Hewlêr (Rûdaw) – Dezgeha Jeolojiyê ya Amerîkayê ragihand ku erdhejeke bi pileya 7,4 îro Yekşemê li nîvgirava Alaskayê çêbû û hişyariya tsunamiyê da.
Sîstema Agahdarkirina Tsunamiyê ya Amerîkayê hişyariyê dide ku li başûrê Alaskayê û nîvgiravê metirsiya tsunamiya heye ku ji ber erdhejan pêlên deryayê bilind dibin û di nav bajaran de dibine lehî.
Li gorî Dezgeha Jeolojiyê ya Amerîkayê erdhej bi dema Alaskayê di demjimêr 06:48an de di kûrahiya 9,3 kîlometreyan de çêbûye.
Fermandariya Nîştimanî ya Keşûhewayê ya Amerîkayê jî piştî erdhejê hişyariya sor da. Her wiha Dezgeha Çavdêriya Volkanan a Alaskayê jî li ser volkaneke li eyaletê hişyarî da ku dûyeke mezin avêtiye.
Alaska li ser Xala Agir a Pasîfîkê ye ku bi berdawamî erdhej lê çêdibin.
Di sala 1964an de, erdhejeke bi hêza 9.2 li Alaskayê qewimî ku erdheja herî bihêz a heta niha li Amerîkaya Bakur hatiye tomarkirin e.
Erdhejê bajarê Anchorage wêran kiribû û li Kendava Alaska, peravên rojavayê Amerîkayê û Hawaiiyê tsunamî rakiribûn. Wê demê di tsunamî û erdhejê de 250 kesan canê xwe ji dest dabûn.
Li Alaska ya Amerîkayê erd hejiya, ji kameraya çavdêriyê ya malekê hêza wê tê dîtin.
— RudawKurdi (@RudawKurdi) July 16, 2023
Bavek her du zarokên xwe hembêz dike û derdikeve derve.#Alaska pic.twitter.com/gmimoahFLr
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse