Hewlêr (Rûdaw) - Desteya Bilind a Hilbijartinan a Tirkiyê (YSK) daxwaza Wezareta Navxwe ya wî welatî ku xwestibû polîs û cenderme encamên hilbijartinan berhev bikin û bişînin sîstema GAMERê red kiriye û gotiye: "Hilbijartin karê desteyên hilbijartinê ye."
Wezîrê Navxwe yê Tirkiyê Suleyman Soylu biryar dabû ku polîs û cenderme amarên hilbijartinan wek tabloyeke Excelê amade bikin û bo sîstema Serokatiya Navenda Kordînasyon a Ewlekarî û Rewşên Bilez (GAMER)ê bişînin.
Li ser vê yekê Parlamenterê CHPê yê Îzmirê Murat Bakan ev mijar xistibû rojevê û diyar kiribû ku ev daxwaza Soylu ne li gor yasayê ye û tê wateya tenê bi devkî hêzên emnî erkdar kirine.
Beriya demekê Wezîrê Navxwe Suleyman Soylu serlêdana YSKê kiribû ku zanyariyên sindoqan bajar bi bajar navçe, tax, navê dibistan, reqemên sindoqan û dengderan bide wan.
Li gor medya Tirkiyê, YSKê serlêdana wezaretê red kiriye û gotiye: “Hilbijartin karê desteyên hilbijartinê ye. Ti erkekî GAMERê ya hilbijartinê nîne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse