رووداو دیجیتاڵ
لیژنەی ناوبژیوانانی لالیگا تووشی سەرسووڕمان بوون لە بڕیارێکی ناوبژیوانی ژووری ڤاری یارییەکەی ئاتلێتیک بیلباو و ریال مەدرید و هۆشداری پێدەدەن.
لیژنەی ناوبژیوانانی لالیگا لە راگەیێندراوێکدا ئەوەیان خستەڕوو کە ئەوان لەوە تێناگەن لەبەرچی فیگێرا ڤازکێز لە ژووری ڤارەوە بە سانچێز مارتینێزی ناوبژیوان یەکەمی گوتووە "تۆپەکە بەر قاچی بەرگریکاری بیلباو نەکەوتووە" لە کاتێکدا وێنەکانی ژووری ڤار بەئاشکرا دەریدەخەن کە تۆپەکە بەر قاچی یاریزانەکە کەوتووە.
ئەگەر تۆپەکە بەر قاچی بەرگریکارەکە نەکەوتبووایە، ئەوا پێویست دەبوو لێدانی سزا بۆ ریال مەدرید هەژمار بکرێت
. ناوبژیوانی یاریگە رەتی کردەوە پشت بە قسەکانی ڤازکێز ببەستێت، گەڕایەوە بۆ ڤار دووبارە خۆی سەیری حاڵەتەکەی کردەوە و بۆی دەرکەوت کە یاریزانەکەی بیلباو قاچی بەر تۆپەکە کەوتووە و لەبەر ئەوە بڕیاریدا لێدانی سزا بۆ ریال مەدرید هەژمار نەکات.
لیژنەی ناوبژیوانانی لالیگا رایانگەیاند کە ئەوان هۆشدارییان بەو ناوبژیوانە داوە و ئەمە دووەمجارە هۆشداری فەرمی دەدرێت بەو ناوبژیوانە.
ڤازکێز هەمان ناوبژیوانی ژووری ڤاربوو لە یارییەکەی لاس پاڵماس و بارسێلۆنا کاتێک حاڵەتە مشتومڕ هەڵگرەکەی دانی ئۆلمۆ روویدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ