Fransa rê li ber wergirtina welatînameya bi rêya zewacê digire

Dusseldorf (Rûdaw) - Fransa dixwaze bi yasayê rê li wê yekê bigire ku ewên mafê wan ê manê nîne zewacê bi kesekî re bikin ku welatînameya Fransî yan mafê manê li wî welatî hebe.

Vê hefteyê Encumena Pîran a Fransayê reşnivîsa qanûnekê pesend kir ku wisa dike koçberên ku mafê wan ê manê nîne nikaribin bi kesekî re ku welatînameya Fransayê heye yan mafê manê li wî welatî heye bizewicin.

Sedema pesendkirina reşnivîsê ew e ku li gorî daneyan hikûmeta Fransayê bi dehan mînakên zewacên bi vî rengî hatine eşkerekirin ku tenê ji bo wergirtina mafê manê bûne û bi rastî pêk nehatine.

Hinek medyayên Fransî behsa zêdetirî 400 mînakên sextekirina di zewacê de dikin.

Hîn jî Civata Niştimanî ya Fransayê deng li ser reşnivîsê nedaye û piştî dengdana li ser, dê bibe qanûn û bê bicihkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger