مامۆستایەکی زمانی کوردی لە بۆکان بە بەندکران سزا درا

11-10-2024
ناسر پیرۆتی
A+ A-
 
رووداو دیجیتاڵ 

سووسەن حەسەنزادە، مامۆستای زمانی کوردی لە شاری بۆکان لە دادگەی ئەو شارە بە سێ مانگ بەندکردن سزا درا.
 
دادگەی بۆکان بە تۆمەتی بانگەشەکردن دژی دەسەڵاتی ئێران سزای سێ مانگ بەندکردنی بەسەر ئەو مامۆستایەی زمانی کوردیدا سەپاندووە.
 
سووسەن حەسەنزادە مانگی ئایاری 2024 لەلایەن هێزە ئەمنییەکانەوە دەستبەسەر کرا و دوای نزیکەی مانگێک بە کەفالەت ئازاد کرا تاوەکو کاتی دادگایی. 
 
بەپێی بڕیاری دادگەی بۆکان، حەسەنزادە دەتوانێت لە ماوەی 20 رۆژدا تانە لە بڕیارەکە بدات و داوا بکات پێداچوونەوە بە سزادانەکەیدا بکرێت.
 
سووسەن حەسەنزادە چەندین ساڵە بەشێوەی خۆبەخش لەنێو شار و گوندەکانی بۆکان خەڵک و بەتایبەت ژنان، منداڵان و نەوجەوانان فێری خوێندن و نووسین بە زمانی کوردی دەکات. جگە لە بۆکان، لە مهاباد و سەقزیش چەند کۆرسی فێرکردنی زمانی کوردی بەڕێوەبردووە.
 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

لۆگۆی بزووتنەوەی گۆڕان.

هەردوو باڵەکەی گۆڕان دوو کات و شوێنی جیا بۆ کۆنفرانس دیاری دەکەن

دوای ئەوەی بزووتنەوەی گۆڕانی باڵی گردی زەرگەتە رایگەیاند، سبەی 05ـی نیسان کۆنفرانس دەکەن، باڵەکەی دیکەی بزووتنەوەکە دەڵێت، لەلایەن کۆمیسیۆنەوە ئاگادارکراونەتەوە 10ـی نیسان و لە دەرەوەی گردی زەرگەتە کۆنفرانس بکەن.