Hewlêr (Rûdaw) - Li parêzgeha Duzceyê ya Tirkiyeyê minîbûseke veguhastinê ya karkerên demsalî wergeriya û 22 karker birîndar bûn.
Li navçeya Cumayeriyê ya Duzceyê mînîbuseke veguhastinê ya karkerên demsalî ya bi plakaya Rihayê ji rê derket û ji çiyê ket xwarê.
Di encamê de 22 kes birîndar bûn û ku di nav birîndaran de zarok jî hene.
Li ser agahdarkirinê cendirme, tîmên parastina sivîlan û tîmên tenduristiyê çûne cihê bûyerê.
Piştî midaxaleya li cihê bûyerê, tîmên tenduristiyê birîndar birin nexweşxaneyê.
Hat ragihandin ku rewşa tenduristiyê ya hinek birîndaran giran e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse