Şaredariya Amedê xwaringeha gel vekir, 4 cure xwarin bi 70 lîreyî ne

Hewlêr (Rûdaw) – Şaredariya Bajarê Mezin a Amedê 4 cure xwarinan bi 70 lîreyî dide xelkê.

Şaredariya Bajarê Mezin a Amedê li Taxa Hunerê ya li navenda bajêr Xwaringeha Gel vekir.

Şaredariyê li ser hesabê xwe yê Xê daxuyand, wan ev xwaringeh vekiriye da ku “xwarineke erzan, tendurist, ewle û biçêj” bidin xelkê.

Xwaringeha Gel dê xeyn ji yekşemê her roj ji saet 12:00an heta saet 17:00an vekirî be û dê 4 cure xwarin bi 70 lîreyî bin.

Tê hêvîkirin ku bi taybetî kesên destteng sûdê ji vê xwaringehê bibînin û dê rojane hezar kes karibe xwarinê lê bixwe.

Hevserokên Şaredariya Bajarê Mezin a Amedê Serra Bucak û Dogan Hatun, Parlamentera DEM Partiyê Adalet Kaya û xelk beşdarî merasîma vekirina xwaringehê bûn.

Beriyê niha jî şaredariyên Êlih û Sêrtê yên DEM Partiyê xwaringehên gel vekiribûn.

✨ Halk Lokantası Hizmete Açıldı! 🎉

📌 Halkımıza ucuz, temiz, lezzetli ve güvenilir yemek sunmak amacıyla açtığımız Halk Lokantası, Eş Başkanlarımız Serra Bucak, Doğan Hatun ve katılımcıların açılış kurdelesini kesmesiyle hizmete başladı.

🏷️ Pazar günü hariç her gün… pic.twitter.com/ADYdGore5b

— Diyarbakır Büyükşehir Belediyesi (@diyarbakirbld) August 29, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger