Hewlêr (Rûdaw) - Wezareta Parastinê ya Tirkiyeyê ragihand ku li herêma Zap, Metîna û Avaşînê leşkerekî wan hatiye kuştin.
Li gorî Wezareta Parastinê ya Tirkiyeyê, çawîşê pispor ê bi navê Muhammed Emin Onk 3yê Tebaxê li herêma “Operasyona Pence-Kilîdê” di encama teqîna bombeyeke ku ji aliyê gerîlayên PKKyê ve hatibû çandin birîndar bûye.
Wezaretê da zanîn ku Muhammed Emin Onk îro li nexweşxaneya ku lê dihat dermankirin miriye.
"Operasyona Pence-Kilîdê"
Artêşa Tirkiyeyê 17ê Nîsana 2022yan li deverên Zap, Avaşîn û Metînayê yên Başûrê Kurdistanê bi hinceta gerîlayên PKKyê dest bi êrişeke bi navê “Operasyona Pence-Kilîdê” kir û ew êriş heta niha jî berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse