Hewlêr (Rûdaw) - Li navçeya Geverê ya Colemêrgê lehî rabû.
Zeviyên çandiniyê û hinek malên xelkê di bin ava baranê de man.
Li Geverê ev 3 roj in baran bê navber dibare û bandoreke neyînî li jiyana xelkê kiriye.
Îro li çend taxên navçeyê ji ber barana zêde avê daye ser mal û kargehên xelkê.
Tîmên şaredariyê ji bo ava ku ketiye nav malan vala bikin dixebitin.
Herwiha gelek zeviyên çandiniyê jî di bin avê de mane.
Dîsa li hinek deveran ax herifiye û ketiye ser rêyan.
Li gor texmîna Saziya Keşnasiyê ya Tirkiyeyê dê çend rojên din jî barîna baranê berdewam bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse