووڵاتییانی ئەفغانستان دەداتە باڵیۆز و سەرۆکی نێردەکانی عێراق و کۆنسوڵەکانی لە هەریەک لە ئێران و پاکستان، سەرۆکی سەندیکای کرێکارانی عێراقیش دەڵێت، "ئەو بڕیارە دەرگا بۆ هاتنی کرێکاری زیاتری بێمۆڵەت دەکاتەوە."

جێگری سەرۆکی لێژنەی دارایی پەرلەمانی عێراق رایگەیاند، تەیف سامی بە لێژنەی دارایی گوتووە، لە ماوەی دوو رۆژدا [دوو رۆژی داهاتوو] مووچەی مانگی تەمموزی فەرمانبەرانی هەرێمی کوردستان دەنێرن؛ وردبینیکردنی لیستی مووچەی هێزە ئەمنییەکانیش بەردەوامە.

.

.

رێکخراوێکی ژینگەیی دەڵێت، لە 18 پارێزگاکەی عێراق و هەرێمی کوردستان 12یان بەتەواوەتی ژینگەیان "ناتەندروستە" و 6یان لەنێویاندا پارێزگاکانی هەرێمی کوردستان "ژینگەیان خراپە."

.

گوتەبێژی بەرەی تورکمانی رایگەیاند، لەدژی کۆبوونەوەکەی ئەنجوومەنی پارێزگای کەرکووک، کە حکومەتی خۆجێی تێیدا پێکهێندرا، رۆژی سێشەممە لە کەرکووک خۆپێشاندان دەکرێت.

گوتەبێژی کەتیبەکانی عیززەدین قەسام، باڵی سەربازیی بزووتنەوەی حەماس رایگەیاند لە دوو رووداوی جیاوازدا دوو لە پاسەوانەکانیان بارمتەیەکی ئیسرائیلیان کوشتووە و دووانیان بریندارکردووە، کە برینەکانیان سەختە.

وەزارەتی تەندروستیی فەلەستین لە غەززە رایگەیاند لە 7ـی ئۆکتۆبەری ساڵی رابردووەوە تائێستا 132 هەزار کەس بەهۆی هێرشەکانی ئیسرائیلەوە کوژراون یان بریندار بوون، داواش دەکات بێسەروشوێنان لە لینکێکی تایبەت تۆمار بکرێن.

دادگەی تاوانەکانی بەرەنگاربوونەوەی گەندەڵی رۆژی 14ـی ئەم مانگەی بۆ دادگاییکردنی نوور زوهێر تۆمەتباری سەرەکیی دۆسیەی "دزیی سەدە"، دیاریکرد.

سەرۆکی دەزگای ئاسایشی نیشتمانیی عێراق رایگەیاند، ئەم ساڵ 192 کەسیان بەتۆمەتی تیرۆر و 478 کەسیشیان بە تۆمەتی بازرگانی بە مادەی هۆشبەر دەستگیرکردووە.

راوێژکاری میدیایی مەحموود مەشهەدانی یەکێک لە بەربژێرانی پۆستی سەرۆکی پەرلەمان رەتیدەکاتەوە مەشهەدانی لە رکابەرایەتیی وەرگرتنی پۆستی سەرۆکی پەرلەمان کشابێتەوە یان نیازی کشانەوەی هەبێت.

گوتەبێژی دەستەی دەستپاکیی هەرێمی کوردستان رایگەیاند، لێکۆڵینەوە لە دۆسیەی بەربژێران بۆ هەڵبژاردنی پەرلەمانی کوردستان تەواو بووە و بۆ کۆمیسیۆنی باڵای سەربەخۆی هەڵبژاردنەکان ناردووەتەوە؛ هیچ بەربژێك بە گەندەڵی سزا نەدراوە.

کۆبوونەوەی هاوپەیمانی چوارچێوەی هاوئاهەنگیی بۆ تاوتوێکردنی سێ پرس لە کۆبوونەوەدایە، ئەوانیش کۆبوونەوەی ئەنجوومەنی پارێزگای کەرکووک و هەڵبژاردنی پارێزگار و پرسی هەڵبژاردنی سەرۆکی پەرلەمانی عێراق.

بەڕێوەبەرایەتیی گشتیی حەج و عومرەی هەرێمی کوردستان رایگەیاند، بەهۆی سەرپێچیکردنی رێنماییەکانەوە 90 کۆمپانیای حەج و عومرەیان سزاداون و مۆڵەتیان پێنەدراوە گەشتی عومرە بکەن. بەڕێوەبەری گشتیی حەج و عومرەش دەڵێت: "سزاکان جیاوازن."

سەرۆکی لیژنەی تەندروستیی پەرلەمانی عێراق رایگەیاند، وەزارەتی دارایی رەزامەندیی لەسەر دامەزراندنی نیوەی دەرچووانی کۆلێژ و بەشە پزیشکییەکانی دەربڕیوە کە بڕیارە سەرەتای مانگی داهاتوو دەستبەکارببن، دەشڵێت :"لەهەوڵداین بۆ ئەوەی سەرجەم ئەو دەرچووانە دابمەزرێندرێن."

ئەنجوومەنی باڵای دادوەریی عێراق، دۆسیەی بەڵگەنامەکانی تایبەت بە تاوانەکانی چەکدارانی داعشی لە تیمی نەتەوە یەکگرتووەکان بۆ لێپێچینەوە لە تاوانەکانی داعش (یونیتاد)، وەرگرت.

دەزگای ئاسایشی نیشتمانیی عێراق دەستگیرکردنی 9 ئەندامی داعشی لە پێنج پارێزگای عێراق راگەیاند، یەکێکیان پارەی بەسەر خێزانەکانی داعش دا دابەش دەکرد.

پارێزگاری بانکی ناوەندیی عێراق رایگەیاند، مانگی رابردوو دوو تریلیۆن دینار کڕین و فرۆشتن لە رێگەی ئەلیکترۆنییەوە کراوە و بەراورد بە یەکەم مانگی ئەم ساڵ، دوو هێندە زیادیکردووە.

ئەوانەی ناویان دەرچووە دواتر راهێنانیان لەسەر رێکارەکانی دەنگدان و میکانیزمەکانی پێدەکرێت

وەلید نیعمە، سەرۆکی سەندیکای کرێکارانی عێراق ئەمڕۆ یەکشەممە بە تۆڕی میدیایی رووداوی راگەیاند، "لیژنەیەک لە وەزارەتەکانی کۆچ و کۆچبەرانی عێراق، کار و کاروباری کۆمەڵایەتی، ئاسایشی نیشتمانی و دەزگای هەواڵگری، سەندیکای کرێکاران بۆ نەهێشتنی کرێکاری بیانیی بێ مۆڵەت پێکهێندراوە".

سەرۆکی بەرەی تورکمانیی عێراق کۆبوونەوەکەی دوێنێی ئەنجوومەنی پارێزگای کەرکووک بە "پووچەڵ" ناودەبات و دەڵێت، لە دادگەی فیدراڵیی عێراق سکاڵا تۆماردەکەن؛ ئاماژە بۆ ئەوەش دەکات ئەوان بۆ کۆبوونەوەکە ئاگادارنەکرابوونەوە.

ئەنجوومەنی وەزیران 30ـی تەممووزی ئەم ساڵی بە دوا کات بۆ داخستنی کەمپی ئاوارەکان لە هەرێمی کوردستان دانابوو

بەگوێرەی رێککەوتنی نێوان یەکێتیی نیشتمانیی کوردستان و بەشێک لە عەرەب و تورکمانە شیعەکان، عەرەب 19 پۆست و تورکمان 18 پۆستیان لە حکومەتی خۆجێیی پارێزگای کەرکووک بەردەکەوێت.

دەزگای ئاسایشی نیشتمانیی عێراق دەستگیرکردنی باندێکی 10 کەسی بەقاچاخبردنی نەوتی راگەیاند کە لە 5 پارێزگای عێراق بۆریی نەوتیان کونکردبوو.

گرووپێکی تایبەت بە دزینی پارە و مۆبایل لە سەردانیکارانی ئیمام حوسێن دەستگیرکران و رادەستی لایەنە پەیوەندیدارەکان کران.

لە پارێزگای بابل دوو چەکدار بە کڵاشینکۆڤ تەقە لە پارێزەرێک دەکەن، بەڵام پارێزەرەکە دەتوانێت بە زیندوویی لە دەستیان هەڵبێت.

سبەی شەممە کۆمیسیۆنی باڵای سەربەخۆی هەڵبژاردنەکانی عێراق تیروپشک بۆ ئەو لایەن و هاوپەیمانێتی و بەربژێرە تاکەکەسییانە دەکات کە بەشداری لە هەڵبژاردنی پەرلەمانی کوردستاندا دەکەن.

کۆمیسیۆنی باڵای سەربەخۆی هەڵبژاردنەکانی عێراق سێ لێژنەی 10 کەسیی بۆ سەرپەرشتیکردنی هەڵبژاردنەکانی خولی شەشەمی پەرلەمانی کوردستان پێکهێنا و لێژنەکە لە هەرێمی کوردستانن و لێرەوە کارەکانیان دەکەن.

سەنتەرێکی دۆکیۆمێنتکردن دەڵێت، لە سەرەتای ئەم ساڵەوە 329 کەس لەلایەن گرووپە چەکدارەکانی سەر بە تورکیا لە عەفرین و ناوچەکانی دیکە رفێندراون.

بە گوتەی ئومێد فارووق باری کەشتییەکە هی بازرگانانی هەرێمی کوردستان و عێراق بووە، بەنیاز بوو بارەکەی بۆ بەندەری ئوم قەسر لە باشووری عێراق بگوازێتەوە.

سەرۆکایەتیی پەرلەمانی عێراق داوای وەرگرتنی بۆچوون و تێبینیی سەرجەم پەرلەمانتان لەبارەی هەمواری یاسای باری کەسی دەکات و دەڵێت داواکارییەکانتان بنێرن بۆ ئەوەی بخرێتە نێو هەموارەکەوە.

هەسەدە لە راگەیێندراوێکدا لەبارەی هێرشەکانی سەر پارێزگای دێرەزوور رایگەیاند: "هێزەکانی رژێم بۆمباران و مووشەکبارانی هەردوو گوندی جدیدە بەکارە و دەحلەیان لە رۆژهەڵاتی دێرەزوور کردووە، بەهۆیەوە 11 کەس شەهید بوون، زۆرینەیان ژن و منداڵن."

حووسییەکانی یەمەن دەڵێن، تاوەکو ئێستا 177 کەشتییان لە سنوورییە ئاوییەکانی نزیک یەمەن کردووەتە ئامانج و تەنیا ئەم هەفتەیە بە 16 مووشەک و درۆنێک هێرشیان کردووە.

بەپێی بەدواداچوونەکانی رووداو، هەر پەرلەمانتارێکی خولەکانی دوای ساڵی 2003ـی پەرلەمانی عێراق شەش پاسەوانی هەیە و ئێستاش مووچەکانیان لەسەر دەوڵەتە.

ئەنجوومەنی کۆمیسیارانی کۆمیسیۆنی باڵای سەربەخۆی هەڵبژاردنەکانی عێراق لە نووسراوێکدا کە ئەمڕۆ پێنجشەممە، 8ـی ئابی 2024 دەریکردووە، حەمید جەسام زەوبەعی، بەربژێری هاوپەیمانی تەقەدوومی سوننەکان کە لەلایەن محەممەد حەلبووسیی سەرۆکی پێشووی پەرلەمانەوە سەرۆکایەتی دەکرێت، لە شوێنی غاندی کەسنەزانی، پەرلەمانتاری کۆچکردووی لیستەکە، دیاریکرد.

عەبدولڕەزاق خەیلانی، گوتەبێژی دەستەی ده‌سته‌ى پاراستن و چاككردنى ژينگه‌ی هەرێمی کوردستان، بە تۆڕی میدیایی رووداوی گوت: "ئەو پرۆژانەی درانەتە دادگە بەهۆی پێشێلکردنی مەرجە ژینگەییەکانەوە پێشتر سزادراون و پێیانگوتراوە سەرپێچییەکانیان چاک بکەنەوە، کە نەیانکردووەتەوە دەدرێنە دادگە."

محەممەد شیاع سوودانی، سەرۆکوەزیرانی عێراق، ئەمڕۆ پێنجشەممە، 8ـی ئابی 2024، لە رێگەی ڤیدیۆ کۆنفڕانسەوە وێستگەی کارەبای قەزای دوبزی سەر بە پارێزگای کەرکووک کردەوە کە بە گاز کاردەکات، سوودانی رایگەیاند: "ئێمە ئارەزوومان دەکرد لە پارێزگای کەرکووک ئامادەبین، پێمانخۆشبوو چاوەڕێی هەڵبژاردنی حکومەتی خۆجێیی بکەین، بەڵام پێدەچێت پێویستی بە کات بێت، بۆیە پێمانباشبوو کردنەوەی وێستگەکە لەرێگەی ئەم ڤیدیۆ کۆنفڕانسەوە بێت."

بەتۆمەتی "سووکایەتیکردن بە پەیامبەری ئیسلام" دادگەی لێکۆڵینەوەی پارێزگای نەینەوا فەرمانی دەستگیرکردنی بۆ قاسم شەشۆ دەرکرد، برازایەکی شەشۆش دەڵێت "بەمەبەست ئەو بابەتە لەلایەن پشتیوانانی داعشەوە گەورە دەکرێت."

.

سەرۆکی دەستەی دەستپاکیی هەرێمی کوردستان دەڵێت، لە رۆژی سێشەممەی ئەم هەفتەیەوە دەستکراوە بە لێکۆڵینەوە لە لیستی ناوی بەربژێرانی هەڵبژاردنی پەرلەمانی کوردستان و پێشبینی دەکەن سەرەتای هەفتەی داهاتوو پرۆسەکە تەواو ببێت.

کۆمیسیۆنی باڵای سەربەخۆی هەڵبژاردنەکانی عێراق لەم مانگەدا دوو تێست بۆ هەڵبژاردنی خولی شەشەمی پەرلەمانی کوردستان دەکات بۆ دڵنیابوونەوە لە ئامێرەکان و راهێنانی فەرمانبەرانی کۆمیسیۆن بۆ رۆژی هەڵبژاردن.

فەرماندەیی ئۆپەراسیۆنە هاوبەشەکانی عێراق روونکردنەوەیەکی لەبارەی دەنگۆی بوونی پشێوی و شڵەژان لە دۆخی ئەمنیی پارێزگای نەینەوا بڵاوکردەوە و دەڵێت :"دۆخەکە ئاساییە."

ئەمڕۆ ئاڵۆگۆڕی پۆستەکان دەکرێ لەنێوان پارێزگاری کۆن و نوێ

دەیانەوێت پەرلەمان ئەو هەموارە رەتبکاتەوە، "چونکە لەگەڵ ئەوەی یاسای باری کەسی لە عێراق شەش دەیەیە کاری پێدەکرێت هیچ کێشەیەکی نەبووە."

وەزارەتی ناوخۆی هەرێمی کوردستان رایگەیاند کاروانی سێیەمی ئاوارەکانی هەرێمی کوردستان دەگەڕێنەوە بۆ ناوچەکانی خۆیان کە ژمارەیان 266 خێزان دەبێت، داواش لە حکومەتی عێراق دەکات پێداویستییەکانی ئاوارەکان جێبەجێ بکات، "بۆ ئەوەی جارێکی دیکە ئاوارە نەبنەوە."

لەماوەی شەش مانگدا عێراق 58 تریلیۆن دینار خەرجیی هەبووە و داهاتەکانیشی 65 تریلیۆن دینار بووە. لەو ماوەیەشدا 5 تریلیۆن دیناری بۆ هەرێمی کوردستان ناردووە، زیاتر لە 40 تریلیۆن دیناری عێراق بۆ مووچە رۆیشتووە کە دەکاتە 77.1%ـی کۆی خەرجییەکان.

نوێنەری رێکخراوی پەنابەرە گەڕاوەکان لە ئەورووپا رایگەیاند بەلەمێکی کۆچبەران کە نزیکەی 70 کۆچبەری کوردی هەڵگرتووە، بەهۆی کونبوونییەوە ئەگەری ژیرئاوکەوتنی هەیە و داوای بەهاناوەچوون دەکەن.

کارزان رەزا، بەڕێوەبەری راگەیاندنی وەزارەتی پلاندانان و سەرۆکی لیژنەی راگەیاندنی سەرژمێری، ئەمڕۆ سێشەممە بە تۆڕی میدیایی رووداوی گوت: "ئەمڕۆ لە بەڕێوەبەرایەتییەکانی ئامار لە پارێزگا و ئیدارە سەربەخۆکانی هەرێمی کوردستان، 2 خولی راهێنانی تایبەت بە گەمارۆسازی و ژمارەدانان لە ئیدارە سەربەخۆکانی هەرێمی کوردستان دەستیپێکرد".

سەرۆکی سەنتەرێکی ماف و ئازادییەکانی رۆژنامەڤانی دەڵێت: "رەشنووسەکە مینی چێندراوی تێدایە

کۆمیسیۆنی باڵای سەربەخۆی هەڵبژاردنەکانی عێراق داوا لە پەرلەمان دەکات لە جێبەجێکردنی بڕیارێکی پێشتری تایبەت بە دیاریکردنی شوێنگرەوەی پەرلەمانتارێک پەلە نەکات و دەڵێت، پەڵپ و ناڕەزایەتی هەیە.

شانەی راگەیاندنی ئەمنی رایگەیاند زانیارییان لەسەر ئەو کەسانە دەستکەوتووە کە شەوی رابردوو هێرشیان کردە سەر بنکەی ئاسمانیی عەین ئەسەد، دەشڵێت دەستیان بەسەر هەشت مووشەکی دیکەشدا گرتووە کە بۆ هێرشەکە ئامادەکرابوون.

تەڤگەری ئازادیی کۆمەڵگەی کوردستان، رایگەیاند بڕیارەکەی دەستەی دادوەریی هەڵبژاردن بۆ قەدەخەکردنی پارتەکەیان "نادادی" تێدایە و پێیوایە بڕیارەکە سیاسییە نەوەک یاسایی و بە "گوشاری تورکیا بووە".

گرووپێکی چەکداریی نوێ کە خۆیان بە بەشێک لە مقاوەمەی ئیسلامی دەناسێنن، هێرشەکەی سەر هێزەکانی هاوپەیمانانی لە بنکەی عەین ئەسەد لەئەستۆگرت، کە بووە هۆی برینداربوونی ژمارەیەک کارمەند و سەربازی ئەمریکی.

بەڕێوەبەرایەتی ئاسایشی هەولێر رایگەیاند، گرووپێک بەناوی هەلی کار و قازانج و کۆمپانیای بیانییەوە لە رێگەی وەتسئەپەوە پەیوەندی بە هاووڵاتییانەوە دەکەن و دوای دەستبەسەرداگرتنی ژمارەکەی، داوای پارەی لێدەکەن

بەڕێوەبەرایەتیی چاکسازیی عێراق رایگەیاند، مانگی رابردوو نزیکەی 700 زیندانی لە گرتووخانەکانی عێراق ئازاد کراون، 78یان ئافرەت بوون، ژمارەی ئازاد کراوانیش لە حەوت مانگی رابردوودا گەیشتووەتە 4470 ئازادکراو

د. عیماد جەمیل، سەرۆکی تیمی میدیایی کۆمیسیۆنی باڵای سەربەخۆی هەڵبژاردنەکانی عێراق بە تۆڕی میدایی رووداوی راگەیاند: "ئەمڕۆ بە ئەلیکترۆنی و کاخەز، لیستی ناوی بەربژێرانی خولی شەشەمی هەڵبژاردنی پەرلەمانی کوردستانمان بۆ وەزارەتەکانی ناوخۆ لە بەغدا و هەولێر و دەستەکانی دەستپاکی لە حکومەتی فیدراڵی و هەرێمی کوردستان بۆ لێکۆڵینەوە نارد."

بەگوێرەی خشتەی کۆبوونەوەکانی، بڕیارە رۆژی سێشەممە، 6ـی ئابی 2024، دادگەی فیدراڵیی عێراق بۆ سکاڵایەکی پەرلەمانتار رائید مالیکی کۆببێتەوە، کە لە دژی محەممەد شیاع سوودانی تۆماری کردووە.

نەخۆشیی ئەیدز لە رێگەی ڤایرۆسی HIVـیەوە تووشی مرۆڤ دەبێت. رێگەکانی گواستنەوەی بریتین لە؛ سێکسکردن، گواستنەوەی لە رێگەی خوێنەوە لە كەسێكەوە بۆ كەسێكی دیکە، یانیش گواستنەوەی لە دایكەوە بۆ كۆرپەلەكەی.

رۆژی دووشەممە سەرچاوەیەک لە بانکی ئیسلامیی زەینی عێراق بە رووداوی گوت: "بەهۆی کێشەی داراییەوە بانکەکە سەرپەرشتیاری بۆ دانرا، بەشێکیشی پەیوەستە بەوەی بەپێی رێککارەکانی بانکی ناوەندی کاری نەکردووە، وەکو ئەو بانکە بانگەشەی بۆ دەکات."

چرۆ حەمەشەریف، ئەندامی پەرلەمانی عێراق بە تۆڕی میدیایی رووداوی گوت: "ئەو پەرلەمانتارانەی بڕوانامەی دیبلۆمیان هەیە 2 ملیۆن و 800 هەزار دینار تاوەکو 3 ملیۆن و 500 هەزار دیناریان لێ کەمکراوەتەوە، ئەوانەی بڕوانامەی بەکالۆریۆسیان هەیە لە نێوان یەک ملیۆن و 500 هەزار دینار بۆ 2 ملیۆن دیناریان لێ کەمکراوەتەوە، ئەوانەی ماستەریان هەیە لەنێوان یەک ملیۆن 100 هەزار بۆ ملیۆنێک و 200 هەزار دیناریان لێ کەمکراوەتەوە."

سەرۆکی لیژنەی ناوەندی بۆ تاپۆکردنی خانووە زێدەڕۆکانی سلێمانی دەڵێت، لەکۆی 12 هەزار خانووی بێ تاپۆ، نزیکەی 4 هەزاریان تاپۆکراون؛ ئاماژە بەوەش دەکات، کام ناوچە و گوند زوو نەخشەی تەواو بێت، خانووەکانی تاپۆ دەکرێن.

بڕیارە 13ـی ئەم مانگە دادگەی کارگێڕیی عێراق بڕیار لەبارەی گۆڕانکارییەکانی پارێزگای نەینەوا بدات.

پەرلەمانی عێراق خوێندنەوەی یەکەمی بۆ پڕۆژەیاسای هەمواری یاسای لێخۆشبوونی گشتی کرد و هەمواری یاسای باری کەسیشی خستە کارنامەی کارەوە.

بڕی پارە دزراوەکانی" دزیی سەدە" کە لە یەکێک لە بانکەکانی حکومەتی عێراق لە ساڵانی 2021 و 2022 دزرا، بۆ شەش تریلیۆن و 500 ملیار دینار زیاد دەکات، تاوەکو ئێستا شەش کەس بە بردنی پارەکە تۆمەتبارکراون.

زیاتر لە 100 پەرلەمانتار داوا لە سەرۆکایەتیی پەرلەمانی عێراق دەکەن، هەمواری یاسای باری کەسی بخرێتە کارنامەی کۆبوونەوەی ئەمڕۆی پەرلەمان، ئەو پەرلەمانتارانەی داواکەیان پێشکێشکردووە دەڵێن "پەشیمانبوونەوە لە هەموارەکە نییە."

ئەندامێکی هاوپەیمانیی 188 دەڵێت، هەمواری یاسای باری کەسێتی زیانی بۆ بەهاکانی کۆمەڵگەی عێراقی هەیە و دژی بڕگەکانی دەستووریشە

گوتەبێژی دەزگای ئاسایشی نیشتمانیی عێراق دەستگیرکردنی باندێکی کوشتن، رفاندن و بازرگانیی مادەی هۆشبەری راگەیاند کە دوو ژنیان بە بارمتە گرتبوو و ئەفسەرێکی ئاسایشی ژنیشیان کوشتبوو

سەرۆکوەزیرانی عێراق داوا لە سەرجەم وەزارەت و فەرمانگەکانی حکومەت دەکات لە ساڵیادی جینۆسایدکردنی کوردانی ئێزدیدا خولەکێک بە بێدەنگی رابوەستن

بانکی ناوەندیی عێراق پێدانی دۆلار بەو کۆمپانیا فڕۆکەوانی و گەشتیارییانە قەدەخە دەکات کە لە لیستی کۆمپانیا سزادراوەکاندان. نەقیبی سەندیکای گەشتیارانی عێراق دەڵێت، "بەشێک لە کۆمپانیاکانمان لە لیستی سزاکاندان."

پەرلەمانی عێراق خوێندنەوەی دووەم بۆ پڕۆژە یاسای قەرەبووکردنەوەی زیانلێکەوتووانی دەستی بەعس دەکات. بەپێی پڕۆژەکە، دانیشتووانی پارێزگاکانی هەرێمی کوردستانیش قەرەبوو دەکرێنەوە

محەممەد حەلبووسی، سەرۆکی پارتی تەقەدووم و سەرۆکی پێشووی پەرلەمانی عێراق بەهۆی تۆمەتبارکردنی بە تێوەگلانی لە تیرۆر، سکاڵا لەسەر یەکێک لە سیاسەتمەدارانی پارێزگای ئەنبار تۆماردەکات و دەڵێت: "تۆمەتبارکردنم بۆ هەراسانکردن و مەبەستی سیاسییە."

کۆمیسیۆنی راگەیاندن و گەیاندنی عێراقی لە گشتاندنێکدا کە بۆ سەرجەم دەزگاکانی راگەیاندنی ناردووە، دەڵێت: "بەپشتبەستن بەو دەسەڵاتانەی پێماندراوە و لە سۆنگەی بەرپرسیارێتیی مرۆیی و ئەرکی ئەخلاقی و پیشەییەوە داواتان لێدەکەین رووبەرێکی کاتی تەواو بۆ پەخشکردنی ژمارەیەک بەرنامە و هەواڵەکانی رۆشنبیری تەرخانبکرێت بۆ تیشکخستنە سەر ئەوەی رێکخراوی تیرۆریستیی داعش لە رفاندن و تاوانەکانی دژ بە ئێزدی و پێکهاتەکانی دیکە کردوونی."

نووسینگەی میدیایی حکومی غەززە، رۆژی پێنجشەممە، 1ـی ئابی 2024، ئامارەکانی 300 رۆژی شەڕی نێوان ئیسرائیل و بزووتنەوەی حەماس و گرووپە چەکدارەکانی دیکەی فەلەستینی بڵاوکردەوە:

دژەتیرۆری سلێمانی رایگەیاندووە: "ئەو کەسەی دەستگیرکراوە پێشینەی کاری تیرۆرستیی ھەبووە لەناو رێکخراوی تیرۆرستیی دەوڵەتی ئیسلامی (داعش)، توانرا لە ئۆپەراسیۆنێکدا لەلایەن ھێزەکانی بەڕێوەبەرایەتی گشتی دژەتیرۆر CTGـەوە دەستگیربکرێت."

دزیی سەدە، ساڵی 2022 لە سەردەمی حکومەتی مستەفا کازمی ئاشکرا بوو. دزینی 2.5 ملیار دۆلاری پارەى هەژمارى سپاردەى دارایی بەڕێوەبەرایەتیی گشتیى باجى عێراق بوو لە بانکى رافیدەین لەلایەن پێنج کۆمپانیاوە. تێکڕاى پارە دزراوەکەى بانکى رافیدەین زیاتر لە 3.7 تریلیۆن دینار بووە کە لە رێگەى پێنج کۆمپانیاوە لەنێوان ئابى 2021 و ئەیلوولى 2022 لەو بانکە براوە.

بانکی رەشیدی حکومەتی عێراق دەڵێت بۆ بەجێکردنی مووچەی فەرمانبەرانی هەرێمی کوردستان چاوەڕێی حکومەتی هەرێمی کوردستان دەکەن، پەرلەمانتارێکیش دەڵێت: "هەرسێ بانکەکەی حکومەتی عێراق داوای ناوی فەرمانبەرانیان کردووە، حکومەتی هەرێمی کوردستان ناینێرێت."

وەزارەتی خوێندنی باڵا و توێژینەوەی زانستیی هەرێمی کوردستان دوایین دەرفەت دەداتە زانکۆکان بۆ ئەوەی لیستی یەکەمەکانی زانکۆ و پەیمانگەکانیان بۆ بنێرن بەمەبەستی دامەزراندنیان، سەرۆکی زانکۆی سەڵاحەدینیش دەڵێت "ئەنجوومەنی راژە، داوای ناوەکانی کردووە."

"کۆمیسیۆنی باڵای سەربەخۆی هەڵبژاردنەکانی عێراق پێویستی بە زیاتر لە 43 هەزار کارمەند دەبێت بۆ ئەوەی رۆژی هەڵبژاردن هاوکاری کۆمیسیۆن بن لەپێناو بەڕێوەچوونی هەڵبژاردنەکە لە پارێزگاکانی هەرێمی کوردستان."

مەبەست لەو لێکتێگەیشتنە، بەپێی حکومەتی عێراق؛ بۆ بەکارهێنانی باشترینی دەرفەتەکانە لە بواری وزە بۆ زیادکردن و پەرەپێدانی بەرهەمی نەوت و، وەبەرهێنانەکانی گاز و وزەی خۆر لە ناوچەکە.

ئەندامێکی پەرلەمانی عێراق داوا لە یەکێک لە فەرمانگە هەستیارەکانی حکومەتی عێراق دەکات لێکۆڵینەوە لە هاوردەکردنی زێڕ لە عێراق بکرێت، کە بە گوتەی ئەو "گەندەڵیی تێدا دەکرێت" و سەرچاوەیەکە بۆ وەرگرتنی دۆلار و فرۆشتنەوەی لە بازاڕدا

.

پەرلەمانی عێراق مانگی تەممووزی ئەم ساڵ تەنیا سێ کۆبوونەوەی کردووە، لە هەر کۆبوونەوەیەکیش نزیکەی نیوەی پەرلەمانتاران ئامادە نابن، هیچ کام لە کۆبوونەوەکانیش بۆ چاودێریی کارەکانی حکومەت نەبووە و تەنیا یەک یاساشی پەسند کردووە

دەستەی تەندروستیی بەرگریی شارستانیی لوبنان دوایین ئاماری هێرشەکەی رۆژی 30ـی تەمموزی بەیرووتی بڵاوکردەوە، دەڵێ حەوت کەس گیانیان لەدەستدا، یەکێک لە کوژراوەکانیش راوێژکارێکی سەربازیی ئێرانییە.

شاندێکی وەزارەتی خوێندنی باڵای عێراق سێ رۆژە لە قەزای ئاکرێن بە مەبەستی داننان بە زانکۆی ئەو شارە. دوای وردبینی، شاندەکە راپۆرتێک دەداتە وەزارەتی خوێندنی باڵا

عێراق تاقیکردنەوەکانی بۆریی نەوتی کەرکووک - جەیهانی تەواو کردووە و هەناردەکردنی نەوتی کەرکووک لە رێگەی ئەو بۆرییەوە تەنیا رێککەوتنی عێراق و تورکیای ماوە، بەپێی سەرچاوەیەک لە وەزارەتی نەوتی عێراق؛ چاوەڕوان دەکرێت لە کەمتر لە سێ مانگی داهاتوودا نەوتی پێدا هەناردە بکرێت.

دەستەی دەستپاکیی عێراق رایگەیاند، لە مانگی حوزەیرانی ئەم ساڵدا رێگرییان لە دزینی 60 ملیار دینار کردووە.

وەزارەتی گواستنەوەی عێراق راگرتنی گەشتە ئاسمانییەکان لە فڕۆکەخانەکانی هەرێمی کوردستان و عێراقەوە بۆ فڕۆکەخانەی بەیرووتی پایتەختی لوبنان و بە پێچەوانەشەوە رەتدەکاتەوە.

ئەندامێکی ئەنجوومەنی پارێزگای کەرکووک لە هاوپەیمانیی عەرەبی رایگەیاند بۆ پێکهێنانی ئەنجوومەنی پارێزگای کەرکووک باشترین بژارە ئاڵوگۆڕی پۆستی پارێزگارە دوو ساڵ بە دوو ساڵ، دەشڵێت "ئەگەری زۆرە پۆستی پارێزگار بۆ کورد و عەرەب بێت."

حیزبوڵڵای لوبنانی کوژرانی یەکێک لە سەرکردەکانی لەلایەن ئیسرائیلەوە کە یاریدەدەری حەسەن نەسروڵڵای ئەمینداری ئەو حیزبەیە، پشتڕاستکردەوە و دەڵێت هەڵوێستی سیاسییان رۆژی پێنجشەممە لەلایەن ئەمینداری حیزبەکەوە لە ناشتنیدا رادەگەیێندرێت.

حکومەتی عێراق داوا لە ئەنجوومەنی ئاسایشی نێودەوڵەتی دەکات ئەرک و بەرپرسیاریێتیی خۆی لە پاراستنی ئاسایش و سەقامگیریی نێودەوڵەتی ببینێت و کوشتنی بەرپرسی مەکتەبی سیاسیی بزووتنەوەی حەماسیش بە هەوڵدان بۆ فراوانکردنی ناکۆکی و قەیرانەکان ناودەبات.

سەرۆکی پێشووی بەرەی تورکمانی پێشنیازی کەسێکی عەرەب دەکات بۆ ئەوەی لە بری راکان جبووری بەشێوەی کاتی ببێتە پارێزگار و دەڵێت، هەر هیچ نەبێت واژۆ لەسەر مووچە بکات، چونکە بە گوتەی ئەو مووچەی بەشێک لە دەزگاکان دواکەوتووە.

گوتەبێژی کۆمیسیۆنی باڵای سەربەخۆی هەڵبژاردنەکانی عێراق رایگەیاند، ئەمڕۆ ئەنجوومەنی کۆمیسیاران ژمارەی کۆتایی دەنگدەران و بنکە و وێستگەکانی بۆ هەڵبژاردنی خولی شەشەمی پەرلەمانی کوردستانی پەسند کرد، داوا لە دەنگدەرانیش دەکات کارتی بایۆمەتری وەربگرنەوە

رۆژی سێشەممە، 30-07-2024 ئەنجوومەنی باڵای دادوەریی عێراق لە راگەیێندراوێکدا رایگەیاند: "دادگەی ناوەندیی تاوانەکانی بەرەنگاربوونەوەی گەندەڵی لە کەرخ سزایەکی سووکی بۆ ماوەی یەک ساڵ لە دژی پارێزگاری پێشووی ئەنبار دەکرد، ئەویش بەهۆی دامەزراندنی 83 راوێژکار لە دیوانی پارێزگا بەپێچەوانەی یاسا."

سەعد زەیادی گوتی: "دوای ئەوەی پۆلیسی هاتووچۆ لە رووداوێکی هاتووچۆ ئاگاداردەکرێتەوە، موحسین بە ماتۆڕسکیلی پۆلیسی هاتووچۆ دەچێتە شوێنی رووداوەکە، پێش ئەوەی بگاتە شوێنەکە لە پشتەوە ئۆتۆمبێلێک خۆی پێدا دەکێشێت و گیان لەدەستدەدات."

ئەو بەرپرسەی یەکێتی ئاماژەی بۆ ئەوە کرد تائێستا لایەنەکانی کەرکووک بۆ دیاریکردنی یەکێک لەو دوو بژاردەیەی بۆ پێکهێنانی حکومەتی خۆجێی کەرکووک هەیە نەگەیشتوون بە رێککەوتن، گوتیشی: "ئێمە لەسەر ئەو دوو بژاردەیە هەیە چی ئەوەی پۆستەکان بە ئاڵوگۆڕ لەنێوان پێکهاتەکان بێت، یان دوو ساڵ بە دوو ساڵ رێکنەکەوتووین، ئێمە پێمانباشە هەموو پێکهاتەکان لە بەڕێوەبردنی پارێزگاکە بەشدار ببن."

حیزبی دەعوەی ئیسلامی کە نووری مالیکی، سەرۆکی هاوپەیمانی دەوڵەتی یاسا سەرۆکایەتیی دەکات، راگەیێندراوێکی لەبارەی پرۆژەیاسای هەمواری یاسای باری کەسیی عێراق بڵاوکردەوە: "ئازادی خەسڵەتێکی سەرەکیی سەردەمی نوێی سیاسییە کە لە عێراق پێشینەی نەبووە، ئەو ئازادییەش بەرهەمی قوربانیدانی عێراقییە ئازادیخوازەکانە لەسەرجەم پێکهاتەکان، هەمواری یاسای باری کەسی بۆ چەسپاندنی ئازادیی تاکی عێراق هاتووە بۆ پێدانی ماف پێی لەپێناو رێکخستنی باری کەسیی بەپێی ئەو مەزهەبەی باوەڕی پێیەتی."

لە ماوەی خولی پێنجەمی پەرلەمانی عێراق تەنیا 11 لێپرسینەوە و میوانداریکردنی بەرپرسان هەبوونە، هیچ وەزیرێکی کابینەکەی سوودانی لێپرسینەوەی لەگەڵدا نەکراوە، میوانداریی تەنیا پێنج وەزیر کراوە.

بەتۆمەتی "سووکایەتیکردن بە حەشدی شەعبی و تۆمەتبارکردنی سەرکردەکانی بە کوشتنی خۆپێشاندەران"، سەرۆکی دەستەی حەشدی شەعبی سکاڵا لەسەر پەرلەمانتارێکی سەربەخۆ تۆمار دەکات، داواکاری گشتیش داوای هەڵگرتنی پارێزبەندیی لە پەرلەمان دەکات.

ساعیدی موعەمەر قەزافی، هەڵوێستی خۆی لەبارەی شەڕی ئیسرائیل و حیزبوڵڵا نیشان دا، لە بڵاوکراوەیەکدا لە تۆڕی کۆمەڵایەتی ئێکس نووسیویەتی: "ئومێد دەکەم ئیسرائیل حیزبوڵڵا لەسەر زەوی بسڕێتەوە."

بەرهەمهێنانی کارەبا لە عێراق ژمارەیەکی پێوانەیی تۆمار کرد، وەزیری کارەبا دەڵێت بەرهەمی کارەبا لە 19 هەزار مێگاواتەوە بۆ زیاتر لە 27 هەزار مێگاوات زیادیکردووە.

چوارچێوەی هاوئاهەنگی کۆبووەوە و داوای لە پەرلەمانی عێراق کرد، خوێندنەوەی یەکەم بۆ هەمواری یاسای باری کەسی بکات، کە لە کارنامەی کۆبوونەوەی چوارشەممەی رابردووی پەرلەمان بەهۆی ناڕەزایەتییەکانەوە دەرهێندرا.

بەڕێوەبەرایەتیی شارەوانییەکانی گەرمیان داوای راگرتنی سەرجەم رێککارەکانی مامەڵەی گواستنەوەی کارتی زانیاری و شوێنی نیشتەجێبوونی فەرمانبەران و خانەشینان لە ئیدارەی گەرمیان دەکات بۆ ئەوەی کاریگەریی لەسەر پڕۆسەی دابەشکردنی زەوی نەبێت.

جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق بە تۆڕی میدیایی رووداوی راگەیاند: "ئەنجوومەنی کۆمیسیاران پێنج نموونەی سەرەتایی دەنگدانی بۆ هەڵبژاردنی پەرلەمانی کوردستان پەسندکرد، هەر پارێزگایەک لە پارێزگاکانی هەولێ، سلێمانی، دهۆک و هەڵەبجە، نموونەی کاخەزی تایبەت بەخۆیان هەیە، جگە لەوەش نموونەیەکی کاخەزەکە بۆ دەنگدانی تایبەت دەبێت."

وەزیری ناوخۆی ئێران داوای لە زیارەتکارانی وڵاتەی دەکات، ئەوانەی بۆ یادکردنەوەی چلەی کوژرانی ئیمام حوسێن سەردانی عێراق دەکەن لە حەوت رۆژ زیاتر نەمێننەوە.

لیژنەیەکی پەرلەمانی عێراق بۆ لێکۆڵینەوە لە زیانەکانی سووتانی بازاڕی قەیسەریی هەولێر یەکەم کۆبوونەوەی لەگەڵ وەزیری ناوخۆی هەرێمی کوردستان کرد، لیژنەکە داوای راپۆرتێکی وردیان لە وەزارەتەکە لەبارەی زیانەکانەوە کردووە بۆ ئەوەی بدرێتە عێراق بەمەبەستی قەرەبووکردنەوەی زیانلێکەوتووان.

.

بەرپرسێکی عەسائیبی ئەهلی حەق رەتیدەکاتەوە سەرۆکی داهاتووی پەرلەمانی عێراق ئەو بەربژێرە بێت کە ئەوان پشتیوانی لێدەکەن، دەشڵێت پۆستەکە مافی سوننەکانە و ئەوان یەکلایی دەکەنەوە.

وەزارەتی نەوتی عێراق دەڵێت، مانگی رابردوو زیاتر لە 100 ملیۆن بەرمیل نەوتی هەناردەکردووە؛ ئاماژە بەوەش دەکات، ئەو بڕەی هەناردەی ئوردن کراوە زیاتر لە 300 هەزار بەرمیل بووە.

راوێژکاری سەرۆکوەزیرانی عێراق دەڵێت، زۆرینەی بۆچوونەکان بەو ئاراستەیەن کە پۆستی پارێزگای کەرکووک لە نێوان هەر سێ نەتەوەکە ئاڵوگۆڕ بکرێت، "دەبێت هەر پێکهاتەیەک یەک بەربژێری هەبێت، بەڵام هیچ لایەنێک ناوی بەربژێری خۆی رانەگەیاندووە."

زیاتر لە 306 هەزار کارتی بایۆمەتریی دەنگدان لە هەرێمی کوردستان ماون و دابەشنەکراون، کۆمیسیۆنیش دەڵێت دابەشکردنی ئەو کاراتانەی ماون بەردەوام دەبێت، بەپێی کۆمیسیۆن زۆرترین کارتی بایۆمەتری لە پارێزگای دهۆک دابەشکراوە، زۆرترین کارتیش لە ئۆفیسەکانی هەولێر ماون.

گوتەبێژی کۆمیسیۆنی باڵای سەربەخۆی هەڵبژاردنەکانی عێراق دەڵێت، سبەی دووشەممە لیستی ناوی بەربژێرانی هەڵبژاردنی پەرلەمانی کوردستان رەوانەی وەزارەت و دەستەکان لە حکومەتی عێراق و حکومەتی هەرێمی کوردستان دەکەن.

روانگەی عێراقی بۆ مافەکانی مرۆڤ رایگەیاند، کار دەکات بۆ کۆکردنەوەی هەموو زانیاری و بەڵگەنامەکان لەبارەی خۆپێشاندانەکانی تشرینی ساڵی 2019، بۆ لێپرسینەوە لەوانەی تەقەیان لە خۆپێشاندەران کردووە.

سەرۆکوەزیرانی عێراق لەگەڵ سەرۆکی فەرمانگەی هەڵبژاردنی کۆمیسیۆنی باڵای سەربەخۆی هەڵبژاردنەکان کۆبووەوە و رایگەیاند، حکومەت هەموو پێداویستییەکانی بۆ ئەنجامدانی هەڵبژاردنی پەرلەمانی کوردستان دابینکردووە.

وەزیری کار و کاروباری کۆمەڵایەتیی عێراق: بەشێک لە کرێکارە بیانییەکان، لەنێویاندا پاکستانییەکان، بەناوی گەشتکردنەوە هاتوون و بەبێ مۆڵەت لە عێراق کار دەکەن.

دادگای فیدڕاڵیی عێراق سکاڵایەکی سەرۆکی فراکسیۆنی نەوەی نوێی لەبارەی حکومەتی هەرێمی کوردستانەوە رەتکردەوە، سکاڵایەکی پەرلەمانتارێکی یەکێتیشی لەبارەی ئەنجوومەنی شورای کوردستانەوە بۆ مانگی ئەیلوولی داهاتوو دواخست

بەرهەمی هەنجیری نێوخۆی هەرێمی کوردستان لە بازاڕەکاندایە و کیلۆیەک هەنجیری باش بە نزیکەی سێ هەزار دینار دەگاتە دەست خەڵک. وەزارەتی کشتوکاڵ دەڵێت، بەرهەمی ساڵانەی هەنجیری هەرێمی کوردستان دەگاتە 25 هەزار تۆن.

دوو کەس بە هەردوو ناوی ساختەی "تارا کەریم ئاغا Tara Kareem Agha" و "سۆزان شێخ کەمال بەرزنجی Sozan Shex "Kamal Barzn لە تۆڕە کۆمەڵایەتییەکاندا، بەتایبەتی مەسنجەر بە شێوەیەکی ساختەکارانە بە ناوی سەرۆکایەتیی ئەنجوومەنی وەزیرانەوە، داوای پارە و کارتی مۆبایلیان لە خەڵک کردووە.

بڕیارێکی دەستەی گشتیی حەشدی شەعبی بۆ هەڵوەشاندنەوەی حەشدی تورکمانی و دوورخستنەوەی بەرپرسی هێزەکە لە پۆستەکەی، ناڕەزایەتیی بەشێک لە تورکمانەکانی پارێزگاکانی کەرکووک و سەڵاحەدینی لێدەکەوێتەوە.

سەرۆکی یەکێتیی سەندیکاکانی کرێکارانی عێراق رایگەیاند، نەگەڕانەوەی 50 هەزار کرێکاری پاکستانی کە بەناوی سەردانی ئایینی هاتوونەتە عێراقەوە راستە. دەشڵێت، "بەشێکی زۆریان لە نەجەف و بەسرەن،" داوا لە مەرجەعیەتی شیعەش دەکات رۆڵیان هەبێت و لەخۆیان نەگرن

فەرماندەیی پۆلیسی پارێزگای دیالە ناوی نزیکەی 1900 کەسی بڵاوکردەوە، کە لە رۆژی شەممەی داهاتووەوە دەبێت سەردانیان بکەن بەمەبەستی دامەزراندنیان بە گرێبەست

داهاتی ئەم هەفتەیەی پارێزگاکانی سلێمانی و هەڵەبجە و ئیدارە سەربەخۆکانیان بەبەراورد بە هەفتەی رابردوو، نزیکەی دوو ملیار دینار زیادیکردووە.

بەرگری شارستانیی زاخۆ رایگەیاند، بەیانی ئەمڕۆ تەرمی پێشمەرگەیەکیان دۆزیوەتەوە، کە دوێنێ ئێوارە کەوتبووە نێو ئاوی خابوورەوە.

ئەنجوومەنی سەربازیی هێزەکانی سووریای دیموکرات بڕیاری کاراکردنەوەی دیالۆگی کوردی - کوردیی لە ماوەی کەمی داهاتوو دا، دەشڵێت کاری رۆژانەیان لەگەڵ هێزەکانی هاوپەیمانی نێودەوڵەتی لەبارەی دەستگیرکراوانی داعش و چارەسەرکردنی دۆسیەی کەمپی هۆلە، هەروەها بڕیاری دا خزمەتی شەڕڤانانی خۆبەخش بۆ ساڵێک زیاد بکات.

وەزارەتی دارایی عێراق رەشنووسی رێکخستن و تێکەڵکردن و دووبارە دانانەوەی پەیکەری بانکەکانی حکومەتی عێراق لە کۆمپانیایەکی نێودەوڵەتی وردبینی و چاودێری نێودەوڵەتی وەرگرت و بڕیارە لەم ساڵدا گۆڕانکاری لە بەشێک لەو بانکانەدا بکرێت.

ژمارەیەک بەرپرسی ئەمنیی عێراق و ئەمریکا رایگەیاندووە شەوی رابردوو بە ژمارەیەک مووشەک هێرشکراوەتە سەر بنکەی سەربازیی عەین ئەسەد لە پارێزگای ئەنبار کە هێزەکانی هاوپەیمانی نێودەوڵەتیی شەڕی دژ بە داعشی تێدایە، بەڵام هێرشەکە هیچ زیانێکی گیانی نەبووە.

داواکاری گشتیی سلێمانی داوایەک لە دژی ژمارەیەک لە ئەندامانی دەستەی داکۆکی لە مامۆستایان و فەرمانبەرانی ناڕازی دەجوڵێنێت، ئەندامێکی دەستەکە دوای راگرتنی بۆ ماوەیەک بە کەفالەت ئازادکرا.

بەرێوەبەرایەتیی گشتیی هاتووچۆی عێراق رایگەیاند، هەر کەسێک ئۆتۆمبێل و ماتۆڕسکیل لەسەر شۆستەکان رابگرێت بە 100 هەزار دینار سزا دەدرێت.

ئەو پارەیەی بڵاوکراوەتەوە، وەکو بانکی ناوەندی دەڵێت، "کاخەزێکی یادگارییە و لە بازاڕەکانی نەختی جیهان نەخراوەتەڕوو، تەنیا لەلایەن کۆمەڵەی ملیۆنێرەکانی ئەمریکاوە دەرکراوە، لەلایەن بانکی فیدراڵیی ئەمریکاوە دەرنەچووە و هیچ بەهایەکی دارایی نییە، تەنیا بۆ دیاری بەکاردەهێنرێت."

وەزارەتی پەروەردەی هەرێمی کوردستان فۆرمی وەرگرتنی زەوی بەسەر بەڕێوەبەرایەتییە گشتییەکان و دواتر قوتابخانەکان دابەشکرا و، 'ماوە دیاریکراوە بۆ گەڕاندنەوەی فۆرمەکان.'

بەپێی دەستووری ئوردن شا دەتوانێت ئەنجوومەنی نوێنەران هەڵبوەشێنێتەوە، هەر خۆیشی فەرمانی هەڵبژاردنی پەرلەمان دەردەکات.

سەرۆکوەزیرانی عێراق لەگەڵ ئەندامانی فراکسیۆنەکانی عەرەبی لە ئەنجوومەنی پارێزگای کەرکووک کۆبووەوە و باسی پێکهێنانی حکومەتی خۆجێی پارێزگاکە کرا بە شێوەیەک هیچ پێکهاتەیەکی تێدا پەراوێز نەخرێت. ئەندامێکی بەشداربووی کۆبوونەوەکە دەڵێت، سوودانی بە جیا لەگەڵ فراکسیۆنە کوردستانی و تورکمانییەکانیش کۆدەبێتەوە.

هۆکاری کێشەکەش جیاوازیی کۆپییەکانی خشتەکان و قەبارەی بودجە و سکاڵاکانە لە دادگەی فیدراڵی

گۆڕەکە 14 تەرمی تێدابووە و بۆ سەردەمی چەکدارانی داعش دەگەڕێتەوە.

راوێژکاری سەرۆکوەزیران بۆ کاروباری دارایی بە رووداوی گوت، قەرزەکانی عێراق گەیشتوونەتە 60 ملیار دۆلار، نزیکەی یەک لەسەر شەشی ئەو قەرزە دەرەکییە.

شاندێکی حکومەتی هەرێمی کوردستان لە تۆکیۆی پایتەختی ژاپۆن، بەشداری لە لووتکەی جیهانیی ئازادی ئایینی و پێکەوەژیان دەکات. سەرۆکی فەرمانگەی رێکخراوە ناحکومییەکان دەڵێت: "ژمارەیەک دیداری تایبەتمان هەبووە."

رۆژی 2ـی تەممووز، ئەنجوومەنى پارێزگاى نەینەوا گۆڕانکاریى لە بەرپرسانى 17 یەکەى کارگێڕى کرد، بەشێکیان لادران و کەسانى دیکە خرانە جێگەیان، هەندێکى دیکەیان پۆستەکانیان چۆڵ بوو، پڕکرانەوە.

ئاسایشی هەولێر داوا لە ئافرەتان دەکات خۆیان لەو جۆرە کەسانە بەدووربگرن و نەکەونە پەیوەندی لەگەڵ ئەو هەژمارانەی لە تۆڕە کۆمەڵایەتییەکاندا بانگەشەی کاری سیحر و جادوو دەکەن، بۆ ئەوەی نەبنە قوربانیی دەستی ئەو جۆرە کەسانە.

فەرماندەی گشتیی هێزە چەکدارەکانی عێراق داوا دەکات لەکاتی مەشق و راهێنانە سەربازییەکان تووندوتیژیی جەستەیی بەرامبەر راهێندراوان نەکرێت و شکۆیان بپارێزرێت. ئەندامێکی لیژنەی بەرگری و ئاسایش دەڵێت: "بڕیارەکە دوای داواکارییەکی ئێمە دێت."

سەرۆکی لیژنەی ئەمنیی ئەنجوومەنی پارێزگای نەینەوا رایگەیاند هیچ عێراقییەک لەنێو ئەو چەکدار و لایەنگرانەی داعشدا نییە، کە ئەم هەفتەیە لەلایەن هێزەکانی سووریای دیموکرات ئازاد کران.

وەزارەتی تەندروستیی هەرێمی کوردستان لە نووسراوێکدا کە بۆ بەڕێوەبەرایەتییە گشتییەکانی تەندروستیی لە پارێزگا و ئیدارە سەربەخۆکان کردووە، داوا دەکات بەکارهێنانی کیسەی نایلۆن لە چێشتخانە، نانەواخانە و سەموونخانەکان قەدەخە بکەن.

دەزگای ئاسایشی هەرێم رایگەیاند، 11 ئەندامی داعشیان لە پارێزگاکانی هەڵەبجە و سلێمانی دەستگیرکردووە "پیلانی تیرۆرکردنی چەندین فەرماندەی ئەمنی و کاری تێکدەرانەیان لە هەرێمی کوردستان هەبووە"، سێ لە دەستگیرکراوانیش پلەی ئەمیریان هەبووە.

چوار لەو کەسانەی بە تۆمەتی هێرشکردنە سەر کێڵگەی گازی کۆرمۆر لە هەرێمی کوردستان دەستگیرکرابوون، بە بڕیاری دادگەیەکی بەغدا ئازادکران، قایمقامی قەزای چەمچەماڵیش دەڵێت "لێکۆڵینەوە لە هێرشەکانی سەر کۆرمۆر درابووە لیژنەیەکی هاوبەشی عێراق و هەرێمی کوردستان."

ئەبو ئیدریس شەرەفی، ئاماژەی بۆ ئەوە کردووە؛ مقاوەمەی ئیسلامی لە عێراق لە پشتیوانیکردنی برایانمان لە غەززە رۆڵی گەورەی هەبووە.

وەزارەتی ناوخۆی هەرێمی کوردستان هەمواری رێنماییەکی پێشتری خۆی تایبەت بە پلەبەرزکردنەوە هەموار کردەوە. هەموارکردنەوەکە تایبەتە بە پلەبەرزکردنەوەی ئەو ئەفسەرانەی پۆستی عەقیدیان هەیە و بۆ عەمید بەرزدەکرێتەوە.

دوای نیوەڕۆی ئەمڕۆ شوانێکی دانیشتووی گوندی نامیق لە سنووری ناحیەی زنانە لەلایەن ژمارەیەک چەکدارەوە تەقەی لێکرا و برینداربوو.

گوتەبێژی کۆمیسیۆنی باڵای سەربەخۆی هەڵبژاردنەکانی عێراق رایگەیاند، هیچ سنوورێکی خەرجکردنی پارە لەکاتی بانگەشەی هەڵبژاردن بۆ بەربژێران لە هەڵبژاردنی پەرلەمانی کوردستان دیارینەکراوە.

بەپێی پێشنیازە یاسایەک کە رۆژی چوارشەممەی ئەم هەفتەیە پەرلەمانی عێراق خوێندنەوەی دووەمی بۆ دەکات، مووچە و سەرەتی (ئیمتیاز)ی شەهیدانی شەڕی داعش لە پێشمەرگە و هێزە ئەمنییەکانی هەرێمی کوردستان هاوتای عێراق دەکرێت و دەخرێتە سەر حکومەتی ناوەندی.

وەزارەتى خوێندنى باڵا و توێژینەوەى زانستیی هەرێمی کوردستان رێنماییەکانی گواستنەوە و دابەزینى خوێندکارانی بۆ ساڵى نوێی خوێندن بڵاوکردەوە. گواستنەوە و دابەزاندن لە کۆلێژ و بەشەکان مانگ و نیوێکی بۆ دیاریکراوە.

پەرلەمانی عێراق خوێندنەوەی یەکەم بۆ هەمواری یاسای لیخۆشبوونی گشتی دەکات، کە تەنیا یەک بڕگەیە. ئەندامێکی لیژنەی یاسایی دەڵێت بەشێک لەو کەسانەی ئێستا لە زیندانەکانن، بە تێپەڕاندنی ئەو یاسایە ئازاد دەکرێن.

بڕیارە سبەی پەرلەمانی عێراق کۆببێتەوە و بابەتێکی هەستیار تاوتوێ بکات، کە لە دوو خوولی رابردوودا نەکراوە، ئەویش هەمواری یاسای باری کەسییە.

مامۆستا ئایینییەکە قسە بۆ رووداو دەکات

سەرۆکی ئەنجوومەنی پەنابەرانی رۆژهەڵات لە هەرێمی کوردستان رایگەیاند، لەدوای رێککەوتنی ئەمنیی ئێران و عێراق شێوازی مافی پەناخوازی و مانەوە لە هەرێمی کوردستان گۆڕاوە و ماوەی سێ مانگ زیاترە فۆرمی پەناخوازی لەلایەن نەتەوە یەکگرتووەکانەوە نادرێتە هیچ پەناخوازێک.

بەرپرسێکی رابیتەی بانکە تایبەتەکانی عێراق دەڵێ ئەمساڵ قەبارەی کڕین و فرۆشتنی ئەلیکترۆنی لە عێراق دەگاتە 13 تریلیۆن دینار، باسی ئەوەش دەکات تاوەکو کۆتایی ساڵی رابردوو، زیاتر لە 13 ملیۆن هەژماری بانکی دروستکراون.

وەزارەتی نەوتی عێراق رایگەیاند، لە شەش مانگی یەکەمی ئەمساڵدا 105 بیری نەوتیان هەڵکەندووە و نۆژەنکردووەتەوە، لە داهاتووشدا دەیان بیری دیکە هەڵدەکەندرێن.

جێگری سەرۆکی ئەنجوومەنی بەڕێوەبردنی سندووقی گێڕانەوەی پارەکانی عێراق رایگەیاند، داوایان لە وەزارەتەکانی دارایی و کشتوکاڵ کردووە بۆ ئەوەی ژمارەیەک پارچە زەویی عیزەت دووری و کوڕەکانییان رادەستبکرێتەوە، کە نزیکەی 700 دۆنم زەوی دەبێت.

دادگەی فیدراڵیی عێراق حەوت سکاڵای تایبەت بە کورسیی پێکهاتەکانی لە پەرلەمانی کوردستان رەتکردەوە بە پاساوی ئەوەی کورسی بۆ پێکهاتەکان تەرخانکراوە.

بەهۆی رووداوێکی هاتووچۆوە لەسەر رێگەی نێوان ناحیەی مەلا قەرە و گوێڕ لە سنووری پارێزگای هەولێر، دوو کەس کە باوک و کچێکن گیانیان لەدەستدا و پێنج کەسیش بریندار بوون.

زەوییەکە 182 دۆنم دەبێت و پێشتر لەسەر ناوی ئامادەیی کشتوکاڵی بەکرەجۆ بوو. بەڕێوەبەری پەروەردە هەڕەشەی دەستلەکارکێشانەوە دەکات ئەگەر زەوییەکە بدرێت بە وەبەرهێنان.

ئەندامێکی مەکتەبی سیاسیی بەرەی تورکمانی کە هاوکات وەزیری هەرێمە بۆ کاروباری پێکهاتەکان دەڵێت، لە پەرلەمانی داهاتووی کوردستاندا کار لەسەر ئەوە دەکەن پشکی پێکهاتەکان ببێتە 15 کورسی؛ ئاماژە بەوەش دەکات، دەبێ پێکهاتەکان لە پەرلەمان مافی ڤێتۆیان هەبێت.

جیاوازیی 15 تریلیۆن دینار لەنێوان خشتەکانی بودجەی گشتی کە حکومەت بۆ پەرلەمان بۆ یەکدییان ناردووە، کێشەی خستووەتە نێوان ئەو دوو دامەزراوەیە. حکومەت دەڵێت، سێ وێنەی خشتەکانی بودجە هەن. ئەندامێکی لیژنەی دەستپاکیی پەرلەمانی عێراقیش دەڵێت، سکاڵا لە دادگەی فیدراڵی تۆماردەکەن.

سەرکردەی یەکێک لە گرووپە چەکدارەکانی عێراق هەڕەشەی ئەوە دەکات هێرشەکانیان بۆ سەر ئیسرائیل زیاد دەکەن و دەڵێت، لە پشتیوانیکردنی فەلەستینییەکانیش بەردەوام دەبن.

کوردێک لە خولێکی وەزارەتی دەرەوەی چین، بە نوێنەرایەتیی پێنج وڵاتی رۆژهەڵاتی نێوەڕاست گوتارێکی پێشکێش کرد. عادل مەلا ساڵح دەڵێت: "بەشێک لە ئامادەبووان لە دەرکەوتنم بە جلی کوردییەوە نیگەران بوون."

ئەنجوومەنی باڵای دادوەریی عێراق سزای لەسێدارەدانی بۆ 8 کەس راگەیاند، کە چەکداری خۆکوژیان بۆ بەغدا گواستبووەوە و دووان لەوان لە بەغدا خۆیان تەقاندبووەوە.

بانکی ناوەندیی عێراق لە 6 مانگی یەکەمی ئەم ساڵدا زیاتر لە 181 ملیار دینار پێبژاردنی لە چوارچێوەی 151 سزای کارگێڕیدا بەسەر کۆمپانیا و کۆمپانیاکانی ئاڵوگۆڕی دراودا سەپاندووە. چارەکی دووەمی ئەم ساڵ بەراورد بە چارەکی یەکەم، 50%ی سزا کەمیان کردووە

بەپەلە

دادگەی فیدراڵیی عێراق دوو سکاڵای تایبەت بە زەویی جووتیاران و خاوەنە رەسەنەکانیان، کە لە سەردەمی دەسەڵاتی بەعس لێیان وەرگیراوە و دراوەتە خەڵک و دامەزراوەکان، بۆ نزیکەی دوو مانگی دیکە دواخست.

​.

15 رۆژ لەبەردەم ئەو دامەزراوانەیە بۆ ئەوەی وردبینی لە شیاوبوونی بەربژێران بکەن و کۆمیسیۆن لە ئەنجامەکەی ئاگاداربکەنەوە

لیژنەکە دەیەوێت وەڵامی ئەو پرسیارەی دەستبکەوێت کە بۆچی عێراق لەو ئۆپەراسیۆنەی تورکیا بێدەنگە ​

عێراق لە مانگی رابردوودا نزیکەی دوو ملیار لیتر بەنزین و گازوایلی لەنێوخۆدا فرۆشتووە و 15 ملیۆن لیتریشی بۆ فڕۆکەکانی بە مەدەنی و سەربازییەوە تەرخانکردووە.

وەزارەتی ناوخۆی عێراق دەستگیرکردنی دوو بازرگانی مادە هۆشبەرەکانی لە پارێزگای دیوانییە راگەیاند کە چوار درۆنیان بۆ گواستنەوەی مادەی هۆشبەر بەکارهێناوە.

بزووتنەوەی ئیسلامیی کوردستان و جووڵانەوەی نەوەی نوێ لە پارێزگای هەڵەبجە بۆ هەڵبژاردنی پەرلەمانی کوردستان پێکەوە دەبن. ئەندامێکی سەرکردایەتیی بزووتنەوە دەڵێت، "بۆ ئەوەیە دەنگی هیچ لایەکمان نەفەوتێت".

سەرۆکی ئەنجوومەنی باڵای دادوەریی عێراق دەڵێت، تاوەکو ئێستا سێ جار پۆستی سەرۆکوەزیرانی عێراقی رەتکردووەتەوە و ئێستاش رەتیدەکاتەوە. ئاماژە بەوەش دەکات، سەرکردەکانی کورد ویستی جیاکردنەوەی هەرێمی کوردستانیان لە عێراق نییە.

بۆ هەڵبژاردنی خولی شەشەمی پەرلەمانی کوردستان، یەکگرتووی ئیسلامی کوردستانی لیستی ناوی زیاتر لە 60 بەربژێری رادەستی کۆمیسیۆن کردووە و سەرۆکی لیستەکانیشی لە چوار بازنەکەی هەڵبژاردن ئاشکرا دەکات.

پارتی دیموکراتی کوردستان لە دوایین رۆژی دیاریکراو بۆ پێشکێشکردنی لیستی ناوی بەربژێران، لیستەکەی رادەستی کۆمیسیۆنی باڵای سەربەخۆی هەڵبژاردنەکان دەکات. 190 بەربژێری دەبێت و زۆرترین بەربژێری لە پارێزگای سلێمانییە.

وەزارەتی ناوخۆی عێراق دەستگیرکردنی 11 تۆمەتباری لەنێو کۆگەیەکی گەورەی هەڵگرتنی دەرمان دەستگیرکرد کە ملیۆنان حەبی تێدابووە و بەبێ پشکنین هەڵگیراون.

دوای زیاتر لە 16 ساڵ راوەستان، عێراق دانوستاندنەکانی بۆ بەئەندامبوون لە رێکخراوی بازرگانیی جیهانی دەستپێدەکاتەوە. بەڕێوەبەی گشتی پەیوەندییەکانی بازرگانیی دەرەکی لە وەزارەتی بازرگانیی عێراق دەڵێت: خۆیان بۆ کۆبوونەوەی سێیەم لەگەڵ تیمی تایبەت بۆ بەئەندامبوونی عێراق ئامادە دەکەن.

لەم هەفتەیەدا فۆرمی وەرگرتنی زەوی بەسەر مامۆستایان و فەرمانبەرانی پەروەردەکانی سەر بە بەڕێوەبەرایەتی گشتیی هەولێر دابەش دەکرێت.

بەپێی رێکخراوی روونبین بۆ شەفافییەت لە پرۆسەکانی نەوت، لەماوەی کەمتر لە 7 ساڵدا داهاتی نەوتی هەرێمی کوردستان زیاتر لە 52 ملیار و 552 ملیۆن دۆلار بووە، لەو بڕە زیاتر لە 5 ملیار دۆلار بۆ خەرجی گواستنەوە رۆیشتووە.

بۆ چارەسەرکردنی کێشەی گۆڕینی سەرۆکی یەکەکانی کارگێڕی، پارێزگاری نەینەوا داوای کۆبوونەوەی وەزیران و ئەندامانی پەرلەمانی عێراق لە نوێنەرانی پارێزگاکە دەکات، سەرۆکەکانی ئەو یەکانەی بڕیاری گۆڕینیان بۆ دەرچووە لە دادگەی کارگێڕیی سکاڵا لە دژی دەستەی سەرۆکایەتی و بەتایبەت سەرۆکی ئەنجوومەنی پارێزگا تۆماردەکەن.

دیوانی چاودێریی دارایی عێراق و هەرێمی کوردستان وردبینییان لە لیستی مووچەی وەزارەتی کارەبا و پەرلەمانی کوردستان تەواوکردووە و هیچ کێشەیەک لە لیستی میلاکان و مووچەی ئەو دوو دامەزراوەیە نییە، کۆتایی ئەم هەفتەیە بۆ هەردوو دیوانەکە دیاریکراوە بۆ وردبینیکردنی لیستی مووچەی هێزە ئەمنییەکان و ئەو دامەزراوانەی ماون.

وەزیری دارایی و ئابووریی هەرێمی کوردستان رایگەیاند، دۆسیەی بە هەمیشەییکردنی فەرمانبەرانی گرێبەست رەوانەی ئەنجوومەنی راژە کراوە بۆ ئەوەی رێکارەکانی تەواو بکرێت. نوێنەرێکی ئەو فەرمانبەرانەش دەڵێت: "بۆ دامەزراندنمان حکومەتی هەرێمی کوردستان چاوەڕوانی بەغدایە."

بەڕێوەبەرایەتی پەروەردەی ناوەندی هەولێر داوا دەکات ئەو مامۆستا و فەرمانبەرانەی تاوەکو ئێستا پڕۆژەی 'هەژماری من'یان نەکردووەتەوە، تاوەکو 18ـی ئەم مانگە سەردانیان بکەن بۆ پڕکردنەوەی فۆرم.

وەزیری کار و کاروباری کۆمەڵایەتیی عێراق رەزامەندی دەربڕی مووچەی چاودێری کۆمەڵایەتی ئەو کەسانە بگرێتەوە دەرۆزەکەر(سواڵکەر)ن. ئەندامێکی پەرلەمانی عێراقیش دەڵێت: "بەشێک لەو سواڵکەرانە لەلایەن باندەکانی مافیاوە بەکاردەهێندرێن."

سبەی دووشەممە، وادەی پێشکێشکردنی لیستی بەربژێرانی هاوپەیمانی، پارت و بەربژێرانی تاکەکەسی بۆ بەشداریکردن لە هەڵبژاردنی خولی شەشەمی پەرلەمانی کوردستان کۆتایی دێت. بەرپرسی ئۆفیسی هەولێری کۆمیسیۆنیش ژمارەی ئەو پارت و لایەنانە ئاشکرادەکات کە لە گەڕی دووەمی وەرگرتنی لیستەکاندا ناویان پێشکێشکردووە.

بەراورد بە پێنج مانگی یەکەمی ساڵی رابردوو، پێنج مانگی یەکەمی ئەم ساڵ نزیکەی هەشت تریلیۆن و نیو دینار خەرجی زیادیکردووە و بەشێکی زۆریشی بەهۆی مووچەوە بووە. شارەزایەکی ئابووری دەڵێت، "عێراق بەرەو چارەنووسێکی مەترسیدار دەڕوات".

وەزیری وزە و سامانە سرووشتییەکانی ئوردن دەڵێت، لەماوەی ساڵێکدا 5 ملیۆن بەرمیل نەوتی کێڵگەکانی کەرکووکیان لە عێراق کڕیووە.

نوێنەرێکی مامۆستایانی وانەبێژ دەڵێت، رۆژی دووشەممە دەست بە دابەشکردنی شایستەی دارایی مانگی نیسانی وانەبێژان دەکرێت.

فوئاد خاکی بەیگی، ئەندامی سەرکردایەتی حیزبی دیموکراتی کوردستانی ئێران، بێئاگایی خۆی و سەرکردایەتیی پارتەکەی لە بوونی وەها لیستێک بۆ رووداو نیشاندا و گوتی، "ئەگەر لیستێکی ئاوا هەبێت بەشی زۆری بەرپرسانی حیزبی ئێمە و حیزبەکانی دیکەی رۆژهەڵاتی تێدایە."

رووداو سۆراخی بابەتەکەی لە هەردوو فڕۆکەخانە نێودەوڵەتییەکانی هەرێمی کوردستان (هەولێر و سلێمانی)ـی کرد، بەڵام رێکارەکە لە هیچیان جێبەجێ ناکرێت.

بانکی ناوەندیی عێراق کەمتر لە سێ هەفتە مۆڵەت دەداتە کۆمپانیاکانی ئاڵوگۆڕی دراو لە هەرێمی کوردستان بۆ ئەوەی خۆیان تۆمار بکەن یان لەگەڵ یەکدی تێکەڵ بکرێنەوە، "دوای ئەوە هیچ داواکارییەکیان بۆ ئەو مەبەستە لێ وەرناگیرێت،" بەوەش چارەنووسی سەتان کۆمپانیا دەکەوێتە مەترسییەوە

بەڕێوەبەری گشتی بازرگانی لە وەزارەتی بازرگانی و پیشەسازیی هەرێمی کوردستان دەڵێت، چەکی 10 ملیار دیناری دیکەی پارەی گەنمی ئەم ساڵی جووتیارانی هەرێمی کوردستان وەرگیراوە و هەوڵ دەدرێت ئەم هەفتەیە دابەشبکرێت

بەڕێوەبەرایەتیی گشتیی کارەبای ئیدارەی راپەڕین لە سنووری پارێزگای سلێمانی داوا لەو هاوبەشانەیان دەکات کە قەرزی کارەبایان لەسەرە، قەرزەکە بگەڕێننەوە و سوودمەند بن لە لێخۆشبوونی 20%. ئاماژەی بەوەش کرد، "ئەگەری هەیە رۆژێک کارەبای ئەو هاوبەشانە ببڕدرێت کە قەرزەکەیان ناگەڕێننەوە."

سێ رۆژ بۆ 430 پێشمەرگەکەی لیوای 20ی هاوبەشی پێشمەرگە و سوپای عێراق دیاری دەکرێت بۆئەوەی لە "بنکەی کەرکووش" لە پارێزگای دیالە چاوپێکەوتنیان لەگەڵ بکرێت. جێگری سەرۆکی لیژنەی ئاسایش و بەرگریی پەرلەمانی عێراق دەڵێت، لە بۆشایی ئەمنیی نێوان پێشمەرگە و سوپای عێراق بڵاودەکرێنەوە

محەممەد شیاع سوودانی لە دادگەی فیدراڵیی عێراق تانە لە یاسای دیوانی سەرۆکایەتیی کۆمار و پەیڕەوی نێوخۆییەکەی دەدات و بە "نادەستووری" ناویان دەبات. بەپێی تانەکە، ئەو یاسا و پەیڕەوە پێچەوانەی زیاتر لە 22 مادەی دەستووری عێراقە و بەشێک لە دەسەڵاتەکانی سەرۆکوەزیران و ئەنجوومەنی وەزیران دراونەتە سەرۆککۆمار و دامەزراوەکە

هاوژینی محەممەد حەلبووسی، سەرۆکی پێشووی پەرلەمانی عێراق و سەرۆکی پارتی تەقەدووم راست و دروستیی ئەو هەواڵانە یەکلایی دەکاتەوە کە باس لەوە دەکەن منداڵی بووبێت

بەپێی ماڵپەڕی شەفافیەت، کە داهاتەکانی پارێزگاکانی سلێمانی و هەڵەبجە بڵاودەکاتەوە، ئەم هەفتەیە داهاتەکانی ئەو دوو پارێزگایە زیاتر لە 16 ملیار دینار بووە، بەراورد بە هەفتەی رابردوو زیاتر لە یەک ملیار و 500 ملیۆن دینار کەمیکردووە

خستنەخوارەوە و شێواندنی پەیکەری کۆدیا، یەکێک لە دیارترین پاشاکانی سۆمەرییەکان لە شارۆچکەیەکی پارێزگای زیقار لە عێراق کاردانەوەی لێدەکەوێتەوە، شارەوانی و قایمقامییەتی شارۆچەکەکە داوای لێبووردن لە پەیکەرسازەکەی دەکەن و هەفتەی داهاتووش پەیکەرەکە دەگەڕێندرێتەوە بۆ شوێنی خۆی.

بەڕێوەبەری پۆلیسی کۆمەڵگەیی پارێزگای کەرکووک رایگەیاند، ئەو ژنەی هاوژینەکەی ویستبووی لەگەڵ پێنج منداڵەکەی ئاگریان تێبەربدات لە شوێنێکی پارێزراودان و تەندروستییان باشە. فەرمانی دەستگیرکردنیش بۆ تۆمەتبار دەرچووە

کۆمیسیۆنی باڵای سەربەخۆی هەڵبژاردنەکانی عێراق رایگەیاند، لە پارێزگاکانی هەرێمی کوردستان زیاتر لە 358 هەزار کارتی بایۆمەتریی دەنگدەران وەنەرگیراوەنەتەوە کە دەکاتە نزیکەی 10٪ـی کۆی ئەوانەی مافی دەنگدانیان هەیە.

وەزارەتی دارایی عێراق رایگەیاند لە پێنج مانگی یەکەمی ئەم ساڵدا عێراق زیاتر لە 47 تریلیۆن دینار خەرجی و 54 تریلیۆن دینار داهاتی هەبووە. لەو ماوەیەشدا زیاتر لە 4 تریلیۆن و 10 ملیار دیناریان بۆ هەرێمی کوردستان ناردووە.

شانەی راگەیاندنی ئەمنیی عێراق کوشتنی دوو چەکداری داعشی لە شارۆچکەیەکی پارێزگای دیالە راگەیاند.

سەرەتای هەفتەی داهاتوو لە عێراق و هەرێمی کوردستان پلەی گەرما سێ بۆ پێنج پلەی سیلیزی دادەبێت و بەرزترین پلەی گەرما لە هەندێک ناوچەی عێراق دەگاتە 48 پلە.

لەبارەی کاتەکەیەوە، عێدانی دەڵێت، لە هەفتەکانی داهاتوودا، یان لە چەند مانگی داهاتوودا ئەم بابەتە روودەدات

ئەو کەسە ناوی موراد میرزایە و رۆژی دووشەممە 8ـی تەممووز، لەسەر رێگەی نێوان قەزای شەنگال و تل قەسەب برینداربوو.

بۆ یەکەمجار لە عێراق دوو دادگە لە پارێزگاکانی کەرکووک و ئەنبار ژمارەیەک تۆمەتباریان لە رێگەی ڤیدیۆ کۆنفڕانسەوە دادگایی کرد، کە تۆمەتبارەکان پێشتر لە بەغدا دەستگیرکرابوون.

گوتەبێژی وەزارەتی بازرگانیی عێراق رایگەیاند، لە وەرزی وەرگرتنی گەنمدا سەرکەوتنی باشیان بەدەستهێناوە و تاوەکو ئێستا شەش ملیۆن تۆن گەنمیان وەرگرتووە، دەشڵێت، وەرگرتنی گەنم لە پارێزگاکانی هەرێمی کوردستان بەردەوامە.

تیمی نەتەوە یەکگرتووەکان بۆ لێپێچینەوە لە تاوانەکانی داعش-یونیتاد، 46 گێگابایت زانیاری و داتای لەبارەی لێکۆڵینەوە لە تاوانەکانی داعش رادەستی حکومەتی هەرێمی کوردستان کرد.

رەعد سامی ئەلعاسی، ئەندامی مەکتەبی سیاسیی پارتی "پڕۆژەی عەرەبی" کە بەشێکە لە هاوپەیمانی "سەروەری" بە سەرۆکایەتی خەمیس خەنجەر، لەو دوو لایەنە سیاسییە کشایەوە.

وەزارەتی شارەوانی و گەشتوگوزاری هەرێمی کوردستان رایگەیاند، بۆریی ئاوی ئیفراز سێ لە شاری هەولێر دوای شکانی لە ماوەی کەمتر لە 12 کاژێر چاککرایەوە و لە نزیکترین کاتدا ئاو دەدرێتەوە بەو ماڵانەی بەهۆی شکانی بێ ئاو بوون.

عێراق مامەڵەکردنی بە دراوی یوانی چینی لە حەواڵە داراییەکان راگرت. ئەندامێکی لیژنەی دارایی پەرلەمان دەڵێت، بڕیارەکە لەلایەن بانکی فیدراڵیی ئەمریکاوە بەسەر حکومەتی عێراق سەپێندراوە.

پشووەکە سێ دامەزراوە ناگرێتەوە.

ساڵانی رابردوو ئەو رۆژە لە دامودەزگاکانی عێراق پشووی فەرمی بوو، بەڵام ئەم ساڵ دوای پەسندکردنی یاسایەکی نوێ ئەو رۆژە لە پشووەکان دەرکرا.

.

باڵیۆزی ویلایەتە یەکگرتووەکانی ئەمریکا لە عێراق رایگەیاند، دەبێت گەڕاندەوەی پەنابەران و ئاوارەکانی عێراق بۆ وڵات و ناوچەکانی خۆیان ئارەزوومەندانە بێت، پەسنی رۆڵی هەرێمی کوردستانیش لە لەخۆگرتنی ژمارەیەکی زۆری ئاوارە و پەنابەر دەکات.

ئەنجوومەنی وەزاریی ئاسایشی نیشتمانیی عێراق هێرشەکانی تورکیا لەنێو عێراق و هەرێمی کوردستان رەتدەکاتەوە و دەڵێت، دەبێت تورکیا رەچاوی دراوسێیەتی باش بکات، بڕیاریشیدا شاندێک بە سەرۆکایەتی راوێژکاری ئاسایشی نیشتمانیی عێراق بۆ هەرێمی کوردستان بنێرێت بەمەبەستی "یەکخستنی هەڵوێست."

بانکی خانووبەرەی عێراق زیادکردنی سەرمایەکەی بۆ 10 هێندەی پێشووی راگەیاند و دەڵێت، بانکی ناوەندیی عێراق لێبڕینی بۆ ماوەی پێنج ساڵ دواخستووە، ئەوەش وایکردووە زیاتر پارەیان لەبەردەستدا بێت.

بەگوێرەی وەزارەتی تەندروستی عێراق، لە شەش مانگی سەرەتای ئەم ساڵدا زیاتر لە 380 کەس بەهۆی رووداوەکانی هاتوچۆوە لە عێراق گیانیان لەدەستداوە. سەنتەرێکی تایبەت بە مافەکانی مرۆڤ دەڵێت، کەمتەرخەمیی شۆفێران و خراپی رێگەوبانەکان هۆکاری سەرەکیی زۆربوونی رووداوەکانن

بەرگریی شارستانیی هەولێر دەڵێت، لە شەش مانگی سەرەتای ئەم ساڵدا 28 کەس بە سووتان، خنکان لەنێو ئاو و بەهۆی دووکەڵەوە گیانیان لەدەستداوە؛ 971 رووداوی ئاگرکەوتنەوەش تۆمارکراون.

رۆژی پشووى وەرزى یەکەمى پەرلەمانى عێراق کۆتایی دێت و ئەندامێکی لیژنەی یاسایی دەڵێت، هەڵبژاردنی سەرۆکی پەرلەمان یەکێک لە دیارترین کارەکانی وەرزی داهاتووی پەرلەمان دەبێت.

گوتەبێژی دەستەی کەشناسیی عێراق رایگەیاند، سێ رۆژی کۆتایی ئەم هەفتەیە پلەی گەرما لە عێراق و هەرێمی کوردستان بەرزدەبێتەوە و رۆژی پێنجشەممە هەشت پارێزگا 50 پلەی سیلیزیی گەرما تۆماردەکەن. دەشڵێت "شەپۆلەکە چەند رۆژێک بەردەوام دەبێت."

سەنتەری ستراتیژی بۆ مافەکانی مرۆڤ رایگەیاند، بەپێی ئامارە فەرمییەکانی وەزارەتی پلاندانان، زیاتر لە 10 ملیۆن هاووڵاتیی عێراقی لەژێر هێڵی هەژاریدان و ئەگەر رێگەچارەی راستەقینە بۆ کەمرکردنەوەی نەبێت، ژمارەکە زیاتر دەبێت.

لە هەرێمی کوردستان پێنج شێڵتەری تایبەت بە داڵدەدانی ئافرەتی هەڕەشە لێکراو و یەک شێڵتەری تایبەت بە قوربانییانی بازرگانیکردن بە مرۆڤ هەن.