Hewlêr (Rûdaw) - Serokê Herêma Kurdistanê Nêçîrvan Barzanî nameya pîrozbahiyê ji Serokkomarê Îranê Mesûd Pezişkiyan û Rêberê Dînî yê Îranê Elî Xamineyî re şand.
Li gorî medyaya dewletî ya Îranê, Serokê Herêma Kurdistanê Nêçîrvan Barzanî bi wesîleya Newroz û sala nû nameya pîrozbahiyê ji rayedarên payebilind ên Îranê re şand.
Barzanî bi vê minasebetê ji Rêberê Dînî yê Îranê Elî Xamineyî û Serokkomarê Îranê Mesûd Pezişkiyan, Serokê Parlementoyê Îranê Mihemed Baqir Qalîbaf û Wezîrê Karên Derve Ebbas Îraqçî re nameyek şand.
Nêçîrvan Barzanî di nameya xwe de got,"Ez bi dilsozî Newroz û sala we ya nû pîroz dikim.
Hêvîdar im ku Newroz ji bo me û gelên herêmê bibe çavkaniya aştî, aramî û refahê û ji bo her kesî sala xêr û aramiyê be."
Serokê Herêma Kurdistanê her wiha rêz û spasiya xwe ji bo pêwendiyên dîrokî û hevkariya dostane ya di navbera Îran û Herêma Kurdistanê de anî zimên.
Nêçîrvan Barzanî di nameya xwe de tekez kir ku Herêma Kurdistanê li ser bingeha rêzgirtina hevpar, prensîpên cîrantiya baş û berjewendiyên hevpar amade ye ku hevkariyê ji bo xurtkirina, pêşxistin û kûrkirina pêwendiyên di navbera her du aliyan de bidomîne.
Li Îranê Newroz wekî cejna serê salê tê qebûlkirin û li gorî Salnameya Hîcrî Şemsî sala nû bi Newrozê dest pê dike. Îran ketiye sala 1404an.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse