Li Xarpêtê 6 kes di malekê de mirî hatin dîtin

Hewlêr (Rûdaw) - Li parêzgeha Xarpêtê ya Bakurê Kurdistanê kesekî piştî ku 5 endamên malbata xwe kuştin dawî li jiyana xwe anî.

Îro Înê 31ê Adara 2023an, li taxa Salibaba ya Xarpêtê hêzên ewlekariyê li ser agahiya ku gaza xwezayî ya malekê ji ber diçe, çûn malekê, lê termên 6 kesan dîtin.

Li gor lêkolînên destpêkê, welatiyê bi navê Huseyîn Firat ku mamoste bûye, endamên malbata xwe kuştine û paşê jî xwe kuştiye.

Hat ragihandin, Huseyîn Firat ji ber sedemeke ne diyar bavê xwe Cumalî, dayika xwe Zeynep, xwîşk û birayên xwe yên bi navên Remziye, Mesut û Yusuf bi çekê kuştine.

Li gor zanyariyan, Huseyîn Firat paşê vanaya gaza xwezayî ya xaniyê xwe vekiriye û bi çekê dawî li jiyana xwe jî aniye.

Hat ragihandin ku termên her 6 kesan bo beşa miriyan a nexweşxaneya Xarpêtê hatine rakirin.

Lêkolîn derbarê bûyerê de berdewam in.

 

Li Xarpêtê 6 kes di malekê de mirî hatin dîtinhttps://t.co/roh85ftnjB pic.twitter.com/7sla3AhnQH

— RudawKurdi (@RudawKurdi) March 31, 2023

 

 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger