رووداو دیجیتاڵ
شەپۆلێکی بارانبارین بەشێکی زۆری پارێزگاکانی باکووری کوردستان و تورکیای گرتووەتەوە، بەگوێرەی پێشبینییەکانی کەشناسیی تورکیا لە شەش پارێزگای باکووری کوردستان و 22 پارێزگای تورکیا بارانی بەخوڕ دەبارێت.
بەگوێرەی گەشناسیی تورکیا ئەمڕۆ (دووشەممە 31ـی ئاداری 2025) لە پارێزگاکانی ئەرزەڕۆم، قەرس، مەڵەتی، وان، ئامەد و سێرت ـی باکووری کوردستان و پارێزگاکانی ئەدیرنە، ئیستەنبووڵ، کرکڵارئەلی، کۆجائەلی، ئافیۆن، دەنیزلی، ئیزمیر، موغڵا، ئادانا، ئانتاڵیا، هاتای، ئەنقەرە، ئەسکیشەهیر، کۆنیا، بۆڵو، کارابوک، سینۆپ، زۆنگوڵداک، ئاماسیا، ئارتڤین، سامسوون و تاربزۆن ـی تورکیا بارانی بەخوڕ دەبارێت.
بارانی بەهارە، کە زۆربەی کات بارانی بەخوڕە، هەورەبرووسکەشی لەگەڵە.
شەوی یەکشەممە 30ـی ئاداری 2025 لە گوندی شابانێی سەر بە شارۆچکەی دێریک لە پارێزگای مێردین ـی باکووری کوردستان شوانێکی تەمەن 27 ساڵ بە ناوی ڤەدات چاکڵ کە باوکی سێ منداڵ بوو، لەکاتی لەوەڕاندنی مەڕوماڵاتدا بەهۆی هەورەبرووسکەوە گیانی لەدەستدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ