رووداو دیجیتاڵ
بەشی کەشناسیی هەرێمی کوردستان لە وەزارەتی گواستنەوە و گەیاندن ئاماری 24 کاژێری رابردووی بارینی بەفر و بارانی بڵاوکردەوە و رایگەیاند، زۆرترین بەفر لە حاجی ئۆمەران باریوە و زۆرترین بارانیش لە رواندز باریوە.
بەگوێرەی راگەیێندراوەکەی کەشناسیی هەرێمی کوردستان کە دوای نیوەڕۆی رۆژی یەکشەممە 29-1-2023 بڵاوکراوەتەوە، لە 24 کاژێری رابردوودا و لە کاژێر 09:00ـی بەیانیی دوێنێ بۆ کاژێر 09:00ـی بەیانیی ئەمڕۆ، بەفربارین لەم ناوچانەی خوارەوە بەمشێوەیە بووە:
تەوێڵە: 1.5 سانتیمەتر
کانی ماسێ: 13.0 سانتیمەتر
بامەرنێ: 1.0 سانتیمەتر
شیلادزێ: 2.0 سانتیمەتر
دینارتە: 1سانتیمەتر
چامانکێ: 7.0 سانتیمەتر
رواندز: 10 سانتیمەتر
سۆران: 10 سانتیمەتر (گوندی هاودیان)
قەڵادزێ، دەروازەی کێلێ: 25 سانتیمەتر
حاجی ئۆمەران: 32 سانتیمەتر
هەر بەگوێرەی کەشناسیی هەرێمی کوردستان، رێژەی بارانبارین بەمشێوەیەی خوارەوە بووە:
پارێزگای هەولێر: (هەولێر 3 ملیمەتر - پیرمام 13.3 ملیمەتر - سۆران 11.8 ملیمەتر - هیران 12 ملیمەتر - شەقڵاوە 12 ملیمەتر - خەبات 4.8 ملیمەتر - رواندز 38 ملیمەتر).
پارێزگای سلێمانی: (سلێمانی 0.7 ملیمەتر - کەلار 0.2 ملیمەتر - دووکان 0.4 ملیمەتر - رانیە 10.3 ملیمەتر - قەڵادزێ 9 ملیمەتر - دەربەندیخان 0.2 ملیمەتر - سەیدسادق 0.5 ملیمەتر).
پارێزگای دهۆک: (دهۆک 10 ملیمەتر - زاخۆ 1.6 ملیمەتر - ئاکرێ 19.2 ملیمەتر - دینارتە 21 ملیمەتر - بەردەڕەش 14.8 ملیمەتر - زاویتە 16 ملیمەتر).
پارێزگای هەڵەبجە: (هەڵەبجە 0 ملیمەتر - تەوێڵە 6.4 ملیمەتر - بیارە 0.7 ملیمەتر).
ئەمڕۆ یەکشەممە، دیلان رەشاد، گوتەبێژی وەزارەتی گواستنەوەی هەرێمی کوردستان بە تۆڕی میدیایی رووداوی گوت، کاریگەریی نزمە پاڵەپەستۆی دەریای نێوەڕاست رووی لە ناوچەکەمان کردووە، باران و بەفربارین بەردەوامە و تاوەکو رۆژی پێنجشەممە کاریگەریی لەسەر ناوچەکە دەمێنێت.
دیلان رەشاد گوتیشی: "لە تەواوی هەرێمی کوردستان باران دەبارێت و لە ناوچە شاخاوییەکان بەفر دەبارێت؛ ئاستی بارین لە دوای نیوەڕۆوە زیاتر دەبێت و لە شەودا لێزمە باران دەبارێت."
بەگوێرەی بەدواداچوونەکانی رووداو، تاوەکو ئەمڕۆ یەکشەممە بارانبارینی ئەم وەرزەی بارین نەگەیشتووە بە بارانی وەرزی بارینی رابردوو بە هەمان رێککەوت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ