Hewlêr (Rûdaw) - Serokê Giştî yê CHPyê Ozgur Ozel li ser Doza Kobaniyê axivî û eşkere kir ku ew doz dozeke siyasî ye.
Di Doza Kobaniyê de biryarên li ser siyasetmedarên Kurd hatin eşkerekirin.
Ji ber dozê bi giştî 108 siyasetmedar û endamên HDPyê tên darizandin û 18 ji wan girtî ne.
Dadgehê bi hinceta 47 tawanên cuda bi giştî 42 sal cezayê zîndanê da hevserokê berê yê HDPyê Selahattîn Demîrtaş û 29 sal ceza jî da Fîgen Yûksekdagî.
Herwiha Şaredarê Bajarê Mezin ê Mêrdînê Ahmet Turk ji Doza Kobaniyê ceza wergirt.
“Cezayên Demîrtaş û Yuksekdagê nayên qebûlkirin”
Derbarê vê mijarê Ozgur Ozel ji Sozcu Tvyê re axivî û got:
“Hinek cezayên ku hatine dayîn li gorî yên hatine xwestin gelekî kêm in lê cezayên li Yuksekdag û Demîrtaş hatine birîn li vir nayên qebûlkirin.”
Ozel amaje bi wê yekê kir ku biryara Doza Kobanî ya ku di nav de Selahattîn Demîrtaş jî di nav de gelek siyasetmedarên bi îdamê hatin mehkûmkirin û wiha got:
"Ev doz dozeke siyasî ye. Cezayên ku li Yuksekdag û Demîrtaş tên dayîn, nayên qebûlkirin.
Ew dozek e ku di her warî de ji bo bikaranîna siyasî guncaw e, bi dirêjahiya dema xwe û paşxistina rûniştina biryarê ji bo piştî hilbijartinê.
Hin cezayên hatine dayîn li gorî yên hatine xwestin pir kêm in lê cezayên li Yuksekdagê û Demîrtaş hatine dayîn li vir nayên qebûlkirin.
Hin beraat girîng in lê dema mirov li paş xwe dinêre, ji sûcê Yasîn Boru beraat bûne.
Kî çi bêje bila bibêje, di vê mijarê de qanûn nîne pêvajoya darizandinê ne qanûnî ye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse