Hewlêr (Rûdaw) - Li gundekî bajarokê Çemçemalê yê Silêmaniyê du malbatan li ser erd û axa şer kir û 3 kes hatin kuştin û kesek jî birîndar bû.
Şer li gundê Qasim Begzadeyê yê nahiyeya Şorişê ya Çemçemalê rû daye.
Li gorî gotina Birêvebirê Nahiyeya Şorişê Hawta Ezîz, her du malbat pismamên hev in û "du ji kesên ku hatine kuştin bira ne."
Li gorî agahiyên Tora Medyayî ya Rûdawê, kesê kuştî û yê birîndar jî birayên hev in.
Kesên ku hatine kuştin, Hêmin Mihemed, Şoriş Mihemed û Salih Şerîf in.
Li gorî gotina malbata kesên kuştî ji berê ve pirsgirêkeke civakî ya her du malbat hebûye, pirsgirêkê hêdî hêdî serî hildaye û êvara îro li ser erd û axê gule li hev reşandine.
Dayîka yekî ji kuştiyan ji Rûdawê re got, kurê wê êvara îro çûye baxê xwe av bide û şîva êvarê li wir bixwe lê hatiye kuştin.
Her du malbatan pirsgirêka xwe xistiye destê yasayê û dixwazin lêkolîn li ser bûyerê bê kirin da ku were diyarkirin bê kîjan alî sedema destpêkirina pevçûnê ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse