رۆژهەڵاتی نێوەڕاست
دیمەنێکی سیستمی بەرگریی ئاسمانی ئیسرائیل (گومەزی ئاسنین) لەکاتی بەرپەرچدانەوەی هێرشەکان.
prev
next
رووداو دیجیتاڵ
سوپای ئیسرائیل رایگەیاند، مووشەکێک لە یەمەنەوە بۆ ئیسرائیل هاوێژرا و لە چەندین ناوچەی وڵاتەکە زەنگی ئاگادارکردنەوە لێدرا.
رۆژی یەکشەممە 13-04-2025 سوپای ئیسرائیل رایگەیاند، "لەدوای ئەو زەنگانەی لە چەند ناوچەیەکی ئیسرائیل لێدران، دوای پێداچوونەوە دەرکەوت، مووشەکێک لە یەمەنەوە هاوێژرابوو."
سوپای ئیسرائیل راشیگەیاند، "هەوڵدرا مووشەکەکە تێکبشکێنرێت و وا پێدەچێت کە لە خستنە خوارەوەی سەرکەوتوو بووبین."
لە راگەیێنراوێکی دیکەدا سوپای ئیسرائیل بە زمانی عیبری بڵاویکردەوە: "وا پێدەچێت دوو مووشەک هاوێژرابن."
پۆلیسی ئیسرائیل رایگەیاند، لە تەلئەڤیڤیش زەنگی ئاگادارکردنەوە لێدرا.
لەوکاتەوەی جەنگی غەززە لە تشرینی یەکەمی 2023 دەستیپێکردووە، حووسییەکانی یەمەن کە ئێران پشتیوانییان دەکات، ناوە ناوە بە مووشەک و درۆن هێرشیان کردووەتەسەر ئیسرائیل.
حووسییەکان کە کەشتییەکانی دەریای سووریش بە ئامانج دەگرن دەڵێن، ئەوان هاوسۆزی فەلەستینییەکانی غەززەن.
تاوەکو ئێستا بزووتنەوە یەمەنییەکە بە فەرمی هێرشەکەی لە ئەستۆ نەگرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ