Hewlêr (Rûdaw) - Serokê Herêma Kurdistanê Nêçîrvan Barzanî ji Newroza Amedê re nameyek şand û got, “Pêvajoya aştiyê derfet û gaveke dîrokî ye."
Newroza Mezin îro li Ameda Bakurê Kurdistanê tê pîrozkirin û gel diherike qada Newrozê.
Agirê yekem ê Newroza îsal 12ê Adarê li navçeya Licê ya Amedê hat pêxistin û pîrozbahiyan heta îro dewam kir.
Îro jî dora Newroza Mezin a Amedê ye, şahî li Parka Newrozê tê lidarxistin.
Berdevkê Serokatiya Herêma Kurdistanê Dilşad Şehab jî tevlî Newroza Amedê bû û peyama Nêçîrvan Barzanî xwend.
Serokê Herêma Kurdistanê di peyama xwe de got,”Pêvajoya aştiyê derfet û gaveke dîrokî ye, divê neyê windakirin û her kes ji bo biserxistina aştiyê bi dil û can bixebite.
Gelê Kurd bi aştiyê û pêşxistina çanda bihevrejiyanê, dikare baştir û bêtir dengê xwe bighîne û mafên xwe bidest bixe.
Aştî dikare navbera gel û milletan xweş bike, welatan ava bike û ji her kesî re aramiyê bîne.”
Peyama Nêçîrvan Barzanî ya ji bo Newroza Amedê wisa ye:
“Xuşk û birayên hêja,
Gelê xweştivî yê Amedê
Beşdarên bi rûmet yên şahiya Newrozê.
Ji dil û can cejna we ya Newrozê û sersala we ya nû pîroz dikim.
Newroz, ev cejna dîrokî ku nîşana vejîn, nûbûn, hêvî û umêdê ye, çandeke me ya hevpar e ku bi dirêjahiya hezaran salan, Kurdan û gelên vê herêmê bi hev re girê dide.
Hêvîdar im Newroza îsal bibe Newroza xêr û xweşî û serkeftinê ji bo we hemûyan.
Cejna me ya Newrozê, îsal di demekê de ye ku zemîne û hêviyek ji bo aştî û aramiyê çê bûye.
Ji bo vê yekê hewlên dewleta Tirkiyê, di serî de Birêz Serkkomar Recep Tayyip Erdogan û hemû hêz û aliyên ku keda wan ji bona aştiyê heye, her wiha hewlên Birêz Ocalan û her kesê ku piştgiriyê dide pêvajoya aştiyê, gelek bi rêz û pêzanîn dinirxînim.
📌 Serokê Herêma Kurdistanê Nêçîrvan Barzanî:
— RudawKurdi (@RudawKurdi) March 21, 2025
📣 "Pêvajoya aştiyê derfet û gaveke dîrokî ye"#Newroz2025 #Newroz #NewrozPîrozBe #Amed pic.twitter.com/XS4h4e34wb
“Divê her kes ji bo aştiyê bixebite”
Pêvajoya aştiyê derfet û gaveke dîrokî ye, divê neyê windakirin û her kes ji bo biserketina aştiyê bi dil û can bixebite.
Gelê Kurd bi aştiyê û bi pêşxistina çanda bihevrejiyanê, dikare baştir û bêtir dengê xwe bigihîne û mafên xwe bidest bixe.
Aştî dikare navbera gel û miletan xweş bike, welatan ava bike û ji her kesî re aramiyê bîne.
Em dîsa li Herêma Kurdistanê wekî her tim piştgiriya xwe ji bo aştiyê û biserketina vê pêvajoyê nîşan didin.
Ji bo ku aştî bi ser keve, çi bikeve ser milê me û çi ji me bê xwestin, em amade ne. Serkeftina aştiyê, serkeftina me hemûyan e.
Di vê roj û cejna pîroz de, dîsa ji dil û can we hemûyan silav dikim, cejn û sersala we pîroz û bi xêr be
Hêvîdar im Newroza îsal bibe Newroza aştî û aramiyê.
Hêviya cejn û şahiyeke xweş û bi kêf, ji we hemûyan re dixwazim. Hûn her hebin.”
#VÎDEO - Berdevkê Serokatiya Herêma Kurdistanê Dilşad Şehab Newroza Amedê peyama Nêçîrvan Barzanî xwend
— RudawKurdi (@RudawKurdi) March 21, 2025
🎙️ Serokê Herêma Kurdistanê Nêçîrvan Barzanî: Pêvajoya aştiyê derfet û gaveke dîrokî ye#Newroz #Newroz2025 #NewrozPirozBe #Amed pic.twitter.com/ZWyw0aEazT
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse