رووداو دیجیتاڵ
بەڕێوەبەرایەتی گشتیی دژەتیرۆری سلێمانی رایگەیاند کەسێکیان بە تۆمەتی تیرۆر دەستگیرکردووە، ک خەڵکی پارێزگای سەڵاحەدینە و لە یەکێک لە قەزاکانی پارێزگای سلێمانی خۆی شاردبووەوە.
رۆژی هەینی، 02-08-2024 بەڕێوەبەرایەتی گشتیی دژەتیرۆری سلێمانی رایگەیاند: "لە درێژەی کار و چالاکییەکان بە مەبەستی پاراستنی ئاسایشی ھەرێمی کوردستان و سەروماڵی ھاوڵاتییان، بەڕێوەبەرایەتی گشتیی دژەتیرۆر لە قەزای چەمچەماڵ تیرۆرستێکی دەستگیر کرد."
بەپێی راگەیێندراوەکە. تۆمەتبارەکە ناوی (ل. ێ. ع)ـە و لەدایکبووی ساڵی 1981ـە، لە بنەڕەتدا خەڵکی پارێزگای سەڵاحەدینە و لە قەزای چەمچەماڵ خۆی شاردبووەوە.
دژەتیرۆری سلێمانی رایگەیاندووە: "ئەو کەسەی دەستگیرکراوە پێشینەی کاری تیرۆرستیی ھەبووە لەناو رێکخراوی تیرۆرستیی دەوڵەتی ئیسلامی (داعش)، توانرا لە ئۆپەراسیۆنێکدا لەلایەن ھێزەکانی بەڕێوەبەرایەتی گشتی دژەتیرۆر CTGـەوە دەستگیربکرێت."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ