هەڵەیەک روویدا! دووبارە هەوڵبدە
رووداو دیجیتاڵ
هێرشدەکرێتە سەر نووسینگەى حەیدەر مەولا، ئەندامى پێشووى پەرلەمانى عێراق و یەکێک لە سەرکردەکانى سوننە لە بەغدا، دواتر هێرشبەرەکان خۆیان رادەستى هێزە ئەمنییەکان دەکەن.
هێرشەکە درەنگى شەوى رابردوو 31ى ئادارى 2025، لە ناوچەى عامریەى بەغدا روویداوە.
بەیانیى ئەمڕۆ سێشەمە 1ی نیسانى 2025، فەرماندەیی ئۆپەراسیۆنەکانى بەغدا لە راگەیێندراوێکدا دەڵێت، هێرشبەرەکان کاژێر 11:55ى شەوى رابردوو هێرشیان کردووەتە سەر نووسینگەکەى حەیدەر مەولا. هێرشبەرەکان ئۆتۆمبێلێکى جۆرى تاهۆیان پێ بووە و شووشەى پەنجەرە و کەلوپەلى نێو نووسینگەکە و ئامێرى تۆمارى کامێراکانى چاودێرییان شکاندووە و هەڵاتوون.
ئۆپەراسیۆنەکانى بەغدا ئاماژەى بەوەداوە لە دواى لێکۆڵینەوە هێرشبەرەکانیان ناسیوەتەوە و خۆشیان رادەستى بەڕێوەبەرایەتىی تاوانەکانى مەنسوور کردووە و رێوشوێنى یاسایی لە دژیان دەگیرێتەبەر.
لە سۆشیال میدیا، گرووپچاتێکی واتسئەپی سەرکردە سوننەکان (کە هێشتا پشتڕاست نەکراوەتەوە) بڵاوکراوەتەوە، تێیدا حەیدەر مەولا و محەممەد حەلبووسی، سەرۆکی پێشووی پەرلەمان، کە ئەویش سوننەیە، هێرش دەکەنە سەر یەکدی.
حەیدەر مەولا لە نێوان ساڵانى 2010 بۆ 2014 ئەندامى پەرلەمانى عێراق بووە و یەکێکە لە سەرکردەکانى سوننە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ