Hewlêr (Rûdaw) - Wezîrê Karên Navxwe yê Tirkiyeyê Alî Yerlîkaya ragihand ku 625 hezar koçberên Sûriyeyê bi biryara xwe vegeriyane welatê xwe.
Li Tirkiyeyê bi giştî 3 milyon û 518 hezar û 55 Sûriyeyî hene.
Ji wan 3 milyon û 200 hezar di bin “parastina demkî” de û “destûra mayînê” ya 80 hezar kes jî heye.
Herwiha 238 hezar û 55 kesan jî mafê welatîbûna Tirkiyeyê wergirtiye
Wezîrê Karên Navxwe yê Tirkiyeyê Alî Yerlîkaya li parêzgeha Kilîsê beşdarî “Civîna Ewlehiyê” bû û got, ji bo aramiya Tirkiyeyê ew girîngiyê didin ewlehiya bajarê sînorî yê Kilîsê.
"Nêzîkî 625 hezar kesan bi biryara xwe vegeriyane"
Yerlîkya wiha got:
“Derbarê hêza erka Sûriyeyê hûn dizanin erkekî Kilîsê û wezareta me heye.
Li aliyê Cerablûs, El Bab û Ezazê li aliyê din ji bo avakirina jiyanê 7 sal in xizmet û hewlên baş hene.
Hemû cîhan dizane ev xebat ji rawestandina koçê ya di cih de ye.
Em dê di vî warî de ji bo rawestandina koça li ser bajar û sînorên me xebatên xwe berdewam bikin.
Eger em hejmarekê bidin, nêzîkî 625 hezar kesan bi biryara xwe vegeriyane welatê xwe.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse