Ermenistanê komkujiya Êzidiyan xist salnameya xwe ya neteweyî

Hewlêr (Rûdaw) - Balyozê Ermenistanê yê Fransayê Olivier Decottignies ragihand ku meclîsa welatî wî bîranîna komkujiya Kurdên Êzidî xiste salnameya neteweyî ya Ermeniyan.

Balyozê Ermenistanê yê Fransayê Olivier Decottignies li ser hesabê xwe yê Xê bi peyameke Kurdî diyar kir ku Ermenistana komkujiya Kurdên Êzidî xiste salnameya neteweyî.

Olivier Decottignies amaje bi wê yekê kir ku komkujiya li hemberî Kurdên Êzidî, komkujiya sala 1915an li hemberî Ermeniyan bîr tîne.

Decottignies di peyama xwe de wiha gotiye:

“Meclîsa Neteweyî ya Ermenistanê bîranîna qirkirina Êzidiyan xiste salnameya neteweyî ya Ermeniyan.

Komkujiya  Êzidiyan komkujî ya Ermeniyan a sala 1915an bîr tîne.

Di vê roja dîrokî de, ez serbilind im li Meclîsa Neteweyî Fransayê nûnertiyê dikim.”

Meclîsa Neteweyî ya Ermenîstanê bîranîna qirkirina Êzidiyan xiste salnameya neteweyî ya Ermeniyan.
➡️ Di navbera sedsalekê de, komkujî ya Êzidiyan komkujî ya Ermeniyan ya sala 1915’an tîne bîr.
➡️ Di vê roja dîrokî de, serbilindim bi nûnertiya kirna Fransa di hemicycle de. pic.twitter.com/NBwdMEDcCF

— Olivier Decottignies (@O_Decottignies) April 16, 2024

Parlamentoya Ermenistanê êrişa DAIŞê ya 3yê Tebaxa 2014an a li Şingalê û kuştin û revandina Kurdên Êzidî wekî “komkujî” qebûl kiribû.

Ermeniyên cîhanê her sal 24 nîsanê komkujiya li hemberî Ermeniyan hatiye kirin bi bîr tînin.

Li gorî wan ew komkujî sala 1915an bi destê Osmaniyan hatiye kirin û di encamê de nêzîkî yek milyon û nîv kesên Ermenî hatine kuştin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger