Hewlêr (Rûdaw) - Hevserok Berê yê HDPyê Selahattîn Demîrtaş Amedspor pîroz kir û got, “We em li vê derê giriyandin zalimno. Em we hemûyan ji dil û can pîroz dikin, rêya we vekirî be.”
Amedspor doh li deplasmanê li hemberî Somasporê 1-0 bi ser ket û gelekî nêzîkî şampiyoniyê bû.
Amedspora ku di Lîga 2yemîn a Federasyona Futbolê ya Tirkiyeyê de dilîze bi 80 puanî lîder e.
Kastamonuspora ku di rêza duyem de ye, xwediya 77 puanan e.
Amedsporê dê hefteya bê tîma Menemensporê bike mêvan.
Eger Amedspor bi ser bikeve yan jî wekî hev bimînin dê bibe şampiyon.
Li aliyê din, ji bo ku Amedspor nebe şampiyon divê bi ferqeke zêde zora wê here û Kastamonuspor jî maça xwe bi ferqeke zêde bistîne çimkî Amedspor bi averaja 11 golan li pêş e.
Piştî ku Amedspor bi ser ket û hema bêje bû şampiyon, Hevserok Berê yê HDPyê Selahattîn Demîrtaşê ku di Girtîgeha Edîrneyê de tê girtin peyameke pîrozkirinê belav kir.
Selahattîn Demîrtaş li ser hesabê xwe yê Xê wiha got:
“We em li vê derê giriyandin zalimno. Em we hemûyan ji dil û can pîroz dikin, rêya we vekirî be.
Rê ya te vekirî be, bajarê evîna min.”
Bizi burada ağlattınız be zalımlar :) Hepinizi yürekten kutluyoruz, yolunuz açık olsun.
— Selahattin Demirtaş (@hdpdemirtas) April 29, 2024
Rê ya te vekirî be, bajarê evîna min. pic.twitter.com/asLf4pPLYZ
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse