Kongreya CHPyê dest pê kir: Dê serok û rêveberiya nû bên hilbijartin

Hewlêr (Rûdaw) - 38emîn Kongreya Asayî ya CHPyê îro li Enqereyê dest pê kir.

38emîn Kongreya Asayî ya CHPyê bi dirûşma "Di Sedsala Duyemîn de Kongreya Demokrasî û Yekîtiyê" li Enqereyê dest pê kir.

Kongre demjimêr 10:00an, li Salona Sporê ya Enqereyê dest pê kir.

Li gorî agahiyan, hezar û 367 delegeyên kongreyê yên ku ji 81 parêzgehên Tirkiye û Bakurê Kurdistanê çûn Enqereyê dê serokê nû û rêveberiya nû yên partiyê hilbijêrin.

Di roja yekemîn a kongreyê de, dê serokê partiyê bê hilbijartin.

Di roja duyem de, dê endamên Meclîsa Partiyê ya ku ji 60 kesan pêk tê û endamên Lijneya Disîplîna Bilind a ku ji 15 kesan pêk tê bên diyarkirin.

Kemal Kiliçdaroglu, Serokê Koma CHPyê Ozgur Ozel, endamê berê yê Meclîsa Partiyê Orsan Kunter Oymen û parlementerê berê Îlhan Cîhaner dê ji bo Serokatiya CHPyê rikeberiyê dikin.

Li gorî rêziknameya navxwe ya CHPyê, kesek ji bo ku bibe berbijêrê serokatiyê pêwîstiya wî/wê bi îmzeya 69 nûneran ango ji sedî 5ê delegeyan heye.

Ji bo hilbijartinên serokatiyê jî pêwîst e herî kêm dengên 684 delegeyan ango dengên herî zêde bê wergirtin.  

Li ser vexwendina Kiliçdaroglu, dê Şaredarê Bajarê Mezin ê Stenbolê Ekrem Îmamoglu serokatiya kongreyê bike.

Kongreya berê ya CHPyê di 25-26ê Tîrmeha 2020ê de hatibû lidarxistin.

38emîn Kongreya Asayî ya #CHP`yê li Enqereyê tê lidarxistin

Di kongreyê de dê serokê nû yê CHPyê bê hilbijartin

📸Şewket Herkî /Rûdaw pic.twitter.com/QNrUfCwQhI

— RudawKurdi (@RudawKurdi) November 4, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger