رووداو دیجیتاڵ
بە بەشداری زانکۆ حکومی و ئەهلییەکانی عێراق، فێستیڤاڵی شانۆی زانکۆکانی عێراق سازدەکرێت و 40 نمایشی شانۆیی نمایش دەکرێن.
نەژاد نەجم، شانۆکاری کورد و سەرپەرشتیاری خولی ئەمساڵی فێستیڤاڵەکە، بە رووداوی راگەیاند، فێستیڤاڵی شانۆی زانکۆکان لەلایەن وەزارەتی خوێندنی باڵای عێراقەوە سازدەکرێت و یەکەمجارە لە کەرکووک بەڕێوەدەچێت، ئەویش لە رێگەی زانکۆی "کیتاب"ـەوە دەبێت.
ئاماژەی بۆ ئەوەشکرد، 40 زانکۆی حکومی و ئەهلی بە 40 نمایشی شانۆیی لە فێستیڤاڵەکەدا بەشدار دەبن و تاوەکو ئێستا 20 شانۆگەرییان بەدەست گەیشتووە.
فێستیڤاڵەکە لە 13-17ـی نیسانی 2025 بەڕێوەدەچێت و یەکەم رۆژی راگەیاندنی فێستیڤاڵەکە دەبێت و رۆژانی دواتر بەرهەمە شانۆییەکان نمایش دەکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ