Hewlêr (Rûdaw) - Berdevkê Platforma Ciwanên Serbixwe (PCS) Ferîd Azad hat girtin.
Berdevkê PCSyê Ferîd Azad îro ji aliyê polîsan ve hat desteserkirin.
Ferîd Azad ku îro derket pêşberî dadgehê, biryara girtina wî hat dayîn.
Platforma Ciwanên Serbixwe li ser hesabê xwe yê medyaya civakî ragihand ku hêzên ewlehiyê dê Ferîd Azad bibin girtîgeha Amedê.
Li gorî daxuyaniya Platforma Ciwanên Serbixwe parêzeran wan dê îtîraza vê biryarê bikin.
Platforma Ciwanên Serbixwe her wiha da zanîn ku sedema girtina wî bi giştî çalakiya wan a Newrozê û bilindkirina Alaya Kurdistanê tê nîşandan.
“Em dê destji vê dozê bernedin”
Di daxuyaniya Platforma Ciwanên Serbixwe her wiha hatiye gotin:
“Em dê destji vê dozê bernedin û bi van girtinan dê nekaribin çavên me bitirsînin û pêşî li xebatên me bigirin!”
Platforma Ciwanên Serbixwe îsalNewrozê li navçeya Bazîdê ya parêzgeha Agiriyê ya Bakurê Kurdistanê bi meşale û alayên Kurdistanê pîroz kiribû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse