Hewlêr (Rûdaw) - Li parêzgeha Stenbolê rikeberî di navbera namzedê AK Partî Murat Kurum û Namzedê CHPyê Ekrem Îmamoglu de ye.
Li Tirkiye û Bakurê Kurdistanê xelk îro ji bo hilbijartinên şaredariyan çû ser sindoqan.
Di wan hilbijartinan de serokên şaredariyên bajar û bajarên mezin, endamên encûmena şaredariyên, muxtar û endamên desteya rihspiyan tên hilbijartin.
Rêvebirên herêmî yên bên hilbijartin di rewşeke asayî de dê 5 salan li ser wezîfeyê bin.
Piştî ku saet 17:00ê dengdana ji bo hilbijartinên şaredariyan li seranserê Tirkiye û Bakurê bi dawî bû hejmartina dengan dest pê kir.
Ji ber ku Stenbol navenda aborî û nimûneya Tirkiyeyê ye, di navbera partiya desthilatdar AK Partî û partiya mixalefeta sereke CHPyê de rikeberiyeke tund heye.
Lewra dê encamên hilbijartinên Stenbolê bandorê li ser hilbijartinên giştî yên sala 2028an û siyaseta giştî ya Tirkiyeyê bike.
Bajarê Stenbolê bi nifûsa xwe ya 16 milyonî li Ewropayê bajarê herî qerebalix e û ji aliyê nifûsê ve ji 131 welatan qerebalixtir e.
Encamên destpêkê yên Stenbolê bi vî rengî ne
Sindoqên hatine vekirin: Ji sedî 35,36
Namzedê CHPyê Ekrem Îmamoglu: Ji sedî 49,90
Namzedê AK Partiyê Murat Kurum: Ji sedî 41,36
Namzeda DEM Partiyê Meral Daniş Beştaş: Ji sedî 1,98
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse