رووداو دیجیتاڵ
وەزارەتی گواستنەوە و گەیاندن دەڵێت، بەپێی پێشبینییەکان سبەی لە کاتەکانی بەیانی زوو تەم دەبێت. شارەزایەکی کەشناسیش دەڵێت، کۆتایی ئەم هەفتەیە باران دەبارێت.
بەشی کەشناسی لە وەزارەتی گواستنەوە و گەیاندنی هەرێمی کوردستان رایگەیاند، پێشبینی دەکرێت ئەمڕۆ (سێشەممە، 2-1-2024) ئاسمان نیمچەهەور بێت و سبەی چوارشەممەش هەور دەبێت، لەگەڵ دروستبوونی تەمێکی کەم لەکاتەکانی بەیانی زوو لەهەندێک ناوچەدا.
محەممەد کەمال، شارەزایەکی کەشناسی بە تۆڕی میدیایی رووداوی گوت، لە دوای کاژێر 12:00ـی ئەمشەوەوە، تەم دەستپێدەکات بەتایبەتی لەنێوان هەولێر بۆ موسڵ، کەرکووک، سلێمانی، بەشێکی ناوچەکانی گەرمیان و ئیدارەی راپەرینیش.
سەبارەت بە ئەگەری بارانبارین، ئەو شارەزایەی کەشناسی گوتی "بۆ کۆتایی ئەم هەفتەیەش واتا پێنجشەممە لەسەر هەینی پێشبینی شەپۆلێکی باران بارینی مامناوەند دەکرێت و شەپۆلەکە لە ناوچە شاخاوییەکان و لە هەندێک سەنتەری شارەکانیش بەفریشی لەگەڵدا دەبێت."
بەگوێرەی پێشبینییەکانی بەشی کەشناسیی هەرێمی کوردستان بێت، سبەی (چوارشەممە) پلەی گەرما یەک بۆ دوو پلەی سیلیزی بەراورد بە ئەمڕۆ نزمدەبێتەوە و بەمشێوەیە دەبێت:
هەولێر: 14 سیلیزی
سلێمانی: 13 سیلیزی
دهۆک: 14 سیلیزی
کەرکووک: 16 سیلیزی
هەڵەبجە: 15 سیلیزی
زاخۆ: 20 سیلیزی
سۆران: 12 سیلیزی
حاجی ئۆمەران: 8 سیلیزی
گەرمیان: 18 سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ