Dusseldorf (Rûdaw) - Polîsê Ewropayê (Europol) ragihand ku di rojên borî de operasyoneke serkeftî encam daye û toreke 19 kesî ya qaçaxçiyên koçberan desteser kiriye.
Ew jî wekî Europol qal dike, encama lêkolîn û amadekarî û bicihanîna operasyoneke berfireh e ku ji meha Çiriya Paşîn a 2022yan ve dest pê kiribû.
Ew tora destgîrkirî bi şandina koçberên neyasayî ji Almanya û Beljîka û Fransa û Spanyayê ber bi Brîtanyayê ve tawanbar e.
Bi taybetî jî karê wan ew bû ku dema koçberên sergerdan digihîştin bo mînak Îtalya yan cihekî din û sergerdan û bêkes bûn, li stasyonên trênan diketin dava tora wan û wan jî ew dişandin Fransayê.
Ji wir jî dişandin Brîtanyayê.
Europol dibêje torê bi kêmanî 1500 koçber di 500 kiryarên qaçaxçîtiyê de di nav Ewropayê re veguhastine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse