Hewlêr (Rûdaw) - Li parêzgeha Mûşê ya Bakurê Kurdistanê, trênê li makîneya kar a pompeya çîmentoyê xist, şofêrê makîneya kar mir û 2 makînîst jî birîndar bûn.
Trena ku ji Tetwanê diçû Xarpêtê, li Mûşê li makîneya kar a pompeya çîmentoyê xist ku li kêleka rêya hesinî dixebitî.
Bi hêza lêxistinê, makîneya kar bû du parçe û trênê nêzîkî 100 metreyî beşa pêş a makîneyê bi xwe re xijikand û tren piştre sekinî.
Di qezayê de şofêrê makîneya kar Alî Akgul mir û 2 makînîst jî birîndar bûn.
Li ser agahdarkirinê tîmên tenduristiyê, polîs û cendirme çûn cihê bûyerê.
Rêwiyên trênê hatin veguhastin.
Tîmên tenduristiyê birîndar bi ambulansan birin nexweşxaneyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse