Hewlêr (Rûdaw) - Li parêzgehên Bedlîs û Mûşê yên Bakurê Kurdistanê ji ber berfê rêyên 74 gundan hatin girtin.
Tîmên pîwendîdar jî dest bi kar û xebatên vekirina rêyan kiriye.
Li Bedlîsê ku berfê ji şevê din ve dest pê kiriye û car car dibare, navenda parêzgehê sipî bûye û ser otomobîlan bi berfê hatiye girtin.
Li cihên bilind ên parêzgehê berf zêde bariya û rêyên 60 gundan ji ber berfê hatin girtin.
Karên ji bo vekirina rêyan dest pê kiriye
Tîmên Îdareya Taybet a Bajêr, ji bo vekirina rêyan dest bi kar û xebatên xwe kiriye.
Li Mûşê jî vê sibê berfê dest pê kir û car caran dibare.
Li tevahiya parêzgehê rêyên 14 gundan ji ber berfê hatin girtin.
Sekreterê Giştî yê Îdareya Taybet a Bajêr Şeyhmus Yentur jî diyar kir ku ji derengê şeva borî ve berfê dest pê kiriye û rêyên 14 gundan hatine girtin.
Yentur got: “Ji bo vekirina rêyan me dest bi kar û xebatan kiriye. Ji bo welatî mexdûr nebin di demeke herî kurt de em dê rêyên girtî vekin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse