Kurdistan
Konsulê Holendayê yê Hewlêrê Jaco Beerends û Nêçîrvan Barzanî/Wêne: Serokatiya Herêma Kurdistanê
Hewlêr (Rûdaw) - Nêçîrvan Barzanî Konsulê Holendayê yê Hewlêrê Jaco Beerends qebûl kir û got, “Em dê hemû hewlên xwe bidin da ku dengdan û hilbijartin bi serketî bên kirin.”
Serokê Herêma Kurdistanê Nêçîrvan Barzanî, ji bo xatirxwestinê û erka wî bi dawî dibe Konsulê Giştî yê Holendayê yê Hewlêrê Jaco Beerends pêşwazî kir.
Serokatiya Herêma Kurdistanê li ser civîna Nêçîrvan Barzanî û Jaco Beerends daxuyaniyek belav kir.
Di daxuyaniyê de hat ragihandin ku Nêçîrvan Barzanî spasiya rola Konsulê Holendayê yê Herêma Kurdistanê û hewlên wî yên ji bo bipêşxistina pêwendiyên di navbera her du welatan de kiriye.
Konsulê Giştî yê Holendayê Jaco Beerends jî ji bo karkirina xwe ya li Herêma Kurdistanê kêfxweşiya xwe aniye ziman.
Herwiha Jaco Beerends ji ber alîkarî û pişgiriyê spasiya Nêçîrvan Barzanî û aliyên pêwendîdar kiriye.
Beerends tekezî li ser wê yekê kir ku welatê wî dixwaze di hemû waran de hevkarî û pêwendiyên ligel Herêma Kurdistanê bi pêş bixe.
Hilbijartinên Parlamentoya Kurdistanê mijareke din a civînê bû.
Nêçîrvan Barzanî tekezî li ser wê yekê kir ku ew dê hemû hewlên xwe bidin ji bo ku pêvajoya dengdanê û hilbijartinan bi awayekî serkeftî bên kirin.
Konsulê Giştî yê Holendayê destxweşî li Serokê Herêma Kurdistanê û hewlên wî yên ji bo lidarxistina bi serkeftî ya hilbijartinan kir.
Serokê Herêma #Kurdistan`ê Nêçîrvan #Barzanî, ji bo xatirxwestinê û erka wî bi dawî dibe Konsulê Giştî yê Holendayê yê Hewlêrê Jaco Beerends pêşwazî kir pic.twitter.com/ePrvuIvo1M
— RudawKurdi (@RudawKurdi) August 13, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse