رووداو دیجیتاڵ
بەڕێوەبەری پۆلیسی هاتووچۆی ئێران رایگەیاند، "لە 16رۆژی رابردوودا 640 کەس لە رووداوەکانی هاتووچۆ لە رێگەوبانەکانی شارەکانی ئێران گیانیان لەدەستداوە و 15 هەزار و 262 کەسیش بریندار بوون."
ئەمڕۆ دوو شەممە31ی ئاداری 2025، تەیموور حوسێنی، بەڕێوەبەری پۆلیسی هاتووچۆی ئێران رایگەیاند، هۆکاری زۆربوونی رووداوی هاتووچۆ بریتییە لە زۆربوونی گەشت لە جەژنی نەورۆز، خێرایی زیاد و گرنگینەدان بە یاساکانی هاتووچۆ.
ساڵانە لە ئێران لەگەڵ دەستپێکردنی پشووەکانی نەورۆزدا رووداوەکانی هاتووچۆ زیاد دەبن.
بەپێی ئامارەکان، لە 21-03-2024 تاوەکو 21-03-2025 بەهۆی رووداوەکانی هاتووچۆ 20 هەزار و 45 کەس لە رۆژهەڵاتی کوردستان و ئێران گیانیان لەدەستداوە.
بە گوتەی سەرۆکی زانکۆی پزیشکی بەهەشتی لە تاران، رووداوی هاتووچۆ لە ئێران پاش نەخۆشییەکانی دڵ و شێرپەنجە، سێیەمین هۆکاری گیانلەدەستدانە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ