رافینیا بووە یاریزانی بارسێلۆنا

 

 

یانە ئیسپانییەکە لە راگەیێنراوێکی فەرمیدا لەسەر ماڵپەری خۆی دەڵێت " بارسێلۆنا و لیدز یونایتد گەیشتنە رێککەوتنی سەرەتایی بۆ ئەوەی رافایێل دیاس بیلولی، ناسراو بە رافینها پەیوەندی بە ریزەکانی بارساوە بکات، ئێستا چاوەڕێی پشکنینە پزیشکییەکان دەبن."

 

خوان لاپۆرتا، سەرۆکی یانەی بارسێلۆنا لەلێدوانێکدا گوتی " لەم هەفتەیەدا گرێبەستی عوسمان دێمبێلی نوێدەکەینەوە و رافینیاش بەمیدیاکان دەناسێنین."

 

ئەمە سێیەم گرێبەستی ئەم هاوینەیە بارسێلۆنا ئەنجامیدەدات، دوای گواستنەوەی هەریەکە لە فرانک کیسێ و ئاندریاس کریستێنسن.

 

بەپێی هەواڵی میدیای ئیسپانیا، یاریزانەکە ئەمڕۆ بۆ تەواوکردنی رێکارەکانی پەیوەندیکردن بە بارسێلۆناوە دەگاتە هەرێمی کەتەلۆنیا، سەرچاوەکان ئاماژە بۆ ئەوە دەکەن کە گرێبەستەکەی بەرامبەر 58 ملیۆن یۆرۆ و 7 ملیۆن یۆرۆ دەبێت و تاوەکو ساڵی 2027 واژۆ دەکرێت.