سەرۆکایەتیی ئەرکانی هێزە چەکدارەکانی ئێران راپۆرتی کۆتایی لەبارەی هۆکاری کەوتنەخوارەوەی هێلیکۆپتەرەکەی ئیبراهیم رەئیسی و یاوەرانی بڵاوکردەوە.

بەرگدرووێک لە شاری مەریوان بە ئوتوو پشتی سێ شاگردی دەسووتێنێت و باوکی یەکێک لە شاگردەکان دەڵێت، دوای ئەوەی راپۆرتی دادپزیشکی لەبارەی ئەو کارەوە دواکەوتووە، بڕیاریان داوە رووداوەکە ئاشکرا بکەن.

هێزەکانی سوپای پاسداران لە گوندێکی سنووری شنۆ هەڵیانکوتایە سەر شوێنی مانەوەی ژمارەیەک کاسبکار، لە ئەنجامی تەقەی هێزەکانی پاسدارانیش کاسبکارێک کوژرا و چەند کەسێکیش بریندار بوون. لە کاتی رووداوەکەدا تەقە لە هێزەکەی سوپای پاسدارانیش کرا و دوو ئەندامیان بریندار کران

هاونیشتمانییەکی خەڵکی مەریوان لە ناوچە سنوورییەکانی هەورامان بە تەقەی هێزەکانی ئێران کوژرا و شایەتحاڵان دەڵێن، هیچ جۆرە کەلوپەلێکی پێ نەبووە، لە نزیکەوە و بێ ئاگادارکردنەوە تەقەی لێ کراوە

لە شاری کاشمەری پارێزگای خۆراسانی رەزەویی ئێران بوومەلەرزەیەک بە گوڕی 5 پلەی رێختەر روویدا.

سیاسەتڤان، نووسەر و وەرگێڕێکی ناوداری کورد لە روونکردنەوەیەکدا هۆکاری هەڵوەشاندنەوەی رێوڕەسمی بەخشینی خەڵاتی وەرگێڕی نموونەیی پێی، لەلایەن دامەزراوەی کەریمی ئەلەکە لە سلێمانی، رووندەکاتەوە

مامۆستا سەید نوورەدین واژی، کەسایەتی و زانای ئایینی ناوداری رۆژهەڵاتی کوردستان ئەمڕۆ سێشەممە بەهۆی نەخۆشی لە تەمەنی 85 ساڵیدا لە نەخۆشخانەی پیرانشار کۆچی دواییکرد

بەپێی یاسا، کرێکاران دەبێت بیمەی دەستەبەری کۆمەڵایەتی و هەروەها بیمەی روودانی رووداویان هەبێت، بەڵام بەهۆی ئەوەی کرێکارانی رۆژانە دەبێ بۆخۆیان تێچووی هەردوو بیمەکە بدەن، بەشی زۆریان تەنیا بیمەی دەستەبەری کۆمەڵایەتییان هەیە کە بۆ کاروباری پزیشکی و هەروەها خانەنشینییان بە کەڵک دێت.

یەکەم سیمپۆزیۆمی پەیکەرسازی لە مهاباد دەکرێت

لێبووردنی نێودەوڵەتی لە راپۆرتی ساڵانەیدا لەبارەی دۆخی مافی مرۆڤ لە رۆژهەڵاتی نێوەڕاست و باکووری ئەفریقیا دەڵێت، سەرەڕای خواستی زۆر لەسەر فرەزمانی لە سیستمی پەروەردەدا، هێشتاش فارسی تەنیا زمانی پەروەردەییە لە ئێراندا.

رێوڕەسمی هەزاردەف لە گوندی پاڵنگانی هەورامان بەڕێوەدەچێت و ئامانج لێی ئامادەکارییە بۆ تۆمارکردنی گوندەکە لە یونسکۆ وەکو میراتێکی جیهانیی لە بواری مێژوویی و گەشتیاری.

ژمارەیەک دووکانی کتێبفرۆشی، جوانکاری و خواردنگە لەنێو شاری سنە بە پاساوی پابەندنەبوونی سەردانیکەرانیان بە باڵاپۆشییەوە داخران.

دەرمانی ئازار لە دەرمانخانەکان هەیە، بەڵام کاتێک هاووڵاتی تووشی ئازار دەبێت، نازانێت پەنا بۆ کوێ ببات. ئەنجوومەنی دەرمانسازانی ئێران دەڵێت، دەرمانخانەکان قەرزدارن و رەنگە چیدیکە نەتوانن بە بیمە، دەرمان بفرۆشن

پارێزگاری ورمێ دەڵێت، یەک ملیار و 900 ملیۆن مەتری سێجا ئاو لە دەریاچەی ورمێ هەیە.

پێش دەستپێکردنی دەنگدان، لە رۆژهەڵاتی کوردستان 30%ـی بەربژێرەکانی هەڵبژاردنی پەرلەمانی ئێران کشانەوە.

ناوەندی رادیۆ و تەلەڤیزیۆنی ئێران رایگەیاند، بەپێی راپرسیی ئەو دامەزراوەیە، 41.5٪ـی بەشداربووان رایانگەیاندووە، بەشداری لە هەڵبژاردندا دەکەن و 29٪ـش گوتوویانە بەشداری ناکەن.

پەناخوازێکی سیاسیی کورد لە شاری مانیسای تورکیا لەلایەن پۆلیسەوە دەستبەسەر کرا و کەسوکاری نیگەرانن لەوەی رادەستی ئێران بکرێتەوە.

خەڵاتی باشترین مامۆستای ساڵی ئێران بەخشرایە مامۆستایەکی کوردی خەڵکی شنۆ بەهۆی گەڕاندنەوەی قوتابییانی دابڕاو بۆ قوتابخانە.

بەهۆی بەفربارینەوە رێگەی هاتووچۆی سەتان گوندی رۆژهەڵاتی کوردستان داخراوە و پۆلیسی رێگەوبانی ئێران داوا دەکات، خەڵک ئەمشەو و سبەی بەیانی لە بەشێکی گوند و شارەکان دەرنەچن.

کۆڵبەرانی سەلاسی باوەجانی لە رێڕەوی کۆڵبەریی شێخ سڵە ناڕەزایەتی دەردەبڕن و دەڵێن، لە بەرامبەر پارەیەکی کەمدا بارێکی زۆریان پێ هاوردە دەکرێت.

سەرۆکی فەرمانگەی پارکی نیشتمانیی دەریاچەی ورمێ دەڵێت، ژیانەوەی کانیاو لە نزیک دەریاچەی ورمێ شتێکی نوێ و سەیر نییە و ساڵانی رابردووش لە کاتی بارینی بەفر و باراندا کانیاوەکان بە شێوەی کاتی ژیانەوە.

سوپای پاسدارانی ئێران لەبارەی هێرشکردنە سەر هەر ئامانجێک لە خاکی وڵاتەکەی و بەرژەوەندییەکانی تاران لە وڵاتانی دیکە، هۆشداری دەداتە ئەمریکا و دەڵێت، "وەڵامی دەبێت"

لە چەندین شاری رۆژهەڵاتی کوردستان ئەمڕۆ سێشەممە وەک ناڕەزاییەتییەک لە دژی لەسێدارەدانی چوار بەندکراوی سیاسیی کورد، مانگرتنی گشتییە و زۆربەی دووکان و بازاڕەکان داخراون.

کۆمیتەی ناوەندیی کۆمەڵەی شۆڕشگێڕیی زەحمەتکێشانی کوردستانی ئێران وەکو کاردانەوە بەرامبەر لەسێدارەدانی چوار بەندکراوی سیاسیی کورد لە کەرەج، داوا لە خەڵکی رۆژهەڵاتی کوردستان دەکات رۆژی سێشەممە 30-01-2024 بە مانگرتنی گشتی و داخستنی دووکان و بازاڕ ناڕەزایی دەرببڕن

کەسوکاری چوار بەندکراوی سیاسیی کورد کە سزای لەسێدارەدانیان بەسەردا سەپێندراوە، دوای زیاتر لە ساڵێک و شەش مانگ لە زیندانیکردنیان، لە گرتووخانەی ئێڤینی تاران چاویان بە هاونیشتمانییە حوکمدراوەکان کەوت.

.

پێنج شاخەوانی گرووپی کاویانی نەغەدە لە پارێزگای ورمێی رۆژهەڵاتی کوردستان دوێنێ چوونە چیای رندۆڵەی شنۆ و لەوێ مانەوە، نیوەڕۆی ئەمڕۆ لە کاتی گەڕانەوەدا کەوتنە بەر رنووی بەفر و تاوەکو ئێستا تەنیا یەکێکیان رزگارکراوە.

ژمارەیەک کۆمەڵناسی کورد ئەنجوومەنێکیان بەناوی "ئەنجوومەنی نێودەوڵەتیی کۆمەڵناسانی کوردستان" دامەزراند. ئەنجوومەنەکە لە کەنەدا بە فەرمی تۆمار کراوە. یەکێک لە دامەزرێنەرانی دەڵێت، لەو رێگەیەوە دەتوانن ببن بە ئەندامی ئەنجوومەنی نێودەوڵەتیی کۆمەڵناسانی جیهان؛ ئاماژە بەوەش دەکات، نزیکەی 100 هەزار کورد لە کەنەدا دەژین.

کەسایەتی و چالاکڤانانی مەریوان هەوڵدەدەن بەندکراوێکی ئەو شارە لە لەسێدارەدان رزگار بکەن، کە چوار کەس لە ئەندامانی خێزانەکەی دوای چوون بۆ چاوپێکەوتنی لە گرتووخانە، بە رووداوی هاتووچۆ گیانیان لەدەستدا.

.

کەمپینێکی واژۆ کۆکردنەوە بۆ جیاکردنەوەی رێگەی شارەکانی روانسەر، جوانڕۆ، پاوە و سەلاسی باوەجانی بۆ کرماشان بەڕێخراوە و داوا لە سەرۆککۆماری ئێران دەکرێت، رێگەی ئەو شارانە جیا بکرێتەوە.

تەندروستیی سۆهراب رەحمەتی، پارێزەرەی خەڵکی رۆژهەڵاتی کوردستان جێگیرە، کە ئێوارەی رۆژی پێنجشەممە لە نێوشاری هەولێر هەوڵی تیرۆرکردنی درا.

دوو برا و هاوژینەکانیان لە رووداوێکی هاتووچۆ لە نێوان شارەکانی ورمێ و سەڵماس، گیانیان لەدەستدا.

بەرگی یەکەمی فەرهەنگی کوردیی خۆراسان لە نووسینی کەلیموڵڵا تەوەحودی، نووسەر و لێکۆڵینڤانی ناسراوی کورد چاپ و بڵاوکرایەوە.

بوومەلەرزەیەک بە گوڕی 4.3 پلەی رێختەر دەوروبەری شاری قومی ئێرانی هەژاند.

دادگەی سلێمانی تاوانباری تیرۆرکردنی چالاکڤانێکی سیاسیی رۆژهەڵاتی کوردستانی بە بەندکردنی تاهەتایی سزا دا.

.

دیوانی باڵای دادوەریی ئێران سزای 62 مانگ بەندکردنی موژگان کاڤووسی، چالاکڤانی کولتووری و مامۆستای زمانی کوردی پەسند کرد.

ئەو دوو رۆژنامەڤانە ئێرانییەی بەهۆی ئامادەکردنی راپۆرت لەبارەی تێکچوونی تەندروستیی ژینا ئەمینی و رێوڕەسمی بەخاکسپاردنی دەستبەسەر کرابوون، بە 25 ساڵ بەندکردن سزا دران

تەندروستیی کچێکی کوردی 16 ساڵان لە میترۆی تاران تێکچوو و، بێهۆشە. رێکخراوێکی بواری مافەکانی مرۆڤ دەڵێت، لەلایەن هێزەکانی تایبەت بە ناچارکردنی ژنان بۆ پابەندبوون بە باڵاپۆشییەوە لێی دراوە و میدیای ئێران لە زاری دایک و باوکییەوە رەتی دەکەنەوە لێی درابێت.

کچێکی کورد لە پاڵەوانێتیی نێودەوڵەتیی کاراتیدا کە لە ئێران بەڕێوەچوو، پلەی یەکەمی بەدەستهێنا.

سێ مانگ بەسەر ئەنجامدانی پشکنین بۆ 340 بەرکەوتەی چەکی کیمیایی لە سەردەشت تێدەپەڕێت و تاوەکو ئێستا ناوی هیچکامیان وەکو بەرکەوتە نەگەڕاوەتەوە.

پسپۆڕێکی مرۆڤناسی و کۆمەڵناسیی رۆژهەڵاتی کوردستان لە زانکۆی هارڤاردی ئەمریکا رایگەیاند، ئەو زانکۆیە بۆ یەکەمجار کۆرسێکی زمانی کوردی بۆ خوێندکارانی دکتۆرا دەکاتەوە.

لە شنۆ و گوندەکانی دەوروبەری خولی فێرکردنی زمانی کوردی کۆتاییهات و بڕوانامە بەخشرایە 121 فێرخواز.

شێوەکارێکی رۆژهەڵاتی کوردستان وێنەی کەسایەتییە هونەری و ئەدەبییەکانی کوردستان لەسەر دیوارەکانی شاری بانە دەکێشێت. لەسەر دیوارەکانی شەقامی کەمەربەندی نێو شاری بانە، وێنەی چەندین شاعیر، نووسەر و گۆرانیبێژی کورد کێشراون

مامۆستایەکی زمانی کوردی لە سنە بە بەندکردن، لێدانی قامچی و دوورخرانەوە بۆ گرتووخانەی کرماشان، سزا درا.

هونەرمەندێکی کورد کە لە تاران دەستبەسەرە، داوا دەکات رێگەی پێبدرێت چاوی بە پارێزەرەکەی بکەوێت و دانیشتنی دادگاییەکەی کراوەبێت

کۆڵبەرێکی خەڵکی سەردەشت لە ناوچەی سنووریی هەنگەژاڵی بانە لە ئەنجامی تەقەی هێزەکانی پاسەوانی سنووری ئێران گیانی لەدەستدا.

حکومەتی ئێران ناوەندی بەدواداچوونی کۆچکردن لەو وڵاتە دادەخات و بەڕێوەبەری ناوەندەکە دەڵێت، حکومەت لە جێگەی پلاندانان بۆ پێشگرتن لە کۆچکردنی خەڵک، باڵەخانە لەو ناوەندە وەردەگرێتەوە.

هەفتەی رابردوو زیاتر لە 250 هێکتار دارستان و لەوەڕگە لە پارێزگای لوڕستان سووتا.

دوو رۆژە دارستانەکانی دەوروبەری شاری مەریوان لە پێنج لاوە ئاگریان گرتووە و ژینگەپارێزان داوا لە هاونیشتمانییان دەکەن، هاوکارییان بکەن بۆ کۆنترۆڵکردنی ئاگرەکە.

لەسەر لەوەڕگە شەڕ لەنێوان دانیشتووانی دوو گوندی سەر بە شاری بانەی رۆژهەڵاتی کوردستان روویدا و نزیکەی 10 کەس بریندار بوون.

سواڵکەرێک لە سنە پێشنیازی پێدانی مووچەی مانگانە بە بەرپرسێکی شارەوانی دەکات، بۆ ئەوەی رێگری لێنەکرێت لەو شوێنەی دەیەوێت سواڵ بکات.

دوای ناڕەزایی دەربڕین دژی بڕینەوەی داری نێو گۆڕەپانێکی شاری بانە، ژینگەپارێزێکی خەڵکی شارەکە دەستبەسەر کرا.

ئێران لەبارەی هەواڵی پێدانی سیستمی بەرگریی ئاسمانی لەلایەن ئەمریکاوە داوای روونکردنەوە لە هەرێمی کوردستان دەکات.

کۆبوونەوەی هاوبەشی حدکا و کۆمەڵە، رێکخراوی کوردستانی حیزبی کۆمۆنیستی ئێران لە ئێوارەی دوێنێ پێنجشەممەوە تاوەکو درەنگانی شەوی رابردوو بەردەوام بووە

کۆمەڵەی شۆڕشگێڕی زەحمەتکێشانی کوردستانی ئێران تووشی لێکترازان بوو و کۆمەڵەی زەحمەتکێشانی کوردستان راگەیێندرایەوە.

فەرماندەیی یەکینەکانی پاراستنی رۆژهەڵاتی کوردستان دەڵێت، ژمارەیەک ئەندامی هێزەکانی ئێران لە کۆساڵان کوژراو و برینداربوون و شەڕەکەش بەردەوامە.

مامۆستا ئیبراهیم کەریمی و مامۆستا لوقمان ئەمینی، دوو مامۆستای ئایینی ناسراوی سنە بە زیندانی و بێبەشکردن لە مافی مەلایەتی و پێشنوێژی، سزا دران

دوو مەلای دیکە لە شاری سنە کە پێشتر بەهۆی پاڵپشتی لە خواستی خەڵکی ناڕازی دەستبەسەر کرابوون، بانگکرانە دادگە.

پارێزگاری کرماشان رایگەیاند، رێگە بە کۆڵبەران دەدرێت بە رێگەی یاساییدا هاتووچۆ بکەن.

هێزەکانی ئێران لە سنووری بانە تەقەیان لە ژمارەیەک کۆڵبەر کرد و ژمارەیەک ئەسپیان کوشتن و پاشان ئاگریان لە کەلاکەکانیان بەردا.

#SUMMARY#