Mesrûr Barzanî û Şêx Mihemed bin Ebdulrehman El Sanî civiyan

Hewlêr (Rûdaw) - Serokwezîr Mesrûr Barzanî gihîşt Dohaya paytexta Qeterê û li gel Serokwezîr û Wezîrê Karên Derve yê Qeterê Şêx Mihemed bin Ebdulrehman El Sanî re civiya

Hikûmeta Herêma Kurdistanê eşkere kir ku Mesrûr Barzanî gihîşt Dohayê û li gel Serokwezîr û Wezîrê Karên Derve yê Qeterê Şêx Mihemed bin Ebdulrehman El Sanî re civiya.

Li gorî daxuyaniya Hikûmeta Herêma Kurdistanê di civînê de  pêşhatên dawî yên Îraq û herêmê hatin gotûbêjkirin û li ser bihêzkirina peywendiyên di navbera Herêma Kurdistanê û Qeterê de dan û standina bîr û ramanan hat kirin.

Mesrûr Barzanî jî ji ser hesabê xwe yê Xê behsa hevdîtina bi Şêx Mihemed bin Ebdulrehnan El Sanî got:

“Îro bi serdaneke fermî gihîştim Dohayê û ez kêfxweş im ku bi Serokwezîr Şêx Mihemed bin Ebdulrehman El Sanî re hevdîtinê dikim.

Her wiha pêşhatên dawî yên li Îraq û herêmê hatin gotûbêjkirin û li ser bihêzkirina peywendiyên di navbera Herêma Kurdistanê û Dewleta Qeterê de dan û standina bîr û ramanan hat kirin.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger