Li Enqereyê pevçûn: Kuştî û birîndar hene

Hewlêr (Rûdaw) – Li navçeya Altindagê ya Enqereyê di pevçûna bi çekan de kesek hat kuştin û 2 kes jî hatin birîndarkirin.

Li gorî agahiyan, li Taxa Ornekê di navbera endamên du malbatan de nîqaşek çêbû û ew paşê bi çekan pev çûn.

Di vê pevçûnê de Serkan Mahmutoglu, Mahîr B. û Haydar B. birîndar bûn lê Serkan Mahmutoglu li nexweşxaneyê mir.

Endamên her du malbatan piştî pevçûnê li ber nexweşxaneyê civiyan lê polîsan ew ji wê derê dûr kirin û çend kes desteser kirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger