رووداو دیجیتاڵ
سەرۆکوەزیرانی بەریتانیا رۆژی هەینی رایگەیاند، لەندەن مافی خۆیەتی وەڵامی زیادکردنی پێناسی گومرگیی ئەمریکا بداتەوە، ئەوەش دوای ئەوەی دۆناڵد ترەمپ، سەرۆکی ئەمریکا بڕیاری دا 25% باج بخاتە سەر هاوردەکردنی ئۆتۆمبێل.
لە وەڵامی پرسیاری ئەوەی، "ئایا بەریتانیا مافی خۆیەتی وەڵامی هەنگاوەکانی ئەمریکا بداتەوە؟" کیەر ستامەر، سەرۆکوەزیرانی بەریتانیا لە شاری هادەرسفیڵد لە باکووری ئینگلاند گوتی، "دیارە هەر باجێک جێگەی نیگەرانییە و ئێمە کۆڵنەدەرانە لەگەڵ ئەو پیشەسازی و کەرتانە کار دەکەین کە چاوەڕوان دەکرێت کاریگەرییان لەسەر دروست ببێت."
سەرۆکوەزیرانی بەریتانیا گوتیشی، "هیچ یەکێکمان نایەوێت جەنگی بازرگانی ببینێت، هەربۆیە لەگەڵ ئەمریکا لە دانوستاندنداین بۆئەوەی کاریگەریی پێناسی گومرگی کەم بکەینەوە."
ئەمریکا لەدوای یەکێتیی ئەورووپا دووەم گەورەترین بازاڕی ساخکردنەوەی ئەو ئۆتۆمبێلانەیە کە لە بەریتانیا دروست دەکرێن.
ترەمپ دەیەوێت بە سەپاندنی گومرگ، کۆمپانیاکانی بەرهەمهێنانی ئۆتۆمبێل ناچار بکات لەنێو ئەمریکا کارگە بکەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ