سوپای پاسداران لە کەنداو دەستی بەسەر دوو کەشتیدا گرت

31-03-2025
ژیلا ئەسعەد
A+ A-
رووداو دیجیتاڵ
 
سوپای پاسدارانی ئێران رایگەیاند لە کەنداو دەستیان بەسەر دوو کەشتی بە ناوەکانی (ئیستار 1 و وینتگ)دا گرتووە، کە نەوتی قاچاخیان بارکردبوو، 25 کەسیش لە ستافی ئەو دوو کەشتییە دەستبەسەر کراون.
 
ئەمڕۆ دووشەممە، 31ی ئاداری 2025، پەیوەندییە گشتییەکانی ناوچەی دووی هێزی دەریایی سوپای پاسداران لە کەنداو رایگەیاند، "ئەو دوو کەشتییە لە نێوەڕاستی ئاوەکانی کەنداو و بە تۆمەتی بارکردنی نەوتی قاچاخ دەستیان بەسەردا گیراوە."
 
سوپای پاسداران دەڵێت، "کەشتییەکان هەڵگری سێ ملیۆن لیتر سووتەمەنیی قاچاخ بوون و هەروەها 25 کەس لە ستافی کەشتییەکانیش دەستبەسەر کراون و کەشتییەکە بۆ بەندەری بوشێهر گوێزراوەتەوە."
 
سوپای پاسداران، ئاماژەی بەوە نەکردووە کام وڵات خاوەنی کەشتییەکانن و ئەو 25 کەسەش، کە دەستبەسەر کراون خەڵکی کوێن.
 
سوپای پاسداران پێشتریش لە کەنداو دەستی بەسەر چەندین کەشتیدا گرتووە. هەروەها لە 23-7-2024، رایگەیاندبوو، دەستی بەسەر کەشتییەکدا گرتووە، کە 1.5 ملیۆن لیتر سووتەمەنی قاچاخی بار کردبوو و 12 کەس لە ستافی کەشتییە نەوتهەڵگرەکە دەستبەسەر کراون.

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

26/03/2025 2

ئێران لەدژی لێدوانەکانی ترەمپ پەنا بۆ نەتەوە یەکگرتووەکان دەبات

نوێنەرایەتیی ئێران لە نەتەوە یەکگرتووەکان، بە نامەی فەرمی بە بەرپرسانی باڵای ئەو رێکخراوە نێودەوڵەتییەی رایگەیاند، لێدوانی "بێباکانە و دووژمنکارانە"ـی دۆناڵد ترەمپ، سەرۆکی ئەمریکا لەبارەی بۆردوومانی ئێران، پێشێلکردنی زەقی یاسای نێودەوڵەتی و بنەما سەرەکییەکانی جارنامەی نەتەوە یەکگرتووەکانە.