هەڵەیەک روویدا! دووبارە هەوڵبدە
رووداو دیجیتاڵ
نەخۆشییەکی دەگمەن ژیانی لە کچێک و باوک و دایکی تاڵکردووە. ئیمان رێباز کچێکی تەمەن 10 ساڵە، لە تەمەنی سێ ساڵییەوە زیادەئێسک لە شوێنی جیاجیای لەشی دروست دەبێت. 10 نەشتەرگەریی بۆکراوە و باوکی دەڵێت تێچووەکەی زۆرە و لە توانایدا نەماوە نەشتەرگەریی دیکەی بۆ بکات.
7 ساڵە ئیمان بەدەست ئەو نەخۆشییەوە دەناڵێنێ، وەک باوکی دەڵێت، لەبەر ئەو هەموو نەشتەرگەرییە کێشی کچەکەی هیچ زیاد ناکات و زۆر لاوازە.
رێباز جەمیل باوکی ئیمان لەبارەی نەخۆشیی کچەکەیەوە بە رووداوی راگەیاند، لە تەمەنی سێ ساڵییەوە دایکی ئیمان بینی کە ئێسکێک لە لەشی ئیمان زیاد بووە، لەماوەیەکی کەم ئێسکی زیاتر دەرکەوت، لەو کاتەوە تاوەکو ئێستا خەریکی چارەسەرین و 10 نەشتەرگەریی بۆ کراوە.
ئیمان کە دانیشتووی گوندێکی شارۆچکەی کۆڕێ ـی سەر بە شەقڵاوەیە لە پارێزگای هەولێر، پێویستی بە 9 نەشتەرگەریی دیکەیە بۆ بڕینی زیادەئێسکەکانی. باوکی ئیمان کارمەندی ئاسایشە و دەڵێ تاوەکو ئێستا ئەوەی لە توانایدا هەبووە بۆی کردووە. هەروەها دەڵێت، نەشتەرگەرییەکان هەر لە هەولێر دەکرێن، بەڵام تێچووەکەی زۆرە و چیدیکە لە توانایدا نەماوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ