ژنێکی خەڵکی سووریا لە دانیمارک لەسەر تابلۆکەی نووسیویەتی: سووریا سەلامەت نییە بۆ ژیان
رووداو دیجیتاڵ
ئەو هاونیشتمانییانەی کە لە دانیمارک دەژین و مافی پەنابەرییان هەیە، لەکاتی گەڕانەوەیان بۆ هەرێمی کوردستان مافی مانەوەیان لێ وەردەگیرێتەوە، ئەو بڕیارە ئەو کەسانەش دەگرێتەوە ئەگەر 10 ساڵیش لە وڵاتەکە ژیابن.
ئەو بڕیارە زیاتر بۆ ئەوکەسانەیە کە هێشتا نەبوونەتە خاوەنی وڵاتینامەی دانیمارک. حکومەتی دانیمارک دەیەوێت لەمەودوا مافی مانەوە لەوانە بسەنێتەوە کە تەنانەت 10 ساڵیشە لەو وڵاتە دەژین و دەیانەوێت بچنەوە وڵاتی خۆیان.
بڕیارەکە تەنیا ئەوانە دەگرێتەوە کە کاتی خۆی لە کەیسەکانیاندا گوتوویانە ئەگەر بگەڕێنەوە وڵاتەکەیان، مەترسی لەسەر ژیانیان دروستدەبێت. لەسەر ئەو بنەمایەش مافی مانەوەیان لە دانیمارک وەرگرتووە.
وەزارەتی کۆچبەرانی دانیمارک دەڵێت: ئەوانەی لەسەر بنەمای دیکە مافی مانەوەیان وەرگرتووە، وەکو کار یان یەکخستنەوەی خێزان یان لەسەر بنەمای مرۆیی، کێشەیان نییە و دەتوانن بگەڕێنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ