KERKÛK - 6 kesên ji heman malbatê bi çekan hatin kuştin

Hewlêr (Rûdaw) - Li parêzgeha Kerkûkê ya Başûrê Kurdistanê di êrişeke çekdarî de 6 kes hatin kuştin.

Polîsê Kerkûkê ragihand ku ji ber pirsgirêkeke civakî 6 kesên ji heman malbatê bi çekan hatine kuştin û 2 kes jî birîndar bûne.

Li gor daxuyaniya polîsê Kerkûkê ya ji Tora Medyayî ya Rûdawê re, kuştî xelkê gundê Qeretepeyê yê nahiyeya Yayçiyê ya Kerkûkê ne, kujer reviyane û lêgerîna wan berdewam e.

Di êrişê de kesên Ebdulah Cîhad Esvedê ku sala 1985an ji dayîk bûye, Hemed Ebdulah Cîhadê sala 2003yan ji dayîk bûye û Cuma Ebdulah Mûsayê ku sala 1987an ji dayîk bûye mirine.

Nasnemaya kesên din heta niha nehatine diyarkirin.

Polîsê Kerkûkê da zanîn ku ew kesên ku êriş kiriye 6 kes bûne û piştî bûyerê reviyane.

Li gor zanyariyan, 5 kes di cih de mirine û 3 kes din jî birîndar bûne ku yek ji birîndaran ji ber giraniya birînên xwe li nexweşxaneyê miriye.

Nûçegihanê Rûdawê Hîwa Husamedîn da zanîn ku her du alî jî Ereb in û di navbera wan de pirsgirêkeke civakî hebûye.

Li Kerkûkê 6 kesên ji heman malbatê bi çekan hatin kuştin

Nûçegihanê Rûdawê Hîwa Husamedîn ragihand pic.twitter.com/rEF6mu3c7P

— RudawKurdi (@RudawKurdi) March 22, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger