Hewlêr (Rûdaw) - Hevserokên DEM Partiyê Tulay Hatîmogulari û Tuncer Bakirhan cejna Remezanê bi sê zimanan pîroz kir.
Hevserokên Partiya Gelan a Wekhevî û Demokrasiyê (DEM Partî) Tulay Hatîmogullari û Tuncer Bakirhan cejna Remezanê bi zimanên Kurdî, Tirkî û Erebî pîroz kir.
Hatîmogulari û Bakirhan peyameke pîrozkirinê belav kir û wan cejna Remezanê bi gotinên “Em hêvî dikin ev cejn bibe wesîleya edalet, azadî û aştiyê” pîroz kir.
Hevserokan di peyamê de bal kişand ser serkeftina xwe ya di hilbijartinên 31ê Adarê de û wan got:
“Pêvajoya hilbijartina çûyî nîşanî me da ku gelên Tirkiyeyê êdî jiyaneke wekhev û dadmend dixwazin, şer û pevçûn û kedxwariyê naxwazin.”
“Gel şer û pevçûn û kedxwariyê naxwaze”
Peyama hevserokên DEM Partiyê wiha ye:
“Em Cejna Remezanê ya hemû civaka Îslamê pîroz dikin.
Em hêvî dikin ku cejn bibe wesîleya edalet, azadî, aştî û xêr û bereketê.
Pêvajoya hilbijartina çûyî nîşanî me da ku gelên Tirkiyeyê êdî jiyaneke wekhev û dadmend dixwazin, şer û pevçûn û kedxwariyê naxwazin.
Me bi hev re hêviyên xwe mezin kirin.
Em bawer dikin ku piştgirî û pevrebûna me dê di siberoja me de xurttir jî bibe.
Bi vê boneyê em spasiya hemû gelê xwe dikin ku li dijî zilm û zordariyê li ber xwe da û têkoşîna demokrasiyê mezin kir û cejna me du caran pîroz kir.
Em spasiya kedkarên partiya xwe dikin ku bi şev û roj xebitîn.
Em spasiya her kesî dikin ku li ser sindoqan sekinîn û wan îradeya me hemûyan parast û hemû dek û dolab xirap kirin.
Em cejna Remezanê pîroz dikin, hêvî û armanca me ew e ku têkoşîna aştî û azadiyê ya li welatê me û li çar aliyên cîhanê bigihe serkeftinê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse