رووداو دیجیتاڵ
سوپای ئیسرائیل دەڵێت، چوار سەربازیان لە شەڕی دژ بە چەکدارانی حەماس لە غەززە کوژراون و یەکێکی دیکەش بە سەختی بریندار بووە.
رۆژی سێشەممە، 29ـی تشرینی یەکەمی 2024، سوپای ئیسرائیل لە راگەیێندراوێکدا ئاشکرای کرد، چوار سەربازەکە لە باکووری غەززە کوژراون و هەمووشیان سەر بە یەکەی (تارمایی) بوون.
سوپای ئیسرائیل ناوی سەربازە کوژراوەکانی ئاشکرا کردووە و دەڵێت، بریتین لە هۆهاناتان کێرین، ئەڤیڤ گیلبا، نیسیم مییتەرل و نۆار هایمۆڤ.
لەبارەی ژمارەی ئەو سەربازانەی لە سەرەتای دەستپێکردنی جەنگی غەززەوە کوژراون، سوپای ئیسرائیل ئاماژەی بەوە کردووە، 376 سەربازیان لە غەززە کوژراون.
تەندروستیی غەززەش دەڵێت، لەو کاتەوەی سوپای ئیسرائیل لە 7-10-2023ـەوە ئۆپەراسیۆنەکەی بۆسەر غەززە دەستپێکردووە، 43 هەزار و 61 کەس لەو ناوچەیەی فەلەستین کوژراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ