Gundên Başûr dişewitin
Hewlêr (Rûdaw) – Şewatên li Başûrê Kurdistanê yên ji ber êrişên Tirkiyeyê dibin şewata bax û bostanên gelek gundan.
Herî dawiyê agir bi gundê Elkîşkê yê Berwarî Balayê ket.
“Gelek kes li gund asê mane”
Şêniyekî gund li ser şewatê ji Nûçegihanê Rûdawê Xerîb Mecîd re got:
“Min pê li ruhê xwe kir û ji gund derketim. Gelek kes li gund asê mane û nikarin nefesê bistînin.”
Ji ber operasyon û bombebaranên artêşa Tirkiyeyê yên li hemberî gerîlayên PKKyê li devera Berwarî Balayê ya parêzgeha Dihokê agir bi çend gundan ketiye.
Li devera Berwarî Balayê agirekî mezin derketiye û agir gihîştiye gundê Elkîşkê.
Şêniyên gundê Elkîşkê diyar kir ku pêşî dengê teqîneke xurt hatiye bihîstin, piştre şewat derketiye û wan banga alîkariyê kiriye.
Nûçegihanê Rûdawê Xerîb Mecîd da zanîn ku gelek şêniyên gundê Elkêşkê di nava gund de asê mane.
Welatiyekî gundê Alkişkê ji Rûdawê re ragihand ku rewş pir xerab e, her du aliyên rêya gund dişewite û kontrolkirina agir zehmet e.
Wî welatiyî diyar kir ku hinek xelkê gund ji ber agir nikarin nefesê bistînin û rewşa agir pir xerab e û agir gihîştiye malan û dibe ku tiştek nemîne û mal û sewal hemû wêran bibin.
Li gundê Elkîşkê nêzikî 40 malî hene. Wî welatiyî wiha got, “Rewşa xelkê pir xerab e. Yên ku otomobîlên wan hene çûne û yên ku otomobîlên wan tinin jî mane.”
Li ser derketina agir jî wiha anî ziman, “Me li nêzikî gundê Çemlikê dengekî bihêz bihîst û piştre jî agir derket.
Me carekê agir kontrol kir lê şeva borî agir careke din serî hilda.”
Ji ber bombebaranên Tirkiyeyê agir agir bi gundê Elkîşkê yê Berwarî Balayê ket
— RudawKurdi (@RudawKurdi) August 25, 2024
Şêniyekî gund got: "Min pê li ruhê xwe kir û ji gund derketim. Gelek kes li gund asê mane û nikarin nefesê bistînin" pic.twitter.com/k0yfQKgb8Y
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse