Li Semsûrê berhevkirina "Tiriyê Pêxember" dest pê kir / Wêne: AA
Hewlêr (Rûdaw) - Tiriyê navçeya Bêsniyê di nava berên tescîlkirî yên Semsûrê de cih digire û wekî "Tiriyê Pêxember" jî tê zanîn.
Serdema berhevkirina tiriyê Bêsniyê dest pê kir.
Ev tirî li navçeyên Bêsnî û Serê Golan ên Semsûra Bakurê Kurdistanê çêdibe û herî zêde tê hişkirin û wekî mewîj tê xwarin.
Guşiyên tirî piştî ku ji baxan tên qetandin, hebên xerabûyî jê tên avêtin, paşê bi rûnê zeytûnan û potasyûmê rûn dikin û didin ber tavê ku hişk bibin.
Serokê Odeya Zîraatê ya Serê Golanê Cumalî Aras li ber serê rez daxuyanî da rojnamegeran û diyar kir ku li hinek derverên navçeyê Tiriyê Pêxember heye.
Ji hilberîneran Hamdî Uçar jî diyar kir ku berhevkirina Tiriyê Pêxember dest pê kir.
"Xêr û bereketa îsal rûyê me geş kir"
Uçar destnîşan kir ku li gorî par xêr û bereketa îsal zêde ye û wiha dewam kir:
"Xêr û bereketa îsal rûyê me geş kir. Ev kar deriyê debara me ye.
Em serê sibehê zû tên û dest bi berhevkirina tirî dikin.
Em guşî bi guşî diqetînin, paşê hebo hebo didin ber tavê ku hişk bibin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse