Hewlêr (Rûdaw) – Li bajarê Êlihê otomobîlek wergeriya û di ecamê de 5 kes birîndar bûn.
Herwiha li bajarê Semsûrê jî zarokekî 7 salî di bin traktorê de canê xwe ji dest da.
Otomobîla ku Cafer G. diajot li devera Serê Qîrê ya rêya Êlih-Sêrtê ji ber mij û moranê ji kontrolê derket û wergeriya kêleka rê.
Di qezayê de ajokar û hevjîna wî Gul G. û zarokên wan Omer G, Çinar g, Enis G. birîndar bûn.
Li ser agahdarkirinê ekîbên tenduristî, agirvemirandinê û cendirme çûn cihê bûyerê.
Tîmên tenduristiyê bi ambulansan rakirin nexweşxaneya Lêkolîn û Perwerdeyê ya Êlihê.
Li parêzgeha Semsûrê jî traktora bi şofêrtiya H.Ş. li dayik û zaroka wê ya 7 salî da.
Di encama bûyera trafîkê de, zaroka bi navê Denîz Taş û dayika wê Gulay Taş birîndar bûn.
Li ser agahdarkirinê, tîmên tenduristiyê çûn cihê bûyerê.
Tîmên tenduristiyê Denîz û Gulay Taş ên bi giranî birîndar bûne rakirin nexweşxaneya Dewletê ya Semsûrê.
Denîz Taş (7) tevî hemû hewldanan, li nexweşxaneyê canê xwe ji dest da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse