Zozanên Agiriyê hembêza xwe ji mêşvanan re vekiriye / Wêne: AA
Hewlêr (Rûdaw) - Kulîlk û gulên xwezaya havîn û biharê dibe cihê mêşên hingiv û navenda mêşvanan.
Bi hatina payîzê re li gelî û çiyayên bajarê Agiriyê yê Bakurê Kurdistan barîna berfê dest pê dike û heta dawiya Adarê Agirî bi berfê dixemile.
Di mehên Nîsan û Gulanê de jî berf dihele û kulîlk serî hil didin.
Zozanên Agiriyê hembêza xwe ji mêşvanan re vekiriye
Zozanên Agiriyê piştî ajeldaran ji mêşvanan re jî hembêza xwe vekiriye.
Mêşvan di mehên havîn û biharê de berê xwe didin Agiriyê û kewarên mêşên xwe dibin zozanên wî bajarî.
Mêşven her sal 5 meh û nîvan li wan zozanan dimînin û bi hatina zivistanê re vedigerin bajarên xwe.
Mêşvanê bi navê Ali Agar ku mêşên xwe dibe Agiriyê got:
"Em her sal 5 meh û nîvan li vê derê dimînin. Ez li her cihê rojhilat geriyam, li Erzirom û Qersê.
Herî dawî ez 15 sal in têm gundê Cumaçayê yê Agiriyê."
Mêşvan her sal jî bo berhemanîna hingivê baş û esîl 4-5 mehan li wan zozanan dimînin û bi nêzîkbûna zivistanê re berê xwe didin bajarê germtir.
“Hingivê me organîk e”
Mêşvanê bi navê Murat Turgut jî wiha got:
"Em nû doh hatin. Me kevarên xwe danîn û me dest pê kir.
Hêviya me ew e ku saleke bi bereket be. Hingivê me organîk e.
Ji ber ku li derdora me kesek derman bi kar nayîne hingivê me yê gûnî û catirê ye."
Li gor amarên Saziya Amaran a Tirkiyeyê yên sala 2023an, li Agiriyê 319 kesan 28 hezar û 4 kewarên hingiv hene û 317 ton hingiv tê berhemanîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse