رووداو دیجیتاڵ
لە بۆکان خەڵک دژی ئازاردانی کچێکی شەش ساڵان لەو شارە گردبوونەوە و داوا دەکەن بە خێرایی ئەو کەسانە سزا بدرێن کە ئازاریان داوە.
پێشنیوەڕۆی ئەمڕۆ هەینی ژمارەیەک لە دانیشتووانی بۆکان لە بەردەم قایمقامییەتی ئەو شارە گردبوونەوە و داوایانکرد ئەو کەسانەی بوونەتە هۆی گیانلەدەستدانی نیان چەلەبیانی سزا بدرێن.
نیان چەلەبیانی، شەش ساڵان و دانیشتووی گەڕەکی مەجورئاوای بۆکان رۆژی هەینی 17ی مانگ لە نەخۆشخانەیەکی ورمێ گیانی لەدەستدا. بە گوتەی بەڕێوەبەری دادی ورمێ نیان دەستدرێژی کراوەتەسەر و ئازاردراوە، بەو هۆیە گیانی لەدەستداوە.
باوکی نیان، ژنێک کە پەیوەندی دەرەوەی چوارچێوەی خێزانی لەگەڵدا هەبووە و هەروەها برا و دایکی ژنەکە دەستبەسەر کراون.
برای ژنەکە تۆمەتباری سەرەکی دەستدرێژیکردنەسەر نیانە و فەرماندەی پۆلیسی بۆکان دەڵێت، دانی بە تاوانەکەیدا ناوە.
مووسا بەهاری، فەرماندەی پۆلیسی بۆکان لە گردبوونەوەی ئەمڕۆ بە ئامادەبووانی راگەیاند، چوار کەس کە دەستیان لە ئازاردانیدا هەبووە، دەستبەسەرکراون و دراونەتە دادگە و بەخێرایی بڕیار لەسەر دۆسیەکە دەدرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ