رووداو دیجیتاڵ
سەرۆکی یەکێتیی هاوردە و ناردنکارانی هەرێمی کوردستان رایگەیاند، هەفتەی داهاتوو چوارەمین خولی فێستیڤاڵی بازاڕ بە بەشداری 250 کۆمپانیا و بڕاند دەکرێتەوە و شەش رۆژ بەردەوام دەبێت.
رۆژی چوارشەممە، 8-11-2023، مستەفا شێخ عەبدولڕەحمان، سەرۆکی یەکێتیی هاوردە و ناردنکارانی هەرێمی کوردستان، بەتۆڕی میدیایی رووداوی راگەیاند، فێستیڤاڵەکە لە ژێر چاودێری بەڕێوەبەرایەتیی گەشتوگوزاری گەرمیان و بە هاوئاهەنگی لەگەڵ یەکێتییەکەیان سازدەکرێت و بڕیارە زیاتر لە 250 بڕاند و کۆمپانیا و خاوەن کاری دەستی خانمان و شێفی خواردنە کوردەوارییەکان بەشداری تێدا بکەن.
فێستیڤاڵەکە چوار ساڵە لە شاری کەلار، ناوەندی ئیدارەی سەربەخۆی گەرمیان سازدەکرێت. ساڵانە نزیکەی 100 هەزار میوان سەردانی دەکەن و بڕیارە ئەم ساڵ لە رۆژی 16-11-2023، دەستپێدەکات و تاوەکو رۆژی سێشەممە، 21-11-2023، بەردەوام دەبێت.
سەرۆکی یەکێتیی هاوردە و ناردنکارانی هەرێمی کوردستان، پێیوایە ئەو جۆرە فێستیڤاڵانە بۆ دەستکەوتنی هەلی کار و بازاڕ "گرنگن."
یەکێتیی هاوردە و ناردنکارانی هەرێمی کوردستان داوا لە خاوەن براند و بەرهەمەکان دەکات ئەوانەی خوازیاری بەشداریکردنن لەو فێستیڤاڵە پەیوەندیی بەم ژمارانەوە بکەن:
07703147607 ، 07511178312
هەروەها بۆ بەرهەمی خۆماڵی یان کاری دەستی یان کتێبخانە پەیوەندی بەم ژمارەیەوە بکەن:
07704856300
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ